韓國人氣男團 INFINITE 成員張東雨在8月31日舉行首個以個人名義舉行之粉絲演唱會。有見及此，在演唱會舉行前，張東雨於8月30日假 THE SOUTHSIDE 舉行《 THE SOUTHSIDE x 2025 JANG DONG WOO FAN-CON TOUR《CONNECTION》IN HONG KONG 記者會》，率先為 INSPIRIT們於演唱會前熱熱身。
INFINITE成員張東雨首度以個人身份檢港舉行活動。 主辦單位提供圖片
活動甫始，韓國人氣男團 INFINITE 成員張東雨在現場粉絲歡呼聲中帥氣登場，並一展親切笑容及以廣東話向現場粉絲打招呼，表示很高興再次回到香港，並且十分期待即將與香港 INSPIRIT 們近距離見面互動。
點擊看圖輯
INFINITE成員張東雨首度以個人身份檢港舉行活動。 主辦單位提供圖片
張東雨表示會在未來努力帶來更多作品及活動回饋大家的愛。 主辦單位提供圖片
張東雨與在場粉絲打招呼。 主辦單位提供圖片
在台上訪談環節中，東雨分享了個人近況及對是次香港之行的感受。他笑言已經計劃好要試盡各樣街頭美食，被問到如何保持健美體態，他亦表示運動與舞蹈是日常不可或缺的部分，為展示健身成果，他更於台上一口氣做了五十下掌上壓，技壓全場。提到8月31日的粉絲演唱會舞台，東雨表示已經準備好為香港 INSPIRIT們帶來「香港限定驚喜」，更希望可以跟現場觀眾們創造最難忘回憶。
張東雨驚喜表演五十下掌上壓。 主辦單位提供圖片
為進一步拉近與粉絲距離，記者會特設互動遊戲環節，並即場隨機挑選三位幸運粉絲上台與偶像近距離互動。遊戲期間，東雨即場按題目所示展現「畫功」，讓粉絲猜出答案，過程笑聲不斷，展現偶像最親民可愛的一面。勝出的粉絲更可獲得東雨親筆簽名海報及合影機會，令全場羨慕尖叫。壓軸環節，東雨更驚喜為粉絲獻唱人氣歌曲，將氣氛推至最高峰。東雨更表示，感受到香港粉絲的熱情支持，未來會努力帶來更多作品及活動回饋大家。
張東雨又即席表演畫功。 主辦單位提供圖片
張東雨與在場粉絲大合照。 主辦單位提供圖片
張東雨表示會在未來努力帶來更多作品及活動回饋大家的愛。 主辦單位提供圖片
去韓國旅行，淨係識追星睇K-POP演唱會、掃K-BEAUTY美妝、食K-FOOD？咁你就走寶喇！韓國觀光公社今次將韓國劇場文化直接搬來香港，喺東九文化中心舉辦「K-Stage Festival 2026」，由6月25日起一連四日，每日兩場不同主題嘅精彩舞台演出，等香港觀眾感受韓流更全面嘅藝術魅力。主辦方希望觀眾睇完表演後，會心思思想飛去韓國當地劇場探索更多舞台劇作，為下趟韓國之旅增添新意。
K-Stage Festival 2026將於6月25日星期四至6月28日星期日舉行。
四部話題劇場作品逐套睇
K-Stage Festival為大家準備咗4部韓國話題劇場作品，其中3齣會濃縮成精華版本組成主題匯演，另一套則係原版音樂劇。現場仲會提供字幕，部分作品本身冇任何對白，大人細路都睇得明！
音樂劇〈Inside Me〉
呢部以社交媒體為主題嘅韓國原創音樂劇，講述一位當紅KOL追夢時遇上瓶頸，開始察覺「網絡世界嘅自己」同「真實嘅自己」漸行漸遠。觀眾會陪住主角一齊踏上尋回自我嘅旅程，探討「點樣先係最真實嘅自己」呢個人生課題。〈Inside Me〉喺韓國已累計演出超過1,100場，獲得近3,000則接近滿分嘅觀眾好評。最特別係演出中途有觀眾互動環節，令世界上冇一場一模一樣嘅〈Inside Me〉演出！音樂方面以節奏感十足嘅K-POP風格構成，K-POP迷一定投入。
