小薯茄運動會回歸！拔河拉鋸10分鐘+火爆決賽　MVP竟然係佢?

人氣網絡創作團隊「小薯茄」近日舉辦《第二屆薯茄明星運動會》決戰前哨站及首映活動，吸引大量粉絲到場支持，YouTube漲粉突破64萬subscribers, Instagram 73萬followers，而吉祥物「阿薯」及「阿茄」現身，更成功收獲大量粉絲排隊集結，一連11日的決戰前哨站現場氣氛持續熱烈！童童表示：「數千觀眾專程嚟到參與我哋嘅攤位遊戲！我哋感受到大家對小薯茄嘅熱情同支持，比起純粹影片上嘅留言，更有溫度。」

全場大合照

24位幕前開幕儀式

24位幕前

來到暑假的結尾，亦是《第二屆薯茄明星運動會》開幕暨閉幕典禮兼首播，「能夠舉辦第二屆真係好難得！」小薯茄成員異口同聲坦言，從訓練日、週末訓練班到正式拍攝，一眾演員與幕後團隊付出極大心血，更與其他參與者建立起深厚友誼。「我哋成功Reu！一齊經歷學識每項運動，真係好熱血！」今屆更特別設置「決戰前哨站」攤位遊戲活動，讓演員與粉絲近距離互動，而從遊戲中勝出的粉絲，可有機會獲得開幕暨閉幕典禮的入場券，與小薯茄幕前來一個近距離接觸，粉絲們都驚喜萬分，直呼：太開心了！

小薯茄女子組

小薯茄FINALLY

四組組長

小薯茄幕前及吉祥物阿茄阿薯

小薯茄幕前（人富、阿J、麗英、阿冰、童童、朱Mic、肥蚊）

《第二屆薯茄明星運動會》加入航拍及專業運動鏡頭，如標槍與跳高項目，拍攝效果極具電影感。其中最令人驚喜的是跳高項目，很多參加者從最初害怕跳杆到後來跳出佳績，過程感人；決賽階段更出現朱Mic與Boris波仔激烈對決，Boris更跳過阿冰的身高，震撼全場！拔河比賽同樣緊張刺激，拉鋸長達十分鐘，阿J奮身比賽，更一度倒地，全場驚呼！

紅組（人富、Boris波仔、非洲王子、Hanna Vanharanta、Chucky、夢雨）

黃組（全慧利、Moon牙月、雞翼、東方昇、朱mic、童童）

藍組（阿冰、嘉盈、Ming仔、Kneta、肥蚊、游學修）

綠組（阿J、麗英、Jessica、床哥、妳祺、Mario Hau 孝仔）

跳高大戰 （朱Mic、Boris波仔）

跳高大戰（朱Mic、Boris波仔）

100米賽跑

比賽日全場大合照

小薯茄吉祥物（阿茄、阿薯）

拔河比賽完結

黃組 (雞翼、朱mic、童童、Moon牙月、全慧利、東方昇)

黃組 (雞翼、朱mic、童童、Moon牙月、全慧利、東方昇)

藍組（肥蚊、阿冰、Kneta、嘉盈、游學修、Ming仔)

藍組（肥蚊、阿冰、Kneta、嘉盈、游學修、Ming仔)

藍組（肥蚊、阿冰、Kneta、嘉盈、游學修、Ming仔)

綠組 (阿J、Mario Hau 孝仔、麗英、Jessica、妳祺、床哥)

綠組 (阿J、Mario Hau 孝仔、麗英、Jessica、妳祺、床哥)

阿J奮身拔河比賽

試當真出場介紹（游學修、Jessica）

紅組 (非洲王子、夢雨、Boris波仔、Hanna Vanharanta、Chucky、人富)

紅組 (非洲王子、夢雨、Boris波仔、Hanna Vanharanta、Chucky、人富)

總冠軍結果出人意料，賽前原本被視為「花瓶組別」的綠組，最終逆襲奪冠！綠組組長阿J坦言：「一開始床哥話我哋組係花瓶！觀眾投票我哋落後其他組！訓練日大家又繁忙，唔係太多人出席，但事實話俾大家聽，我哋係有實力嘅花瓶！」整個賽事戰況激烈，分數一直咬緊，直到最後一刻才分出勝負。賽事期間更出現非洲王子受傷等突發情況，劇情跌宕起伏。而游學修與妳祺則分別贏得男女子MVP，游學修更笑言：「近幾年冇拎過獎，多謝小薯茄畀我再次感受贏獎嘅滋味！」

綠組最終逆襲奪冠

綠組最終逆襲奪冠

男女子MVP（游學修、妳祺）

到底是否會有第三屆的出現？小薯茄也不諱言舉辦大型活動面對財政困難，網絡環境變化大，更以友台「試當真」結束營運為例，大感可惜，坦言經營網絡團隊越來越困難，「可能係最後一屆」。若非最後一屆，則希望衝出香港，與國際創作者如Mr Beast合作，打造更具國際視野的運動盛事！而朱Mic及肥蚊表示希望能新增足球、籃球、劍擊、網球等項目，甚至邀請黃澤林、張家朗等運動員參與，打造網絡版奧運！老闆高Ling更豪言若今屆影片一個月內達到300萬觀看次數，將請全公司到馬爾代夫旅行，兼拍攝沙灘排球特輯！

《第二屆薯茄明星運動會》YouTube完整版於8月30日晚上9:30上映，比商場首映版收錄更多精彩花絮與未公開內容，大家快啲去欣賞！

《第二屆薯茄明星運動會》完整版：http://bit.ly/PomatoSportsDayS2
《薯茄明星運動會》播放列表：http://bit.ly/PomatoSportsDay

