香港小姐2025｜直擊紅地氈盛況「女神」梁敏巧李芷晴低胸高衩上陣騷好身材

由林盛斌率領2025香港小姐亞軍施宇琪及季軍袁文靜主持的《中國建設銀行(亞洲)呈獻：攻你上大學》前晚（3月6日）絕對是顏值與智慧的巔峰對決，皆因今集迎來超吸睛的「女神班」！

龔嘉欣、譚凱琪、葉蒨文、羅毓儀、梁敏巧、李芷晴、何沛珈、鄧凱文及賴彥妤，聯同全場唯一「女校男生」黎諾懿，齊齊換上校服Look登場，畫面靚到爆燈！這班女神絕非「得個樣」，個個學歷嚇死人，鄧凱文畢業於英國名校諾丁漢大學傳理系、梁敏巧修讀新聞與傳播、何沛珈則是中大護理系畢業的前護士。

女神們一開波已經七嘴八舌，場面混亂得嚟又超級搞笑！講到讀書往事，Sophie自爆當年好勤力讀書冇掛住拍拖，之後在回答修辭手法題目時，更與羅毓儀Yuki上演了一場「Drama式大對決」，Sophie的質問語氣VS Yuki的反問語氣，場面勁搞笑。至於全場唯一男丁黎諾懿亦不甘示弱，面對英文題時豪言：「我讀好多書㗎，如果唔啱我除衫即走！」結果黎諾懿真的「有貨」，成為首位升上中學的「學生」。

除了緊張刺激的答題環節，主持袁文靜亦大放笑彈兼「抽水」！當問到「肥胖人士若想讓自己看起來比較瘦，應選擇穿着以下哪種服裝？」時，袁文靜竟然叫大家留意Bob的衣著：「大家可以諗吓Professor Bob着住咩衫？」，可愛得嚟又一針見血，Bob則搞笑地反問：「點解要留意吓呢？」

明晚（3月9日）播出的一集，當問到中醫題目時，袁文靜竟大拋書包：「應該問陳豪，因為佢係TVB最犀利嘅醫生！」皆因陳豪先後在《俠醫》及《白色強人》飾演過中醫師及醫生，有想法兼合乎邏輯。而每集必睇的片尾彩蛋「真‧學生相開心Share」環節繼續有驚喜，原來譚凱琪Zoie小時候樣子相當成熟，與現在的凍齡模樣大相逕庭；而鄧凱文Eris細細個已經是孖辮妹，Cutie指數爆燈。