到ATM提款是一件再平常不過的事，不過你有無想過，有一日ATM取出的紙幣竟然是損毀的爛銀紙？
示意圖片
日前就有港女在網上公開自己的黑仔經歷，她於港鐵香港站中國銀行櫃員機提取現金，豈料其中1張500元紙幣竟然是爛銀紙，不僅僅缺了一角，還曾被撕開過，最後勉強用膠紙黏回，可謂是傷痕累累。事主發現中伏，即刻到銀行同職員溝通事件，豈料被質疑是假鈔，銀行回覆，按照規定，需要經歷一系列手續，再等待3周至1個月，才會將500元重新存入其戶口，令事主嬲爆在網上公開事件。
網上圖片
事主指自己在香港站的一部櫃員機提款，紙幣約有10張，「拎出嚟居然有一張$500係咁」，事主表示，涉事銀行在居所附近有分行，她其後到該分行處理，然而櫃位職員亦不相信櫃員機會出不完整爛紙幣：「質疑我張銀紙」，「最主要佢唔信張銀紙喺櫃員機彈出嚟」。
《愛回家》劇照，示意圖片
黑仔經歷已經讓人嬲，事主還慘遭質疑，「即刻發脾氣，叫佢搵人睇cam，又鬧邊一個入錢落嗰個櫃員機就一清二楚啦。」事主指自己亦難以置信：「係冇人信㗎，連我自己後來發現都唔相信，不過呢個係事實。」她相信事件屬「個別例子」，但當時感到「激氣㗎」，尤其被銀行職員質疑時，「嗰一剎那係好㷫呀...因為佢質疑我嘛」。
《愛回家》劇照，示意圖片
不過最終事件都順利解決，涉事銀行於8月19日收到相關客戶的查詢，經檢驗後，已於8月23日退還款項予客戶。
事件曝光掀起網民熱議，大家紛紛留言指在ATM撳機「不完整」爛紙幣情況非常罕見：「爛唔緊要，但無咗角三角形，即唔完整」、「我有撳過啲咁錢出嚟，但冇你呢張咁爛」、「咁都入到機？」、「爛到咁點會入到食錢機啊，呢張500好有問題，竟然可以係櫃員機出到......」
還有熱心網民教路，若大家再遇同類情況，可以考慮「第一時間從櫃員機直接拿到CCTV前面，影住畀鏡頭影到張銀紙有問題」
