俠醫｜張曦雯放下靚女包袱 放送「浮誇瘋狂表情包」超吸睛

由無綫新晉監製陳萍、攜同編審麥世龍及黎倩儀攜手炮製的全新正氣劇集《健絡通呈獻：俠醫》，逢周一至五晚八點半翡翠台播映，主要演員有陳豪、張曦雯、馬貫東、丁子朗、劉佩玥、譚凱琪、馮皓揚、郭柏妍、游嘉欣、鄭子誠等。

開頭呢個位好特別。

Kelly呢啲樣平時真係好少見。

Kelly呢啲樣平時真係好少見。

昨晚（9月1日）首播的《俠醫》，陳豪阿Mo飾演的凌為民，及張曦雯Kelly飾演的羅穎琛Rachel可謂由頭帶到落尾。劇情講述做人做到亂晒籠、冇錢冇事業冇愛情的「Loser Rachel」，一開頭即迎來連串厄運並遇上碰瓷黨，幸好凌為民剛好路過幫忙拆穿騙局，還為Rachel治療慣性拗柴，二人因而結下拗柴情緣…禍不單行的Rachel，除了因要照顧自閉症家姐羅穎茵（譚凱琪飾）心力交瘁，同時還要應付同事沈綺婷（劉佩玥飾）的連番暗戰及好色客戶鄧力圖（鄭子誠飾）的不道德誘惑…

Kelly第一集佔戲如此重，自然相當搶焦！其實Kelly今次飾演的Loser Rachel與以往女強人及知性女性角色有極大分別，除了裝扮相對較「地」，就連表情舉止也與以往有180度差異，昨晚一集，Kelly放下靚女包袱，短短一晚釋放出大量「浮誇剩女表情包」，包括咆哮Look、放Pea Look、蛇Gwei Look、混亂Look及弱勢Loser Look等，獲網民大讚有新鮮感、夠放兼夠入戲。

難得一惡嘅Kelly

好可愛

O嘴Kelly

是否很驚訝，講不出說話~

咁混亂、六神無主同驚青嘅Kelly，大家有幾何見到。

自揭一個原因不再演曲髮角色
Kelly接受官方訪問時，也笑言今次角色相當好玩：「今次最大挑戰，係因為個角色好Local，同我之前嘅角色完全唔同，所以講嘢、肢體語言都同我平時好唔同，我覺得幾好玩，都有盡量放開去做。」Kelly又謂很喜歡Rachel這個Loser角色：「佢冇主角光環，好多嘢都處理得唔好、唔識面對，又好多缺點，但就心地善良，我好鍾意呢個角色，因為人就係咁唔完美。」談到劇中以新鮮感十足的曲髮造型上陣，Kelly笑言這個髮型是《俠醫》限定：「整呢個真係好辛苦，我唔會再整，因為我本身個頭髮好直嘅，一洗完頭就自帶負離子咁。我記得嗰陣出外景好熱、好易出汗，咁我啲頭髮就會好快變直，所以我每次出外景起碼要重新整頭三至四次，先可以Keep到個曲髮連戲。」

Kelly靠「長短棍餐單」控制食量
除了角色夠新鮮，Kelly昨晚的背心短褲居家Look亦獲網民大讚身形勁靚！其實Kelly的確勁弗，身高175cm的她，除保持到體重在54公斤，腰圍更長年Keep住23吋，擁有健美曲線。根據資料，早前曾多次減肥失敗的Kelly，近年採用「長短棍餐單」控制食量，即根據每餐的攝取量調整下一餐的食量，以保持熱量平衡。運動方面，除了重訓，Kelly也會做瑜伽幫助塑身。

Kelly喺劇入面成日畀老細鬧，鬧到佢頭都大埋。

劉佩玥表面對Kelly好好，但實際係咁放佢暗箭同搶生意，好衰格，網民都睇到好肉緊。

Kelly分享工作照，無意中展露咗完美身段同纖腰。

Kelly分享工作照，無意中展露咗完美身段同纖腰。

《香港何濟公止痛退熱散呈獻：中年好聲音4》昨（3月29日）晚8點翡翠台播映「黑白榮耀換位賽」第二回，30強選手根據往績排名，分成上弦黑隊及下弦白隊，力爭24個晉級席位。

