Jaime張天穎生日首開show即場作曲顯急才 Beanies隊友送「Bikini積音Duck」全場笑爆

唱作歌手張天穎（Jaime）日前正日生日，於新蒲崗PORTAL舉行入行以來首個個人演唱會《張天穎 本故事不純屬虛構 演唱會2025》，是次特別安排全場企位，及VVIP觀賞綵排環節，忠粉們為爭取最前靚位不惜中午看完綵排後，便開始等候及排隊入場，誓言要跟Jaime一齊慶祝生日enjoy全晚！Jaime自己都笑說：「揀正生日開show，呢幾個月一直籌備和focus喺自己嘅表現，到show前一晚收到好多messages先記得自己生日！」

Jaime日前在正日生日舉行入行以來首個個人演唱會《張天穎 本故事不純屬虛構 演唱會2025》。

與全場粉絲一同慶生。

提到唱《小孩》時，Jaime驚喜現身觀眾群，唱唱下更突然哽咽，問到一向不容易喊的Jaime，她笑言：「我喊住唱歌好難聽呀！原來當大家又好配合坐晒地下圍住我，呢個效果嘅能量原來可以係咁大，唱唱吓又突然見到爸爸企喺度揮住熒光棒，佢一直以嚟都好支持我，呢個show佢仲緊張過我，眼淚就忍唔住啦。」

Jaime驚喜現身觀眾席。

因為見到爸爸，Jaime唱唱下更突然哽咽。

今次演唱會有不少圈中好友前來撐場，包括同樣是女團的好友Lolly Talk成員Elka & 阿妹、COLLAR成員Winka、VIVA成員VALC及Ada、ANSONBEAN、黃淑蔓、顧定軒、黃凱逸Zelos及楊天宇Angus等。

而整個演唱會所演唱的歌曲全都來自Jaime由去年開始的「《本故事不純屬虛構》音樂企劃」，歌曲透過街訪路人或朋友哼出「幾粒音」的背後故事，再延伸成為原創作品，由自己一手包辦曲詞編監於社交平台持續發佈。當晚，她更將這個概念搬上舞台，即席叫三位fans每人哼一粒音，然後用鋼琴即場作曲，天才mode全開，全場嘩然勁過七步成詩，一眾fans即尖叫：「好勁呀！」氣氛非常熱烈！

Jaime當晚即席叫三位fans每人哼一粒音，然後用鋼琴即場作曲。

天才mode全開！

嘉賓方面，Jaime請來這個企劃有份參與過「幾粒音」的歌手好友張蔓莎、Boris及TIAB（翁梓浩），當然不少得Beanies好姊妹陳樂頤（阿左）及李凱翹（Kay）！兩人分別準備了手寫信及神秘禮物送給Jaime，點知一開口讀信就喊，Kay讀到第三句已經眼濕濕：「我寫嘅時候笑住寫㗎嘛！」而阿左就一邊讀一邊叫Jaime：「唔好望我啦，好驚你喊呀！」結果自己都忍不住。之後阿左拿出禮物，問Jaime記不記得年頭答應過她學會一樣技能，Jaime即刻爆笑：「上年聖誕我送咗對啞鈴畀你，你終於用啦！」原來阿左拿出親手織的「兩粒音bikini」，笑着說：「我織咗兩粒音畀你！我着過OK㗎！我用咗兩晚時間織咗呢『兩粒音』Bikini比堅尼，咁第三粒音喺邊呢？就等你下次開一個大啲嘅show，我再織大啲畀你。」Jaime笑到彎腰，「聽日我遊船河喎！」而Kay就送上一隻「沖涼鴨仔」，神來一句爛gag：「你生日就送隻duck俾你，幫你生日『積音duck』！」全場即刻笑到肚痛！

Lolly Talk成員Elka

Rapper TIAB

Beanies好姊妹阿左、Kay

之後Jaime父母及細佬再推出蛋糕，全場fans舉起手幅手燈大合唱生日歌，Jaime感動到傻：「多謝大家畀呢個surprise畫面俾我，由唱翻唱歌放YouTube到第一次真正開到演唱會，係畢生難忘的回憶！」

Jaime父母及細佬再送上蛋糕。 

人氣實力獨立唱作人Jaime張天穎重磅推出快版話題單曲《PICKY》，大玩潮流運動風格題材，以全球爆紅的Pickleball匹克球運動為創作引子，借賽場規則隱喻人際界線與人生底線，新穎破格，態度滿分，盡顯獨特個性。

