未過期甜豉油現「牙齒標本」詭異不明物體嚇怕港女 網民解答揭真身

近日天氣持續炎熱，一港女在社交平台表示，自己煎完餃子後打算蘸甜豉油食用，卻發現家中一支未過期的甜豉油竟然生出大量形狀詭異的「不明物體」，嚇得她直呼「嚇到我黐線」。

一港女發現家中一支未過期的甜豉油竟然生出大量形狀詭異的「不明物體」。Threads截圖

樽底佈滿狀如「牙齒標本」的異物

事主稱，雖然自己不常下廚，但「都未至於啲嘢擺到過期或者幾十年先入一次」，對上一次入廚房約在兩個月前。今次她煎完餃子後拿出甜豉油，卻見樽蓋、樽頸及樽底佈滿狀如「牙齒標本」和「頸椎模型」的異物，畫面相當駭人，令她不禁驚問：「好核突，有冇人解答？我到底係咩嚟？」

一港女發現家中一支未過期的甜豉油竟然生出大量形狀詭異的「不明物體」。Threads截圖

一港女發現家中一支未過期的甜豉油竟然生出大量形狀詭異的「不明物體」。Threads截圖

網民揭不明物體真身

帖文引來不少網民留言解答，紛紛指出該不明物體實為「酵菌」，成因多與天氣濕熱及保存不當有關，「可能冇閂好個蓋」、「天氣太熱太潮濕」都會導致變質。亦有網民引用早前類似個案，提醒大家若將生抽等調味品長期放置室溫環境，同樣容易滋生細菌和霉菌。

另有網民分享自己的生抽也有同樣情況。Threads截圖

最好放入雪櫃冷藏保存

不少網民建議，開封後的調味料最好放入雪櫃冷藏保存，以免在高溫高濕的環境中變質。尤其近日天氣不穩，務必多加留意家中食品的儲存狀態，保障食用安全。

網傳影片，3位大媽在收銀台前上演激烈爭住埋單的場面，手機付款碼準備就緒，個個爭住叫「我嚟！我嚟！」。其中一位看似搶先成功付款，但之後卻有反轉，有眼利的網民更看出當中玄機。

目擊者在社交平台發帖

樓主在社交平台Threads上傳短片並發帖，留言指「真係誇X張，完全目中無人，直接喺我面前表演MMA。我企喺後面好似以為我有防護罩咁，真係呆Ｘ咗」。

大媽搶付藥油錢超激烈：我嚟

影片可見，3位大媽在收銀台前「爭位」，搶住為藥油付款，「得得得得得得」、「唔好唔好唔好」、「我嚟我嚟我嚟」、「呢度呢度」此起彼落。

大媽搶付藥油超激烈：我嚟！當事人帖文截圖圖片

搶先掃碼以為贏晒

然而，看似先掃碼成功的大媽，其實只付了最靠近收銀員的那1盒藥油，其餘5盒較遠的藥油，反被後上的大媽成功搶付。

看似先掃碼成功的師奶，其實只付了最靠近收銀員的那1盒藥油。當事人帖文截圖圖片

她在片中向店員說「唔係唔係，你掃我吖嘛真係」、「後面5支俾我」，最後成為爭埋單的最大贏家。

最後成為爭埋單的最大贏家。當事人帖文截圖圖片

網民看穿：假爭俾錢

不少網民對這種「MMA式」爭付行為感到反感，覺得「阻住後面客人」、「好擾民」，更直言「咁想俾錢，不如叫佢連你份一齊俾晒啦」。

不過眼尖網民則看穿這是「假爭俾錢」，直呼「扮嘢扮到爛」、「假到爆」、「其實個個都不想俾」。有網民一針見血，「十幾二十蚊就爭得要死，幾百蚊就即刻縮」、「小錢爭住俾，大錢就無影」、「試下幾千蚊睇下仲爭唔爭，純粹演戲！」。

眼尖網民則看穿這是「假爭俾錢」，直呼「扮嘢扮到爛」。當事人帖文截圖圖片

小額消費上刻意表現人情味？

有人分析，可能心裡想着「可能兩個都唔想俾之後食飯嗰餐」，於是在小額消費上刻意表現人情味，大額時卻自動退縮。

網民抨擊：其實為咗面子

不少網民抨擊這種文化，「超討厭呢種爭俾錢文化，明明係假慷慨，其實為咗面子！」、「收起嗰啲無謂面子啦」、「撞到樓主咁多下，換成我即刻開口鬧佢哋」、「叫佢哋閃開一邊慢慢打啦，後面好多人排隊」、「我之前試過被5個師奶圍住爭俾錢，爭住買一把指甲鉗，我企定定等佢哋完事」。