麻雀樂團｜結局17分鐘麻雀大戰拍足兩Day！姜大衞譚俊彥抱病拍攝依然交足戲勁專業

《強人》系列金牌監製羅永賢Marco、夥拍其最佳拍檔黃偉強編審的《麻雀樂團》，今晚八點半翡翠台播映大結局。

Final呢場麻雀大戰勁緊張。

Final呢場麻雀大戰勁緊張。

「贏要贏得光彩，輸要輸得精彩」，今晚播映大結局的《麻雀樂團》，最大焦點場口，非司徒久（譚俊彥飾）及宗叔（姜大衞John哥飾）的「清五關」麻雀對決莫屬，二人的搭擋分別是鐵姐（李佳芯飾）及樂少（唐嘉麟飾）。「清五關」的玩法是，先合力食出五大奇牌：十三么、十八羅漢、大三元、大四喜及九子連環的組別為之勝出，而鐵姐及樂少的主要任務則是負責誅敵對一組！據知，在這場對決中，久哥與鐵姐開首處於下風，鐵姐更一度因連輸兩鋪大牌陣腳大亂，到底二人能否力抗宗叔這位「麻雀大俠」？密切留意今晚大結局！

齋睇大家嘅表情，都知有幾咁峰迴路轉，到底邊個可以笑到最後呢？

齋睇大家嘅表情，都知有幾咁峰迴路轉，到底邊個可以笑到最後呢？

齋睇大家嘅表情，都知有幾咁峰迴路轉，到底邊個可以笑到最後呢？

John哥親揭麻雀戲難拍之謎

談到結局的「清五關」對決，姜大衞John哥接受官方訪問時，透露是其中一場最愛又最辛苦的場口。John哥：「拍戲打麻雀真係唔同自己打麻雀嘅，呢場戲係拍得幾辛苦，但又拍得幾過癮。其實打麻雀好難拍，除咗要記住每個動作，打牌定攞牌時要講對白，四個人都要配合得好好。我哋呢場戲都拍咗成兩日。」John透露拍攝麻雀戲時由於身體抱恙，感到非常不舒服，故主動要求需要停拍，貼心的劇組亦全面配合，讓John哥可稍事回家休息翌日再戰。John哥：「我同阿Shaun,、Ali都病呀嗰日，但我哋都堅持住繼續拍，最後一場我頂唔順，就同導演講搞唔掂，之後第二日再拍咗半日。」

齋睇大家嘅表情，都知有幾咁峰迴路轉，到底邊個可以笑到最後呢？

呢三位朋友搞邊科？

拍攝時抱病上陣的阿譚，昨晚上載在拍攝現場睡著時被偷拍的照片，並搞笑留言：「灣仔麻雀小王子都會......瞓著咗畀人偷影嘅」。

值得留意的是，三位主角雖然同時病倒，但不但專業地堅持繼續開工，而且三位在這場結局戲中都相當搶戲，John哥好戲唔在講，阿Shaun及Ali亦給了相當有層次的表情包，再加上韋家雄及何啟南兩位「花生友」的好戲助攻，整整17分鐘的結局麻雀對戰都相當緊張、半秒悶場也沒有。

TVB一眾藝人近日積極備戰，為今日（5月1日）的《明星籃球精英隊表演賽．廣州站》密密加操，對戰由前中國男籃國手的孟鐸，以及有「路人王42冠王」陳澤文組成的球星隊。籃球女神劉穎鏇作為明星隊隊長，率領譚俊彥、張振朗、何廣沛、許家傑、戴祖儀、孔德賢、周志康、潘靜文、劉頌鵬、劉詠彤等人密密練波。

籃球女神劉穎鏇率領明星隊為《明星籃球精英隊表演賽．廣州站》密密加操。

藝人們平時工作繁忙，可以就到時間齊人練波已經非常難得，大家為了積極備戰，每星期最少都練一次，可以的話甚至一個星期練三課，非常努力。當中隊長劉穎鏇與許家傑被眾人寄予厚望，視為「神隊友」。

身為隊長兼籃球女神，劉穎鏇表示以往未試過在內地比賽，知道今次會在天河體育中心體育館作賽，心情有點緊張。雖然她近期比較少練波，但為了今次有更好表現，每星期最少都練習一次，大家都很團結去練習，非常期待。她又笑言：「反而我覺得同男仔打波會好啲，因為佢哋會錫住我哋。」她又大讚隊友會互相補位，而且已經培養好默契，希望到時每人都可以得分。

劉穎鏇

劉穎鏇、戴祖儀

劉穎鏇

在旁的張振朗則表示今次比賽是要「搵初戀」，他笑言：「今次參加比賽我想搵返初戀，自從13歲夏天同籃球結緣之後，我好耐都冇打過喇。而且我13開始就有個籃球夢，所以我今次唔係嚟比賽，我係嚟尋夢！」有張振朗在場搞氣氛，令大家在一片笑聲中練習。

張振朗

氣氛擔當又點止張振朗，戴祖儀笑言：「我已經買咗兩個啦啦球，準備做啦啦隊同大家打氣，我唔會落場㗎！」然後她即場射籃豈料射失，她自嘲：「我角度係有㗎，係冇力之嘛，我有埋力鋪鋪做神射手都唔知你哋點算。」

戴祖儀

雖然練習時有講有笑，但何廣沛表示對於今次比賽心情緊張，因為未知對手實力如何，以前在橫店拍劇時也曾與當地的學生打籃球，他說：「當地啲學生好勁，個個都好高大，手長腳長。」雖然會因為比賽感到緊張，但有許家傑（Jack）做隊友令他很放心，他說：「Jack有自己球隊，係HERO嘅老大哥，好有經驗，有佢帶住個心都定啲。」他又說：「相信只要傳到空位俾Jack，都有8、9成機會入波。另一位猛將Tiffany都好勁，期待佢到時可以做到得分王！」他又笑言：「籃板王我應該攞硬，我好有信心，呢幾次練波都有一個2米高嘅對手訓練我彈跳力，依家我跳到兩個膝頭傷晒，就快變『雙失』㗎喇。」

何廣沛

許家傑表示雖然未試過在內地打籃球賽，但有留意開國家隊表現，特別是女籃每一位運動員都很高，高自己成個頭；又試過跟內地朋友打籃球，覺得對方不論是技術與體魄都很強。Jack又表示自己從小就打籃球，雖然近年轉跑馬拉松、pickleball，不過自己有球隊所以沒有生疏。戴祖儀亦讚他很專業，會教大家跑姿、射姿。而Jack覺得Joey很捱得：「上次佢練到塊面都青晒斷氣咁滯都仲好堅持，可能公司藝人都比較捱得。」

許家傑

同場的孔德賢以前有在內地踢過足球賽，但籃球賽就第一次，他表示期待與大灣區、廣東省嘅朋友交流。而劉頌鵬就表示現時可以做的就是積極備戰，這幾個星期是他人生最接近做運動員的一次，基本上一個星期練三課。他們覺得，如果之後有機會原班陣容組隊定期練波，再將它拍成節目，或者參加業餘比賽也不錯，相信各位男神、女神一起拍節目會很好玩。

孔德賢

大合照