35歲的林芊妤（Coffee）早前宣布懷第二胎，現懷孕八個月，她不時在更新陀B近況，近日她自爆誤食生豬肉，搞到非常擔心！
Coffee現已懷32周。
Coffee在「Threads」發長文詳述情況：「琴晚如常係屋企食飯，其實每餐煮乜一向都係姐姐話事，我地俾好大自由度佢，所以我有時食之前都會影返張相，方便之後如果想食可以叫姐姐再煮，食之前我就同姐姐講我食唔到生既生菜，叫左佢全部落水烚一烚再拎出嚟俾我地食，跟住因為我好肚餓一啖食左個豬肉釀豆卜，吞咗落肚嘅時候 突然老公講左一句『唔夠熟！』我望一望佢整開既豬肉仲係完全生既，然後老公再整開其他豬肉碎全部都係粉紅色！」
點擊看圖輯
Coffee現已懷32周。
Coffee分享工人姐姐所煮的晚餐。
想不到豬肉釀豆卜竟然是未熟。
林芊妤IG圖片
林芊妤IG圖片
Coffee分享工人姐姐所煮的晚餐。
想不到豬肉釀豆卜竟然是未熟。
Coffee見狀即衝入廁所扣喉，「但無論我點扣都嘔唔到出嚟，最後都剩係嘔到好少好少既粉紅色生豬肉出黎，老公見我嘔得咁辛苦都嘔唔到就叫我唔好再扣，我成晚都係好擔心，因為我知豬肉有好多寄生蟲好污糟，但我又唔敢表現出嚟… 因為我見到姐姐好內疚同眼有淚光，所以係咁同姐姐講我無事，只係叫佢下次煮完記得要check清楚先。」
View on Threads
Coffee直言因為在上網搜尋相關案例，搞到越睇就越驚，「琴晚仲發夢d寄生蟲整到bb有事，講真如果係平時既我真係唔會理⋯最多咪腸胃炎，不過而家32週既我真係好擔心，希望唔好影響到個bb，醫生叫我留意自己有無發燒或唔舒服，如果有就要入醫院檢查下。」並問網民：「想請問有無人有類似經歷可以分享下？ 好擔心！」
林芊妤IG圖片
林芊妤IG圖片
不少網民都留言安慰Coffee，叫她不要擔心，心情不要大起大落，亦不要故亂在網上搜尋嚇自己，相信醫生的建議，一感到身體不適就去看醫生，亦有網民質疑工人姐姐，Coffee就為工人姐姐說情：「可能係接完彥彥興趣班有少少趕，所以佢個人有少少急，都係冇心嘅。平時佢唔係咁」，並大讚工人姐姐不但工作勤力，而且態度好又sweet。
