葉蒨文陪曾展望睇騷登大電視 萬人見證甜蜜一刻全場起哄

曾展望（GM）與葉蒨文（Sophie）昨晚（9月21日）現身周興哲紅館演唱會尾場，兩人首次以情侶身份公開拍拖睇騷，成為全場焦點。接受傳媒訪問時，曾展望表示一向喜歡周興哲的作品，而葉蒨文則笑稱這次是「破例陪睇」，甜蜜互動閃爆全場。

無綫戀綜《女神配對計劃》9月14日播出大結局，最終葉蒨文（Sophie）和曾展望（GM）配對成功。

葉蒨文陪曾展望睇周興哲演唱會。

演唱會期間，大會照例播出「fans cam」環節，當鏡頭捕捉到曾展望與葉蒨文時，全場頓時爆出驚喜嘩聲！從大螢幕可見，葉蒨文望著舞台露出甜美笑容，而曾展望則全程「傍實」女友，二人笑容燦爛，幸福滿瀉。

當大會鏡頭捕捉到曾展望同葉蒨文，現場觀眾即時起哄。

愈愛愈高調。

真係襯到絕！

TVB小花葉蒨文（Sophie）憑戀綜《女神配對計劃》人氣急升，不但與配對成功的曾展望（GM）愛得甜蜜，工作機會亦不絕，可謂事業愛情兩得意！ 葉蒨文不時在社交平台分享日常點滴，近日她就晒出兩張自拍靚相，大方公開自己保持容光煥發的秘訣！

葉蒨文大方公開自己保持容光煥發的秘訣。

相中，葉蒨文身穿綠色運動背心及短裙對鏡自拍，看得出剛剛做完運動，身形Fit爆！她有感而發：「最好嘅護膚品真係運動！唔知點解每次出完一身汗，做完運動啲皮膚真係會特別白，同埋個素顏即刻逆齡，好似童顏咗咁，有冇人明？試吓做一個星期cardio，信我，你一定會見到分別！」

葉蒨文詳細分享自己近期的訓練內容，「行斜路（Incline walking）；斜度 12.5；速度 3.2；行30至45分鐘；心率維持喺 130-140（可以根據心率嘅狀態調整速度或者斜度），我自己覺得呢個強度對肌肉負荷唔係太大，但運動效果又好，行嘅時候收緊核心用臀部發力，既可以提升臀部線條，又唔會令大腿前側過度受力、行到變大舊肌肉，仲可以改善埋姿態添！」

葉蒨文IG圖片

不過，葉蒨文亦坦言自己平時是「大食懶」，只是因為最近有特別project才開始積極訓練，「兩星期做咗六次！好明顯已經Firm咗！希望呢個分享幫到大家，一齊加油呀！」

葉蒨文IG圖片

葉蒨文IG圖片