關楓馨孖男友蜜遊新加坡晒靚相張張「男友視覺」sweet到爆

娛圈事

關楓馨孖男友蜜遊新加坡晒靚相張張「男友視覺」sweet到爆

2025年09月21日 17:00 最後更新：17:03

藝人關禮傑女兒關楓馨（Fabienne）於今年認愛29歲的前港隊欖球員徐灝晴（Hugo），指二人已拍拖一年，不但大讚男友細心有禮，更表示父母已見過男友多次。關楓馨與Hugo越愛越高調，除了不時情侶上陣拍片，近日又蜜遊新加坡。

關楓馨在IG晒出旅行靚相，並留言：「新加坡5日4夜，日日都行程滿滿!!!去咗玩sentosa斜坡滑車＆空中吊椅，瘋狂食蟹同叻沙，仲有得去睇動物！p.s.飛機餐係超級好食!! 你會想玩同食邊樣先呢？」其中一張可見，關楓馨穿著泳衣在無邊際泳池中，雖然只是背影，但玲瓏曲線依然好吸睛！此外，雖然相中未見男友Hugo的身影，但張張都是男友視覺，關楓馨更是一臉幸福的樣子，Sweet爆！

點擊看圖輯

關楓馨與男友Hugo越愛越高調。

關楓馨IG圖片

在 Instagram 查看这篇帖子

Fabienne Kwan 關楓馨 (@tiffanyfabi) 分享的帖子

往下看更多文章

關楓馨與男友愛得甜蜜大方分享維繫關係秘訣：用心去關懷陪伴已足夠

關楓馨（Fabienne）與前港隊欖球員徐灝晴（Hugo）自公開戀情就一直愛得甜蜜，並不時在社交平台高調放閃，近日關楓馨就大方分享二人的拍拖相處之道，「其實陪伴就係最簡單最真摰嘅愛 ‍‍，多謝你無時無刻都Stand By Me」。

View this post on Instagram

A post shared by Fabienne Kwan 關楓馨 (@tiffanyfabi)

關楓馨在IG晒出由多與Hugo的恩愛片段組成的影片，在片中她表示：「一齊咗一段時間，好多人都會問我哋維繫關係嘅秘訣，可能因為同月同日生嘅關係，大家嘅性格都好似，雙方都好珍惜同大家相處時間，成日都出現心靈相通嘅時候，最記得我有一次唔開心，返到屋企雖然我咩都冇講，但係佢已經feel到有啲唔妥，佢冇追問，只係攬咗我一下，然後咗拎起條車匙，就帶咗我去一個睇日落嘅地方，當時雖然大家咩都冇講，只係坐喺度陪住大家，但佢嘅一舉一動令我完全feel佢對我嘅關懷，呢度亦都變咗我最鍾意嘅地方，而我哋每隔一排都會返嚟呢度一齊睇日落，所以維繫關係並冇啲咩特別嘅秘訣，只係需要用個心去關懷對方，陪伴大家就已經足夠，多謝你無時無刻都Stand By Me!」