袁文傑升格「貓奴奶爸」餵貓B方法惹爭議即澄清

現年56歲的「潮偉」袁文傑，曾經是「亞視三雄」之一，近年憑《愛·回家之開心速遞》人氣再爆，加上與太太張潔蓮（Jackeline）結婚後不時晒恩愛，形象一直好老公好男人。最近他又有新身份——竟然做了「新手奶爸」！不過就不是照顧BB，而是初生喵星人！

與太太張潔蓮（Jackeline）結婚後不時晒恩愛

袁文傑同太太一向愛貓，早前佢就於小紅書上載短片，片名是《8天大小貓BB和我》，留言話：「生命有時候好脆弱，但想要生存嘅力量卻 好大。呢隻小貓BB係早產，所以不能有一刻掉以輕心。」袁文傑認真投入，連Hashtag都打上「#領養代替購買 #愛護動物一生一世 #小奶喵」，十足十一個慈父。

8天大小貓BB

不過片出街後，不少網民竟然錯重點，紛紛留言質疑他的餵奶方法有問題，仲擔心小貓安危：「咁樣餵會唔會嗆親？」、「奶咁斜，好危險呀！」一時間掀起熱烈討論。

網民質疑他的餵奶方法有問題

擔心小貓安危

面對爭議，袁文傑不但唔嬲，反而於IG再分享最新短片，證明小貓BB健康成長，仲感謝義工朋友出手幫手照顧。網民睇完安心晒，紛紛留言打氣：「潮偉係暖男！」、「小貓好得意，希望快高長大。」

無綫處境劇《愛．回家之開心速遞》演員近日跟上熱潮，集體挑戰韓國大熱的「撒嬌舞」《OVERDRIVE》。其中一幕亮點落在身高逾一米九的袁文傑身上，他大膽反串，換上女裝短裙大曬白滑長腿，與嬌小的鄺潔楹同款造型鬥搶鏡。

袁文傑。圖片來源：IG@yuen_man_kit

袁文傑。圖片來源：IG@yuen_man_kit

袁文傑。圖片來源：IG@yuen_man_kit

袁文傑雖然身形高大，但跳起撒嬌舞時表情嬌媚、動作可愛，毫無違和感，惹得同場的許家傑也抵擋不住，掩耳狂叫，場面爆笑。片段流出後，網民紛紛笑指「睇到噴飯」，更大讚袁文傑「嬌俏十足」，意外成為全場焦點。

袁文傑。圖片來源：IG@yuen_man_kit

袁文傑。圖片來源：IG@yuen_man_kit