林子祥自爆英國「孤兒仔」悲慘生活 葉蒨文不吃海鮮原因離奇

林子祥（阿Lam）與葉蒨文（Sally）接受查小欣YouTube 頻道「紅查館」獨家專訪，阿Lam自爆早年留學英國，曾與弟弟被遺棄在地鐵站，更因冇錢交學費而被踢出校，阿Lam苦笑道：「做孤兒仔，冇嘢食！」Sally則原來不吃海鮮，理由相當離奇：「有一次朋友整龍蝦，我當場即刻喊！」

林子祥（阿Lam）與葉蒨文（Sally）接受查小欣YouTube頻道「紅查館」訪曼。

Sally不吃海鮮原因離奇：「朋友整龍蝦，我即刻喊！」

阿Lam與Sally作客「紅查館」又再「獻寶」，素來寡言的阿Lam，竟向查小欣自爆早年留學英國的悲慘生活，阿Lam細說這段畢生難忘的回憶：「細個喺英國冇嘢食，屋企人冇寄錢，學校踢咗我出嚟，爸爸雖然係醫生，不過佢由我哋（阿Lam與弟弟）自己去求生……」最深刻的畫面，由Sally補白：「我哋去英國成日坐地鐵，嚟到一個地鐵站，阿Lam就話，佢就喺呢個地鐵站俾人丟低，佢一個喼、細佬一個喼，企喺個地鐵唔知點算，而家佢講嘅時候都想喊！」日本有《阿信的故事》，英國版《阿Lam的故事》更是另一個掙扎求存的真實經歷，阿Lam現身說法：「乜都做，麥當勞、派報紙、幫人執屋、百貨公司，搵到幾多就食晒，冇㗎啦，因為仲要租房！」

阿Lam自爆英國悲慘生活。

阿Lam：「做孤兒仔，冇嘢食！」

與Sally相交多年，查小欣知道Sally有個不吃海鮮的特別原因——Sally居然聽到海鮮會喊？Sally更正：「唔係喊，佢喺度叫！嗰陣時我daddy煮蟹，丟隻蟹入個鑊，佢（隻蟹）嘅眼睇住我好似叫救命，佢唔係（真係）叫，只係我自己諗，如果係我就會叫救命，但我救唔到佢，佢好慘！又有一次朋友整龍蝦，龍蝦仲郁，我當場即刻喊，我叫佢攞走，我唔得！」Sally笑言兩夫婦對飲食並不講究，到快餐店就可以搞掂一餐，至於早前阿Lam被拍到在公園獨自吃燒味飯盒，看樣子十分孤清，阿Lam輕鬆回應：「不知幾enjoy，一啲都唔慘！我而家仲會去茶餐廳，飲奶茶、睇報紙！」

林子祥（阿Lam）與葉蒨文（Sally）接受查小欣YouTube頻道「紅查館」訪曼。

現年59歲的葉子楣於1985年考入亞洲電視藝員訓練班，其後加入嘉禾電影發展電影事業。她憑電影《玉蒲團之偷情寶鑑》爆紅，更因傲人上圍被封為「波霸始祖」，成為90年代紅極一時的三級片艷星。不過即使拍攝情色電影，她多年來仍堅持「三點不露」的原則。

葉子楣被封為「波霸始祖」

為90年代紅極一時的三級片艷星

憑電影《玉蒲團之偷情寶鑑》爆紅

近年逐漸重新活躍於幕前的葉子楣，日前接受資深傳媒人查小欣網台訪問，大談當年拍戲的經歷。她透露曾遇過被黑社會威嚇，要求她在電影中露點演出，但最終仍成功守住底線。

葉子楣表示，90年代自己曾拍過多部三級片，包括《聊齋艷譚》、《女機器人》及《玉蒲團之偷情寶鑑》等。當年人氣高企的她工作不斷，試過一年拍13部戲，還要頻密登台。她指登台表演通常沒有主辦單位規定性感尺度，但拍電影時卻曾遇到壓力：「都有試過發生呢個情況嘅，我遇過黑社會出現、畀佢哋威嚇要露點演出，但我都好好彩有前輩出馬幫手，幫我搞掂個情況。」

指曾遇過黑社會威嚇要露點演出，但好好彩有前輩出馬幫手解決

談到外界常以「胸大無腦」形容身材豐滿的女性，葉子楣坦言不少人見到她後都會說：「有好多人同我講，估唔到你係咁有腦喎」，而她認為自己能得到這些評價，是因為一直堅持原則。

至於當年與彭丹、葉玉卿及利智等性感女星被比較，她則笑言自己「冇對手」，因為從不會把其他女星當成競爭對象，更謙稱自己其實也不算真正的「波霸」：「其實有好多女仔身材都好似我咁樣，只係我個比例誇張啲。」

又言從不會把其他女星當成競爭對象

感情方面，葉子楣一生只談過三段戀情，其中最為人熟知的是1992年與醫生呂錫照拍拖多年，可惜對方於2018年因心臟病離世。至今單身多年的她坦言仍嚮往愛情，但對戀愛也有顧慮。她表示：「好難識男人，可能個男人只係貪我名氣，可以令佢知名度高咗；真係有錢就驚咗我，因為一定畀人起底。」因此她亦擔心遇人不淑或被騙錢，最後只好抱持順其自然的心態：「都係唔好諗咁多。」