劉偉強與麥兆輝經典作品、寰亞電影《頭文字D》20周年，4K修復杜比全景聲版重返大銀幕，前晚在MCL AIRSIDE舉行首映party，寰亞傳媒行政總裁林孝賢、導演劉偉強與太太和子女、導演麥兆輝與太太、電影配樂陳光榮與太太、伍允龍、蔡穎恩（Evelyn）、黃淑蔓（Feanna）、連家穎（Vian）、樂隊Nowhere Boys主音Van、江博熙、楊煜謙（Nicolas）、「小薯茄」的程人富、童童、阿J和肥蚊等捧場，他們紛紛在「藤原豆腐店」和「AE86」布景前打卡，非常熱鬧。而AE86車迷駕駛愛車到戲院捧場，十幾架整齊泊在停車場，十分壯觀。

《頭文字D》4K修復杜比全景聲將於9月17日重映。

（左起）寰亞傳媒行政總裁林孝賢、導演劉偉強、導演麥兆輝、電影配樂陳光榮

（左起）連家穎，江博熙，楊煜謙，蔡穎恩，黃淑蔓，Van@NowhereBoys

AE86車迷駕駛愛車到戲院捧場。

開映前，劉偉強與麥兆輝上台分享心情和當年拍攝驚險趣事，李澄（西瓜）擔任主持。代表作之一重返大銀幕，劉偉強好風騷，自我介紹「我係周杰倫」，又笑言這20年最大改變是與麥兆輝「交換」了身材，逗得麥兆輝哭笑不得：「喂呀，人哋問你當時辛唔辛苦呀？大家知道點解唔拍續集啦！」劉偉強說：「不和嘛！」全場爆笑。

李澄、劉偉強

劉偉強太太（藍色褸）以及女兒和兒子都有到場。

劉偉強兒子穿著20年前《頭文字D》T恤。

麥兆輝表示好感動：「我真係好興奮，望到呢個大銀幕嘅海報，好似返咗秋明山。」劉偉強坦言因版權問題，無法開拍第二集，他說：「正如麥兆輝話齋『好嘢，一部就夠！』」麥兆輝補充：「我哋集合咗當時好好嘅團隊，大家好團結，喺45個（42個）工作天內完成拍攝，我到依家都唔係好相信。」劉偉強笑說：「唔怪之我當時日日都覺得好攰，佢（麥導）話我一日拍67組飛車鏡頭，大家都搵命搏。」麥兆輝說：「如果劉太喺度，一定唔畀拍！」

李澄、麥兆輝、劉偉強

觀眾席大家都好興奮，「小薯茄」各人更大曬戲中金句贈慶，程人富說：「我會睇呢套戲TWICE！」身旁阿J笑言：「我會買性感泳衣！」童童說：「小心甩尾呀！」肥蚊抵死：「三萬蚊⋯⋯抵睇！」

「小薯茄」成員（左起）肥蚊、童童、阿J、程人富

映後全場掌聲，兩位導演再上台分享，麥兆輝說：「雖然我睇咗好多次，但今次嘅聲效完全唔同，立體感好強，我好激動！依家香港電影市道係差咗啲，但最緊要都係製作，我、劉偉強同埋成個團隊，希望延續落去。」劉偉強說：「我睇完之後覺得自己好厲害，我個仔坐隔籬，佢讀電影，佢話好正，我話：『梗係啦，我拍㗎喎！』有啲效果20年前出唔到，今次有機會修復，拍攝角度、聲效、陳光榮嘅音樂、特技，再次呈現，唔似20年前拍嘅戲。今日感覺好似20年前第一次上映咁開心！」他寄望《頭文字D》吸引觀眾，再掀起入戲院睇戲的熱潮。

劉偉強、麥兆輝、李澄

劉偉強、麥兆輝、李澄

大合照

武術了得的伍允龍原來是《頭文字D》忠粉，由漫畫、動畫到電影版都多次重看，他說：「因為我揸車好慢，所以我會睇呢套電影，代替咗我自己做唔到嘅嘢！」而首映主持人西瓜透露：「聽講導演仲有好多畫面剪走咗，希望今次4K修復版反應熱烈，加推導演版，完成大家『秋明山之夢』，唔知會唔會有更多啲髮夾彎飄移睇呢？」

伍允龍

最鍾意睇靚仔的Evelyn說：「今次加咗杜比全景聲，聽到更勁『轟轟』賽車必須有嘅引擎聲，感覺親歷其境。仲有勁靚仔嘅陳冠希、余文樂、青澀嘅周杰倫，同埋陳小春，全部美男子，真係不得了，OMG！」Feanna好認同，笑言他們出場時忍不住細細聲尖叫！而年僅24歲的Vian說：「我一直只有喺電視睇，舊版無咁清，今日第一次入戲院睇，而且係4K修復版，好興奮。」

連家穎、蔡穎恩、黃淑蔓

今年剛好20歲，與電影《頭文字D》同年的江博熙說：「我有睇動漫和電影版，今次修復版清楚好多，畫面好震撼。」身旁的Nicolas最喜愛周杰倫飾演的藤原拓海和陳冠希演的高橋涼介。而Van自爆20年曾與同學翻拍《頭文字D》作為大學二年班的功課，他說：「我當年飾演京一嘅隊友岩成清次，戴住星星頭巾嗰個。如果依家再演，我梗係想做拓海啦！」他在社交媒體分享當年造型相，非常有趣。

江博熙

楊煜謙

Van@NowhereBoys與太太Wendy

Van20年曾與同學翻拍《頭文字D》作為大學二年班的功課。