盈盈三母子「熊貓三文治」溫馨畫面曝光 惟親情難敵美食見竹即「反面」

週末的海洋公園，甜度爆表！1號戒備信號下，大熊貓「盈盈」同一對寶貝仔女「加加得得」在內場相親相愛的熊家溫馨現場曝光。

海洋公園IG視頻截圖

海洋公園在社交平台分享盈盈三母子的溫情「熊貓三文治」畫面，影片中「盈盈」安坐於C位，一左一右分別是家姐「加加」同細佬「得得」，溫馨畫面中，「盈盈」左右手齊齊開工，一手一枝竹歎緊熊生，而「加加」同「得得」亦乖巧的坐在媽媽身邊，陪伴媽媽食竹。

不過，快樂的時間總是過得特別快，熊貓溫馨大放送亦僅僅維持咗10秒，下一秒，蠢蠢欲動的「得得」同竹筍神偷「加加」左右夾擊開始搶阿媽手中的竹，不過美食當前，向來相信「熊」以食為天的盈盈手腳並用，成功踢開兩姐弟，「等媽媽食埋先！」

海洋公園IG視頻截圖

海洋公園IG視頻截圖

海洋公園IG視頻截圖

海洋公園IG視頻截圖

海洋公園IG視頻截圖

海洋公園IG視頻截圖

海洋公園小編又特別提到，各位熊貓迷毋須擔心，「事件中沒有熊貓餓親，我哋嘅護理員們一定會make sure所有熊貓食飽飽！」

海洋公園IG視頻截圖

海洋公園IG視頻截圖

網友們亦爆笑熱議盈盈三母子的熊貓三文治影片：「搶竹現場報道」、「有媽咪口水尾係好食啲既」、「大型搶食現場」、「久違嘅場面…由2只塞豆窿爭奶飲…變到而家大個識搶媽咪啲嘢食…盈媽辛苦了…湊b真係冇啖好食」

星期四就是小朋友們最期待的聖誕節，而海洋公園的大熊貓家姐「加加」同細佬「得得」當然也不例外。兩姐弟平安夜的行程就是玩雪同等聖誕老人送新鮮竹筍！

IG圖片

IG圖片

IG圖片

可能在熊貓的視覺中，護理員就等同於聖誕老人呢！不過「加加」同「得得」眼中的這位聖誕老人就並非著傳統紅色衫，亦都無大肚腩！無錯！著綠色衫的攣毛護理員「Matt爸」就是熊貓界的聖誕老人啦！

IG圖片

IG圖片

IG圖片

IG圖片

不過海洋公園專屬聖誕老人偷偷派完新鮮竹筍就未能全身而退，「得得」死拽住聖誕老人對水靴不放手：「唔好走呀！！！得得份禮物未俾啊啊啊！你係咪漏咗我呀？」，連熊貓粉絲亦忍不住感歎，「肉榮真係好鍾意對水靴」

有得玩又有得食，「加加」同「得得」今年有得過白色聖誕，「多謝咁多位奶爸奶媽為我哋準備！」

IG圖片

IG圖片

IG圖片

IG圖片

「加加得得Merry Chrsitmas！聖誕禮物可能收埋喺奶爸嘅靴！」、「加加，得得：原來Matt奶爸就係聖誕老人！？奶爸我哋份禮物呢？」、「今年2姊弟玩雪過聖誕，又有Matt爸製造落雪場景比佢地超開心超幸福！聖誕快樂」、「得呀！唔係每個攣毛都係聖誕老人嚟㗎」、「就送對水靴比佢啦」