娛圈事
TVB娛樂新聞台新晉主播謝淑怡（Zoie）雖然是2024年港姐競選的遺珠，但憑索爆外型火速彈起！日前Zoie飛去泰國旅行時大玩實彈射擊，更在IG大晒「女槍神」英姿，引起網民熱議！
謝淑怡（Zoie）飛泰國做「女槍神」。
在 Instagram 查看这篇帖子
相中所見，Zoie揸槍姿勢十足專業選手，靶紙上更次次射近紅心位置，絕對唔係「花瓶」咁簡單！Zoie自爆玩到上癮，更透露打算返香港後加入本地槍會進行系統學習，並指最期待飾演女殺手角色。
點擊看圖輯
次次都射近靶心位置！
Zoie持槍姿勢有板有眼。
Zoie最期待飾演女殺手。
同屋企人貼完揮春，就拎起個骰盅！TVB娛樂新聞台主播兼「鋼琴女神」謝淑怡（Zoie）接受本網專訪時分享，新年最開心是全家一齊玩「魚蝦蟹」：「年初一、年初二一定會玩『魚蝦蟹』！呢個係一個好傳統嘅傳統。」
謝淑怡（Zoie）向《巴士的報》讀者送上新年祝福。（攝影：inmhypointofview@IG）
Zoie表示新年最開心是全家一齊玩「魚蝦蟹」。
傳統定要跟 唔洗頭為咗氹屋企人
講到新年習俗，Zoie話規矩多多，但最緊要一家人開心：「佈置家之後，一定係年三十晚全家沖個涼，準備年初一。」對於年初一不洗頭這類傳統習俗，Zoie笑言：「其實我自己唔太介意，但屋企人就好堅持。無謂對抗佢哋，一齊做囉！」果然係孝順女。
整糕氹自己 十幾人一齊先夠氣氛
對Zoie以言，新年一定要有糕：「一定要煎糕！一齊做蘿蔔糕、年糕、紅豆糕，呢啲係必須嘅。」出身自大家庭的她，新年動輒十幾人聚會，非常熱鬧：「我屋企人全部都喺香港。」整完糕，當然就係開枱玩魚蝦蟹，這個畫面就是她最掛住的港式年味。
製作賀年糕點也是必備環節。
Zoie三歲半開始學琴，每天練習時間很長，新年成了難得的休息時間。
外國過年最掛住 唔使練琴係Bonus
曾赴美國深造的謝Zoie，有一段時間無法回港過年：「會掛住屋企㗎！」她坦言在外地過年時，特別想念家中的熱鬧氣氛。
談到小時候對新年的期待，謝淑怡給出令人意外的答案：「細個嗰時會覺得，終於有個假期，嗰幾個鐘唔使練琴。」她三歲半開始學琴，每天練習時間很長，新年成了難得的休息時間。
談到新年願望，Zoie目標明確，盼有更多工作機會。
Zoie更揚言：「我可以唔瞓覺！」
新年願望搏到盡：我可以唔瞓覺學嘢
講到新年願望，Zoie目標明確：「當然係工作，感情就算喇！」出名勤力的她，希望新一年有更多機會：「因為我係一個好願意去努力嘅人，我好勤力。就算係一個我唔熟悉嘅領域，我可以唔瞓覺都要學識嘅。」
Zoie於2024年參選港姐入行，除了是TVB娛樂新聞台主播外，另一個身份其實是鋼琴家！
美國約翰霍普金斯大學鋼琴演奏碩士畢業的她，於國際大賽中屢獲殊榮，是名副其實的「鋼琴女神」！
場地提供：香江花月
