社會事
新蒲崗一工廠大廈天台，日前被眼尖網友發現天台頂竟多出一個「蔚藍水池」，放眼望去，十足是豪華酒店頂樓標配的海天一色「奢華泳池」，相當吸睛。
示意圖片
拍攝相片的網友在社交平台以「天台泳池」為題撰文發帖，指「唔係親眼睇到都以為係AI（人工智能）#啱晒搞影 會」，並透露拍攝地點在六合街。相中可見，該工廠大廈天台頂樓注滿藍色液體，波光粼粼與白雲倒影相映成趣，宛如一個奢華泳池。
網上圖片
網上圖片
網上圖片
相片曝光掀起網民熱議，不少人同發帖的事主一樣，誤以為是「天台無邊際泳池」：「真係改泳池我估（政府）好難批」，不過醒目網民現身拆解真相：「天台防水」、 「做完防水試水」、「用顏色水，試天台防水層....」、「如果喺 下層發現呢隻顏色嘅水可證明漏水」
網上圖片
近年香港人都喜歡北上消費，除了貪其價廉物美，用餐時還不會限時限刻催三催四，可以慢慢享用。但反觀香港，很多餐廳老闆為了做多幾枱客生意，在繁忙時段都會限時用餐，近日就有網民指九龍城一間酒樓於繁忙時間指明4位或以下要限1小時交枱，入座時她並沒有為意，及後被「態度好差」催交枱，十分激氣，大呻「就算食物正常都無下次了，好趕客」。
threads圖片
繁忙時段會設特別交枱時限
女網民在社交平台Threads有發帖表示，「估唔到依家一個人一盅兩件，都唔可以坐太耐了」，並上載一張顯示了某間酒樓門口「溫馨提示」告示牌，牌上寫著由於檯位有限，繁忙時段會設有特別的交枱時限，4位或以下只限1小時、5至7位限1小時15分，8位以上限1小時30分交檯，客人需有一半人數到場，方可入座。
示意圖。AI生成圖片
樓主大呻：食得仲趕過茶記！
有網民認出相中是位於九龍城的一間酒樓，樓主表示當時門口已有幾個人等候緊，但她入座時卻未留意到此限時安排，「入座無留意，到一個鐘多少少個知客態度好差咁話要走，我先知，下次係門口要望清楚有無限時先入」，但大呻「真心，就算食物正常都無下次了，好趕客」，又坦言時間好短，食得好趕「老實講，飯茶1個鐘真係有太短，啲水又熱，點心入紙蒸都要20分鐘，食得仲趕過茶記，90-120分鐘合理啲」。
threads截圖
網嘆：所以點解個個都北上消費
有其他網民都遇到相同經歷，「我都試過，聽到話個半鐘要交檯立即掉頭走」，「去飲茶就係想同朋友家人慢慢傾下計，限我時間甘我咪去第二間囉」、「所以點解個個都北上消費」、「咁好生意唔好入去阻住佢了」、「香港垃圾餐飲業，規矩多多，見到一定不消費」、「講真佢唔寫出黎，可能我都係呢啲時間走，但你寫出黎我就唔去食，因為覺得你係到計緊。」
近年香港人都喜歡北上消費。資料圖片