音樂劇〈Inside Me〉
匯演作品(一) 〈JUMP〉
冇對白都可以令你笑到肚痛！〈JUMP〉講述一個武林高手世家，某日突然俾大膽竊賊入侵屋企，到底呢個家庭可唔可以用最擅長嘅武術擊退賊人？作品曾先後喺倫敦西區及紐約百老匯長駐演出，連續兩年蟬聯愛丁堡藝術節票房冠軍兼勇奪喜劇大獎，全球都大受歡迎。既有高難度武打動作，又有幽默滑稽情節，大人細路都啱睇。
〈JUMP〉
匯演作品(二) 〈偉大的跆拳道〉(The Greatest Taekwondo)
跆拳道作為韓國國技，今次由韓國國家代表級跆拳道選手組成嘅演出單位，將呢門武術從道館帶入劇院。喺K-POP音樂、韓國國樂、特別設計嘅影像與燈光襯託下，展示高難度旋轉、空中擊破等跆拳道技術，整齊劃一嘅群舞動作充滿力量！
〈偉大的跆拳道〉
匯演作品(三) 〈Show Musical Dream High 3 Reboot〉
延續經典青春校園韓劇〈星夢高飛〉世界觀，講述一群年輕人為夢想奮鬥，經歷成長痛、學習失敗後重新出發嘅故事。劇中結合K-POP音樂、現場演唱及強勁編舞，猶如一場K-POP演出。對睇過2011-2012年〈星夢高飛〉嘅粉絲而言絕對係回憶殺；而導演兼音樂製作人正係《魷魚遊戲》音樂總監，編舞監製則係為SEVENTEEN、BTS編舞嘅崔容俊。INFINITE張東雨、VICTON姜昇植及林勢俊更會來港參演！
〈Show Musical Dream High 3 Reboot〉
INFINITE張東雨
VICTON姜昇植
VICTON林勢俊
免費門票預訂方法
K-Stage Festival四日期間所有門票均為免費*，有興趣嘅朋友由5月29日中午12時起，到art-mate網站揀選想睇嘅場次完成預訂手續，即可憑電子門票入場。不過要留意，為確保觀眾入場減少缺席，預訂時art-mate會收取港幣$100按金，持票人出席預訂場次後，將喺活動結束後獲退還按金。使用付款平台支付按金時產生嘅手續費則唔會退還，按金預計喺7月15日或之前退回。
Klook加推《飛躍舞台，玩轉韓國》優惠
睇完濃縮版想飛去韓國睇完整版？韓國觀光公社同Klook聯手推出多部韓國人氣劇場作品同旅遊體驗產品折扣優惠。今年6月8日起至7月31日期間，輸入專屬優惠碼即可享費用減免，名額有限先到先得：
- 人氣韓國演出商品：優惠碼「KRSHOWS」
- 韓國旅遊產品：優惠碼「KRSUMMER」
- 韓國鐵路(Korail)車票：優惠碼「KRKORAIL」
*購買韓國旅遊產品嘅顧客，更可獨家獲得折扣券購買人氣韓國演出商品。
K-Stage Festival活動詳情
日期：2026年6月25日(四)至6月28日(日)
時間：下午2時半、下午7時半（各場次約110至120分鐘）
地點：東九文化中心(劇場)
演出時間表
6月25日(四)至6月27日(六)
- 2:30 pm：主題匯演〈JUMP〉、〈偉大的跆拳道〉、〈Show Musical Dream High 3 Reboot〉
- 7:30 pm：音樂劇〈Inside Me〉
6月28日(日)
- 2:30 pm：音樂劇〈Inside Me〉
- 7:30 pm：主題匯演〈JUMP〉、〈偉大的跆拳道〉、〈Show Musical Dream High 3 Reboot〉
預訂門票網址：https://www.art-mate.net/doc/96495
K-Stage Festival 2026將於6月25日星期四至6月28日星期日舉行。