科亞高巴在台上演出，兒子在台下跟住唱。

科亞高巴在台上演出，兒子在台下跟住唱。

高巴唱菲律賓版《每天愛你多一些》，海兒一臉驚喜，周國豐更拍爛手掌。

高巴坐上榮耀寶座，白隊戰友開心到震。

昨晚出場對戰的成員及所得分數是：白隊科亞高巴《每天愛你多一些》90分Vs黑隊戴藝《不必在乎我是誰》89分，白隊朱珠《祇有你不知道》84分Vs黑隊陳旭培《Perfect》88分，白隊莫家淦《命運符號》87分Vs黑隊蔡宓婕《愛是永恆》91分，白隊劉佩玥《喜歡你》81分Vs黑隊尤淑情《愛》92分，白隊黎若雪《一生中最愛》87分Vs黑隊尹景順《路過人間》91分。率先登場的下弦白隊高巴打破悶局，撼贏上弦黑隊戴藝，登上榮耀寶座！但由於之後4戰都是黑隊獲勝，白隊需淘汰兩人，評審們「退庭商議」後，結果劉佩玥與朱珠冇得留低！

蔡宓婕深情獻唱，老公舉唔發光燈牌支持。

蔡宓婕深情獻唱，老公舉唔發光燈牌支持。

肥媽欣賞高巴尊重廣東話
不懂廣東話的高巴唱張學友經典歌《每天愛你多一些》，雖然未達字正腔圓，但在場所有人都聽得出他下了極大苦功。高巴表示選唱《每天愛你多一些》是送給兒子，並指此歌的菲律賓版於家鄉亦非常出名，他在徇眾要求下唱了幾句菲律賓版，獲周國豐激讚比廣東話版更好聽。肥媽則欣賞高巴尊重廣東話：「佢嚟到呢度比賽，佢盡佢辦法去學廣東話，呢個係你對我哋嘅尊重。」谷婭溦更慚愧地說：「你令到我覺得谷婭溦真係要好好學習廣東話。」

劉佩玥因緊張導致演出失準。

肥媽直指劉佩玥欠缺自信。

蔡宓婕老公舟車勞頓 舉唔發光燈牌撐場
全晚第二高分的是蔡宓婕和尹景順，同奪91分。當中蔡宓婕在老公撐場下，冧爆唱《愛是永恆》，老公則全程舉起「唔發光」的燈牌打氣。蔡宓婕笑指老公在澳門拿着燈牌去上班，之後坐船、搭港鐵及的士到電視城，但最後來到比賽現場才發覺燈牌不能發光，笑爆全場。

離開舞台前，劉佩玥承諾會繼續努力學唱歌。

劉佩玥唱鄧紫棋版《喜歡你》，卻因暴露弱點，奪得全晚最低81分。肥媽先讚劉佩玥比賽至今不斷進步，但之後指出劉佩玥的問題所在：「你對自己冇信心，所以見到你hold個音準嘅時候就冇咁穩。」谷婭溦則指劉佩玥選曲難度頗高：「當你嘅聲音唔夠powerful，你就會好蝕底。」相反劉佩玥的「魔王級對手」尤淑情唱《愛》，雖評審們一致認為她太重着技巧而略欠感情，但她仍憑動人歌聲奪得全晚最高92分。

無奈離開《中4》舞台的劉佩玥表示能夠與眾多高手一齊比賽深感榮幸：「一開始我真係唔夠叻、唔夠資格喺呢一度，但我一路發覺唔係淨係諗自己有咩不足，係如果我真係上到呢個台，我有啲乜可以做得好啲交畀觀眾。雖然好緊張，但返到屋企我會覺得嗰刻都盡咗力，我對自己係無愧於心。」劉佩玥承諾會繼續畀心機學唱歌，並特別多謝導師張嘉銘悉心指導。

尤淑情被視為《中4》大熱之一。

朱珠參加《中4》尋回對音樂的熱誠。

朱珠被淘汰：唔係一個結束
至於朱珠唱出甜美奔放版《祇有你不知道》，惟不夠放鬆導致尾音的音準出問題，最終30強止步。朱珠離開舞台前分享「洋蔥」感受，生於重男輕女家庭的她眼濕濕表示童年時沒有玩具，只得一部收音機聽歌，音樂已成為她的一切，但隨着年齡增長被迫放棄音樂。直至《中年好聲音》出現，朱珠心中的火再次燃起。她很開心認識了一班志同道合的戰友：「特別係我聽到鄭仲豪一句話，佢話音樂係佢一世嘅事業，佢一直會玩落去。我依家喺呢個台度唔係一個結束，我真係熱愛呢樣嘢，以後會更加努力繼續唱落去。」場面感人。