TVB戀愛真人騷《女神配對計劃》播至今話題性十足，成功棒紅葉蒨文、羅毓儀、關嘉敏、李芷晴及梁敏巧（Maggie）五位女藝人。其中最初被部分網民批評外貌不及其他參加者的梁敏巧，卻在節目尾聲憑藉一幕「馬尾校服造型」成功逆襲，獲網民洗版式狂讚「靚到爆燈」，她更主動公開自己學生時期的真實照片，引發熱議。
TVB戀愛真人騷《女神配對計劃》五位女神究竟情歸何處？
「東張女神」梁敏巧（Maggie）在上星期播出的《女神配對計劃》中，以馬尾校服Look亮相。
相片中的梁敏巧身穿校服，樣貌清純，充滿鄰家女孩氣質。她更在社交平台透露，求學時期曾經同時被5位男生追求，引起網民驚訝與質疑。對此，Maggie大方回應：「網民們唔相信我有5個人追，我諗返都係唔相信嘅。雖然係開朗活潑但唔識打扮，但我真係好活躍，有參加唔同學會級活動、社活動、制服團隊、同級同班、唔同班、師兄、出面參加制服團隊的成員，所以可能因為係好多圈子出現，會有呢個結果，唔係水性楊花呀！」
點擊看圖輯
TVB戀愛真人騷《女神配對計劃》五位女神究竟情歸何處？
「東張女神」梁敏巧（Maggie）在上星期播出的《女神配對計劃》中，以馬尾校服Look亮相。
獲網民洗版式大讚靚到爆燈！
梁敏巧大爆中學時期曾同時被5個男仔追。
被問到如何同時應付5位追求者，梁敏巧坦言沒有特別經營：「我無特別要點handle，最簡單鐘意咪溝通多啲。無感覺咪冷淡等佢哋知難而退，我屋企管好嚴所以唔會出街。我諗最頭痕都係約溫書，我會索性同佢哋講約咗一班同學喺邊度溫，隨意join。傾電話send訊息純睇心情，可能因為咁養成佛系覆信息。其實我了解後無feel我會好冷淡，完全唔會比假希望唔收兵～有人好快放棄，有人追足一年！」
相當搶手！
由「金牌媒人」林盛斌（Bob）主持的《女神配對計劃》大受歡迎，三對成功配對CP：曾展望（GM）＋葉蒨文（Sophie）、羅毓儀（Yuki）＋林俊其（Kris）、梁敏巧（Maggie）＋劉啟進（Matt），連同配對「飲恨」失敗的關嘉敏（Carman）+黃家俊（Matthew）、李芷晴（Stephanie）+林焌堯（Jacob）引爆不少城中熱話，節目於上周日舉行的《萬千星輝頒獎典禮》更榮獲「大灣區最喜愛TVB綜藝及資訊節目」，成績斐然！
「天旋地轉說愛你」五位男士的「驚青樣」。
Jacob在Stephanie鼓勵下選擇迎戰。
Stephanie感動即送Jacob一個「咩都得」的願望。
Matt「公主抱」Maggie面不改容。
Matthew「公主抱」Carman。
Jacob「公主抱」Stephanie最後少少腳軟，全場爆笑！
GM好Strong。
GM、Sophie甜蜜對望。
Kris好似有少少吃力！
而由《女神配對》原班CP/準CP參與拍攝的《女神玩轉嘉年華》，本周六晚八點翡翠台播出第二集，五組CP/準CP繼續於中環海濱香港冬日嘉年華中大玩各式各樣啜核競技，分別為「心有靈犀考默契」、「一心一意傳豆腐」、「天旋地轉說愛你」。三大遊戲之中，以「天旋地轉」最為「殘忍」，考驗一眾男參賽者的膽量、體力及忍痛能力之餘，還同時考驗眾人記性！由於五男要挑戰的機動遊戲「Vertical Limit」離心力甚大，五名男選手一律嘈到拆天，兼且驚現大量「毁容級走樣潛力圖」，現場頓變「奪命狂呼」現場。
五男之中，嗌得最慘烈的非GM莫屬；由於GM叫聲實在太慘烈，Sophie見狀即心痛地狂問：「喂！又加速嘅？佢第二Round喇！」相當錫住男友仔。原來GM反應之所以特別大，全因有「幕後黑手」看不過眼GM一個行為，而吩咐現場工作人員為GM加料，GM及後更要為相關行為道歉。到底GM做了甚麼招來如此「橫禍」？密切留意節目。而向來備受關注的GS CP，今集還會上演「甜蜜快穩準」傳豆腐絕技，萬勿錯過。
玩考機動遊戲時，百厭的GM不時取笑其他男士。
0Bob Max密謀大計。
Sophie與GM二人玩傳豆腐遊戲時超默契表現！
雖然途中有「小鬧交」。
身高差關係。
Bob當場示範，玩得好好添！
Jacob全程小心翼翼、好Gentleman。
最後Jacob許咗咩願，更令全場起哄！
Matt玩傳豆腐好似好緊張。
Carmen傳豆腐面都紅晒。
李芷晴被Jacob感動主動送對方願望：咩都得！
另一對值得關注CP，是準CP Stephanie與Jacob。向來是《女神》「怕醜擔當」的Jacob，為了女神Step，竟願意面對恐懼挑戰「Vertical Limit」，期間由於真的太驚，更史無前例地在螢光幕面前「失控大嗌」，被GM取笑：「我聽過Jacob講嘢最大聲一次。」Step聞言即痛心護航：「你哋唔好笑佢啦！x2」玩完機動遊戲揈到面青青的Jacob，抱起Step走石春路時腳步浮浮，完成任務一刻更因雙手乏力令Step險變「滾地葫蘆」。眼見Jacob為了自己一再「我超越我」，Step最後甜蜜賜予Jacob一個願望，更許下豪言：「咩都得！」而Jacob亦甚有禮數地選擇「甜蜜抱抱」而沒有飛擒大咬，相當有風度。
除了遊戲環節，今集繼續有「心動時刻」小劇場，由Yuki＋Kris、Maggie＋Matt分別上演「鍾意啊？」及「乜咁啱嘅」；Kris在小劇場中，為了氹Yuki開心，更會化身「Balloon Dragon」向女友送抱，氣氛勁爆甜蜜；而二人於玩遊戲期間，雖然表現略為遜色，但卻遭「女神」團隊起哄大叫「結婚」，想知二人做了甚麼引來全場起哄，密切留意今晚播出的《女神玩轉嘉年華》。
