香港酒樓結業潮一浪接一浪，短短半年已有十幾間執笠，而剩下的亦未必挨得過「寒冬」。日前有網友於社交群組上載片段，片中正值應是晚市旺場時間，但酒樓僅得他們一枱客，望着空蕩蕩的大廳，他不禁噓唏，帖文亦引來網民熱烈討論。
社交群組圖片
樓主：我係好似包咗個場咁
有網民日前在社交群組上載一段短片，鏡頭影住某酒樓的大廳，只見幾十枱空無一人，只有片主一枱客，空蕩蕩的場境令片主不禁嘆息「唉，現今的經濟，所以明白點解咁多執笠喇」。他又表示「間酒樓我諗唔會太長命，呢一幕真係反映曬香港嘅經濟，大家留意時間係七點半晚上」，更形容當下的情境「我係好似包咗個場咁」
網上圖片
網指酒樓「性價比低」令人卻步
短片反映了傳統酒樓正面臨的困鏡，引來逾千名網民關注及數百條評論，而歸納網民意見，酒樓淪落如此境況，最主要有三大原因。最致命的是「性價比低」，許多網民表示，酒樓的價錢令人望而卻步，「講真個句炒碟菜都百幾蚊，又唔係特別過人，為乜要去酒樓食先」、「免茶位免加一就會有人去」。有網民更稱，試過食一個三百多元的片皮鴨，但配料青瓜卻提供不足，「本身青瓜已經得幾條，問佢攞多少少青瓜，佢同我講58蚊」，表示「好多酒樓都係自己攞嚟」。
網上圖片
服務質素員工態度讓人不敢恭維
其次就是傳統酒樓的服務質素，員工的態度更讓人不敢恭維 ，「個個員工都叫你買月餅，熟客都唔敢入去」、「9點半開始執枱趕客，10點已經清晒場等收工，仲唔走就用勁大味漂白水拖地，依家啲酒樓，非必要都唔去」。
難與其他餐飲競爭很快被淘汰
最後，不少網民都認為現今酒樓難與其他餐飲競爭，年代不同，愈來愈多人喜歡選擇更具性價比的餐廳，如日本菜、西餐、酒店自助餐或放題等。並為酒樓的前景感到擔憂「而家結婚擺酒，一係唔擺，一擺就酒店。而家去酒樓飲茶，都係50歲以上既人有興趣，當呢批人漸漸死哂，酒樓呢樣野，可以變做非遺」，「宜家啲後生仔，點會去酒樓食吖，又加一，又茶芥，伙記又串過馬撚，又唔見大喜屋集團執，人地越做越大。」、「家唔興去酒樓食野，大把野揀，日本菜，泰國菜，越南菜等等」更有人預計酒樓很快被淘汰，「三年後冇晒酒樓！只有點心舖」。
社交群組截圖
