臥底嬌娃｜何廣沛驚喜客串演「色色保安」表情勁Cutie 張曦雯「最完美Body戰衣」全面睇

由《降魔的》、《跳躍生命線》方駿釗監製、《他來自江湖》、《創世紀》邵麗瓊編審的輕鬆動作喜劇《X Wallet 呈獻：臥底嬌娃》，逢周一至周五晚八點半翡翠台播映。劇集主要演員有馬貫東、張曦雯、陳瀅、羅毓儀、邵美琪、關禮傑、黃子恆、涂毓麟、吳子冲及鍾柔美等。

《臥底嬌娃》昨晚（3月12日）一集重點劇情，分別是劉彪（關禮傑飾）驚爆是索柏（吳子冲飾）生父，二人聯手打擊白學年（白彪飾）外，還有就是潘奕風（馬貫東飾）為調查粉精靈上線，竟暗中從警方手上救走學年，再次引來郭Sir（黃子恆飾）質疑其可信性…

原來呢個咁搞笑嘅𥄫女方式，係廣沛自度架。

Kelly竟然可以將一套咁難著嘅衫，Carry得咁完美，掂！

Kelly竟然可以將一套咁難著嘅衫，Carry得咁完美，掂！

昨晚焦點明顯落在驚喜客串的何廣沛身上。以彩蛋形式現身《臥底嬌娃》第14集的廣沛，飾演保安林子謙，雖然只僅僅現身三場，但三場均甚有記憶點。場口講述廣沛眼見身材火辣的Kelly、身穿貼身「最強戰衣」趴在走廊正中央，即忍不住雙眼發光，並全神貫注至身體不自覺向左扭兼前傾90度、兼露出如沐愛河的笑容，相當有喜感。

之後廣沛春風滿面步向Kelly，卻遭Kelly投訴行路冇聲嚇親人，廣沛聞言即搞笑回應：「Sorry Sorry，我下次會行得大聲啲。」眼見廣沛中晒「美人計」，Kelly即落多兩錢肉緊瘋狂撒嬌，務求氹掂廣沛諗計幫她打開目標單位大門；而對「美人計」零招架之力的廣沛，露出氹女嘟嘴樣大呼「慘慘豬咯」之餘，又英雄上身為Kelly諗計仔，當Kelly大讚他好人時，廣沛則搞笑露出「害羞三連環」＋滿意甜笑。

今次廣沛嘅客串表情好豐富。

呢個怕醜三連環係正嘅。

呢個怕醜三連環係正嘅。

呢個怕醜三連環係正嘅。

雖然面對Kelly時講到天下無敵，但當臨場面對「殺氣騰騰」的吳子冲時，廣沛卻「英雄變鵪鶉」，但即使處於劣勢，廣沛仍「兵仔上身」竭盡全力為Kelly爭取「打開大門」，可惜最終無功而還。最後一場，廣沛需配合警方向白彪做戲兼撒謊，廣沛全程除擺明心虛兼口窒，還Keep住流露「牽強笑容」，遭劇組戲言「啲戲好屎」，十分搞笑。對於廣沛客串，網民大感驚喜，笑言：「何廣沛客串好正」、「咁靚仔嘅保安好驚喜」、「完全將男人見到美女嘅零抗拒力，演繹得淋漓盡致」，又驚嘆Kelly的「最強戰衣」相當難Carry：「呢套衫真係好難Carry。」

呢位保安扮完Man再忍唔住露出嗒糖樣。

大家唔好誤會，呢個「戲屎」係指廣沛個角色做起戲上嚟好唔掂咋。  

談到是次客串，廣沛接受官方訪問時大呼好玩，並笑指自度「左扭前傾90度小動作」很過癮：「今次客串當然好玩啦，因為本身呢套都係輕喜劇，加上個場口都有趣嘅，好小可搵我做保安，我都從未試過做保安，因為保安畀人固有感覺都係年紀穩重少少嘅，所以搵我演都幾得意」、「今次因為想配合番Kelly場口嘅打扮，又唔想太正經去演，所以就選擇咗佻皮同盞鬼啲演繹方法，例如設計咗特登烏低身向左扭90度嘅方法去望Kelly，呢個我自己都覺得幾有趣嘅。」

何廣沛《陀槍師姐2021》造型。

據知，廣沛之所以客串演出，全因與監製方駿釗老友鬼鬼！二人除先後合作過叫好叫座的《跳躍生命線》及《你好，我的大夫》外，廣沛還曾客串過方駿釗監製的《陀槍師姐2021》，並與江嘉敏齊齊飾演「街友」，當時造型同樣搶戲。

「本地舞台」主辦、兩大女神陳瀅與蔡潔擔綱的限定現場演出《Pillow Talk》，昨晚（4月25日）於澳門銀河G Box圓滿謝幕。陳瀅與蔡潔苦練多時的歌藝舞技悉數登場，更在台上回顧入行超過十年的甘苦點滴，深情對話令全場動容。兩人又大派粉絲福利，完騷後更留在台上逐一合照，幸福感爆燈。

陳瀅與蔡潔擔綱的限定演出《Pillow Talk》，昨晚（25日）於澳門圓滿謝幕。

兩位女神人緣極佳，周嘉洛、張曦雯、王敏奕、劉佩玥、陳曉華等大批圈中好友專程從香港拉隊到澳門捧場，張曦雯及羅毓儀更攜同《臥底嬌娃》的大燈牌為陳瀅打氣。

蔡潔精心挑選一系列動聽慢歌。

當中更暗藏密碼向偶像張學友致敬。

陳瀅與蔡潔以《下一站天后》揭開序幕。穿上火辣性感裝束的陳瀅以勁舞引爆全場，唱到《喧嘩》時張曦雯與羅毓儀即興驚喜合唱。陳瀅笑言：「原來跳唱歌手最大挑戰係飲水同唞氣！」蔡潔則精心挑選慢歌，更暗藏密碼向偶像致敬：「唱《奇洛李維斯回信》我特登改咗歌詞第一句做『J先生』，大家都知道我係張學友粉絲。」隨後唱出《等你等到我心痛》，發揮超水準。

陳瀅穿上火辣性感裝束。

以勁舞引爆全場。

陳瀅談到媽媽遠道從溫哥華坐14小時飛機到場支持時保持鎮定，反而台下張曦雯、王敏奕等早已哭成淚人。壓軸一曲《信者得愛》更令全場觀眾站立邊跳邊合唱，反應熱烈。被問到會否移師香港或巡迴演出，兩人異口同聲表示：「我哋有求必應，一定盡全力配合！」

陳瀅談到媽媽遠道從溫哥華坐14小時飛機到場支持時保持鎮定。

反而台下張曦雯、王敏奕等早已哭成淚人。