同時，Jaime再迎生涯巔峰里程碑，榮獲Spotify Global「EQUAL」香港代表，強勢登陸紐約時代廣場矚目戶外LED巨大屏幕，代表香港樂壇為女性力量發聲，氣勢勢不可擋！

唱作人張天穎（Jaime）推出快版新歌《PICKY》。

Jaime以匹克球運動隱喻人生界線，態度炸裂。

今次新作《PICKY》靈感滿載，靈感源自Jaime平日運動體驗。閒時跟好友暢玩Pickleball，場上獨特的「Kitchen區」規則啟發了她：「呢個區域並非單純禁區，而是有明確禮節與規範 - 必須等對手回球落地、球落地面之後，先可以喺區內擊球。」界線清晰、節奏有度。
Jaime借充滿寓意的運動細節，化作歌曲核心創作概念，巧妙映照現代人生處事態度與生活哲學。「每個人都需要專屬底線與安全距離，懂得擇善而行，學會保護自我。不論友情、職場合作、曖昧關係，永遠互相尊重。」

音樂製作層面，《PICKY》突破風格框架，Jaime一貫親自包辦曲詞編監，更邀請著名外國音樂人Adile參與編曲監製，揉合韓系K-Pop精緻編曲架構、西方街頭型格態度，注入滿滿運動爆發感與電音流行節拍，節奏強勁洗耳，旋律記憶度極高。歌曲跳出情愛框架，放眼萬種人際關係，當中金句歌詞 “I don’t swing for just anybody” 態度炸裂，直白演繹新生代處世觀 - 瀟灑斷捨離，拒絕無效社交，不為不值得的人自我消耗，清醒又霸氣，完全貼合現代年輕人價值觀。

MV獲圈中好友義氣撐場，強尼、ERROR肥仔、關楚耀、VIVA成員ADA及VALC、楊天宇等零酬勞客串，陣容夢幻。

Jaime笑言平時與肥仔打波經常落敗，今次終於可以「反擊」贏晒對手。

MV製作同樣砸盡心思，由YouTuber導演好友Boris操刀執導，更號召圈內一眾好友義氣撐場，集結強尼、ERROR肥仔、關楚耀、VIVA成員ADA及VALC、楊天宇、Gi（樊沛珈）等組成夢幻明星陣容，零酬勞鼎力客串，情義值千金！Jaime亦分享拍攝趣事：「平時同肥仔、Angus打波長期落敗，今次MV終於可以好好『反擊』，任性贏晒對手，全程超盡興！」

為將《PICKY》熱潮推上頂峰，Jaime特別花了兩個月時間排練新舞步，另拍攝推出多兩條全新Dance Video，舞步型格吸睛、節奏感滿滿，誠意呼籲樂迷 “狂loop”及參與IG #PICKYDanceChallenge ，齊齊跳住展現自我態度，一齊在各大社交平台洗版！

強尼

一路默默耕耘、憑實力突圍的獨立音樂人Jaime，今次殺入國際頂級地標紐約時代廣場，絕對是實力最佳印證。對於這份突如其來的重磅榮譽，Jaime依然滿載震撼與感觸，直言一時間難以消化，她謂：「細個讀書嗰陣，去New York City會經過嗰塊 billboard，成日都會望一望。嗰陣只係覺得佢好宏大、好勁，會影相，會記低，但從來冇諗過，原來有一日會同自己有關。」她更回憶：「上個禮拜再去探朋友，望住嗰塊billboard，心諗都仲係覺得唔關我事，點知事隔一個禮拜，就收到呢個消息！自己比想像中冷靜，但同時又興奮！由一個好鍾意音樂嘅張小朋友，喺睡房入面一路唱一路發夢，到而家原來可以行到咁遠，我仲未完全消化晒，但我知道，原來自己距離開始，已經行到呢一步。」

新歌更獲Spotify Global「EQUAL」香港代表，強勢登陸紐約時代廣場。

縱觀樂壇，獨立音樂人想要突圍絕對舉步維艱，Jaime憑住執著熱誠與永不言棄的「傻勁」，打破重重限制，印證「不必等待完美，勇敢出發就有無限可能」。Jaime滿心感恩，感謝沿途相遇的每一位貴人、不離不棄的團隊、無條件支持的家人，不論緣深緣淺、聚散有時，都化作前行動力。

未來路上，Jaime張天穎將保持自我風格，努力打磨作品，繼續做好自己，繼續追夢，為樂壇帶來更多新靈感、新驚喜作品！

Jaime直言由睡房發夢到走上國際地標，仍未完全消化這份榮譽。