黃美棋宣布離巢TVB 撰長文回憶這些年：多謝公司呢八年黎俾我嘅所有機會

娛圈事

黃美棋宣布離巢TVB 撰長文回憶這些年：多謝公司呢八年黎俾我嘅所有機會

2025年08月21日 20:00 最後更新：08月25日 17:26

藝人黃美棋雖然只有35歲，但已入行32年，她於1993年在街頭被星探發掘而入行拍攝廣，之後在前輩指引下獲得電視劇拍攝的機會，1994年參演首部拍攝的電視劇、TVB的《愛有眀天II》，此行打開演藝之路，參演過多部為人熟悉的劇集，最令人印象深刻的相信是1998年在周星馳電影《行運一條龍》中出演「小芬女」一角，更因此獲得「小芬女」的綽號。雖然期間曾因學業而淡出娛樂圈，但最後都回歸娛樂圈，並於2017年重返TVB，但今日（8月21日）她就突然宣布離巢，「等我放個震撼彈先，我要正式離開呢個陪我長大再返黎追夢嘅地方lu。」

黃美棋在IG分享多張在TVB拍攝綜藝節目及劇集的花絮照，並撰長文回憶這些年，「仲記得1994年，係呢度拍咗我人生第一套劇集：包青天，以前嘅tvb係清水灣，大概喺我14歲嘅時候Tvb先搬咗嚟將軍澳電視城，HKTV 開唔到台之後，我做咗幾年自由身…，但係因為好想拍劇、最後決定返去TVB …，繼續呢個追夢之旅，喺呢度8年嘅日子當然有開心唔開，有期待有等待有失望再期待
而我相信呢一種經歷基本上係每個藝人必經嘅階段…」

點擊看圖輯

黃美棋4歲已經入行。

《刑事偵緝檔案》

《行運一條龍》

黃美棋IG圖片

更多相片

黃美棋4歲已經入行。

《刑事偵緝檔案》

《行運一條龍》

黃美棋IG圖片

View this post on Instagram

A post shared by Meiki Wong 黃美棋 (@meikiw)

黃美棋指在TVB這8年最大的收穫是做到幾個她好鍾意嘅節目，「包括有（香港美食一條街，大玩特玩、玩轉粵北粵東懶人包、搶食著數特攻隊等等），能夠遇到一啲欣賞我嘅監制同製作組，發掘咗我一啲綜藝喜感嘅小宇宙，仲有連續四年做到直播版歡樂滿東華嘅網上版主持，每次6個鐘頭嘅直播…成為咗我做直播節目嘅根基！『救妻同學會』係我好自豪嘅劇集，雖然每星期播一集，形式太新穎…，不過我依然好記得拍攝嘅點滴，多謝監製Anthony同o San，所有導演PA們」。

黃美棋又指在TVB的一切豐富了她的人生，由一個大番薯，蛻變成為今日擁有有好多唔同節目
大show +直播經驗嘅藝人～雖然心裏面都有萬般捨不得，但係聚散有時，每件事情都有終結嘅一刻。而我就選擇喺呢個時間離開呢個『避風港』，留低最美嘅回憶～其實能夠喺離開前，同家燕姐有一個旅遊節目係天大嘅恩典」，並逐一感謝多年來用過她監製、導演、所有幕前幕後的工作人員，以及公司的經理人等。

最後，黃美棋感謝老公鍾健威（Ray）這些年的支持，「睇住我入tvb，再睇住我返出黎，陪我度過每一個時刻！『外面風大雨大個市又唔好，留低好d喎，起碼有份糧！』係嘅… 外面的確係風大雨大（所以希望睇到呢個post 嘅PR 朋友們都多多關照小妹，盡情搵我做野），但係我都好明白，如果宜家唔走我驚我再無勇氣繼續去闖…要有向前嘅勇氣呀，同埋我嘅離開唔代表我放棄演藝嘅路，我更珍惜所有嘅機會～同埋有更多天大嘅空間去創作，最後多謝公司呢八年黎俾我嘅所有機會，我拍咗條散水片㗎，過兩日有得睇！」