環球音樂香港首度將Beyond十張珍貴專輯完整重現於各大音樂平台，實體專輯亦已面市，當中包括多首從未數位上架的Demo及現場錄音，補完傳承Beyond的音樂傳奇，讓新舊樂迷一同回顧最早期「原色」的Beyond。
演唱會專輯（《超越亞拉伯演唱會》、《真的見証演唱會》、《北京演唱會》、《台北演唱會》、《歲月留情》），回到1986至1989年，隨Beyond走遍兩岸三地，從高山劇場走到伊館，走到台北音樂節，再走到北京首都體育館，「原色」感受當年現場演出。
《超越亞拉伯演唱會》
《真的見証演唱會》
《北京演唱會》
《台北演唱會》
《歲月留情》
合輯（《真的 Beyond I》、《真的 Beyond II》、《真的 Beyond III》、《最精彩 86-88》）：多首從未數位上架 Demo 作品及現場錄音，包括當年歌迷會演出，以及 1991 年 Beyond 跟隨宣明會到非洲肯尼亞探訪當地兒童時為他們獻唱的《真的愛妳》等等，正正是這次探訪啟發家駒寫下《Amani》一曲。
《真的 Beyond I》
《真的 Beyond II》
《真的 Beyond III》
《最精彩 86-88》
電影原聲專輯（《黑色迷牆（電影原聲音樂）》）：Beyond首度涉足電影配樂工作，他們硬搖滾、重金屬的一面剛好與電影的暴力暗黑主題相匹配。
《黑色迷牆（電影原聲音樂）》
這不只是一次復刻，更是對傳奇的致敬，以及對那份永不消逝的青春的擁抱。這是給資深樂迷的禮物，也是讓新樂迷認識Beyond根源的最佳機會。那份沒有被世界改變、真誠的赤子之心，正是Beyond動人的地方。從地下走到地上，音樂隨著時間流動，他們的赤誠與熱情，從未褪色。十款Beyond「原色」的印記，記錄了樂隊純粹無畏的音樂探索。過去，它們分散在不同角落；現在，由新藝寶這個大家庭，為你完整歸位。
寰亞樂隊Nowhere Boys（NWB）成員來自不同成長背景，但他們同樣深受香港Band壇傳奇Beyond的影響。Beyond專屬錄音室，位於旺角花墟的「二樓後座」，因市區重建歲月無聲地面臨清拆，緣份讓Nowhere Boys 一次偶然，用已故Beyond靈魂人物黃家駒最愛的木結他「小妖」創作了一首歌，在錄音室停止運作前順利完成錄音。《二樓後續》MV紀錄了「二樓後座」每個曾經有著Beyond與Nowhere Boys不同時空交錯的逝去日子，同時延續Beyond的光輝歲月！
Nowhere Boys新歌《二樓後續》MV紀錄了「二樓後座」每個曾經有著Beyond與Nowhere Boys不同時空交錯的逝去日子。
黃家駒最愛的木結他「小妖」。
Nowhere Boys作為Beyond的忠粉，身處偶像專屬錄音室「二樓後座」，創作新歌《二樓後續》及錄音，心情如赤血熱血般興奮與期待。結他手Ken說：「呢度係『二樓後座』，呢支木結他叫『小妖』，係黃家駒生前用嘅結他，我無親眼見但睇相見過佢玩，佢話『得閒就彈，唔得閒都會彈』。」結他藏於「二樓後座」，可以讓音樂人使用。Ken說：「有一次我好得閒，所以就攞嚟彈，之後Van話啲Rhythm可以用到，不如我哋試吓用。」
結他手Ken
拍攝花絮
Van憶述：「聽到Ken彈我已經諗到啲旋律，所以即刻用電話錄低咗用呢支結他彈嘅嘢。呢首歌《二樓後續》絕對唔係因為呢度冇啦而去做啲話題，只係純粹因為Nowhere Boys對呢個地方有感情，好想喺佢完結之前，用我哋嘅音樂紀錄呢個地方。」Ken強調：「用我哋嘅方法紀錄呢個地方嘅聲音、呢支結他嘅聲音，我唔知道下次係幾時可以再錄到佢（小妖），但好肯定，下次就算我再彈到呢支結他，亦唔會喺呢個地方。」
主音Van
親手寫上每段得失樂與悲與夢兒，Van認為這是上天賜予的命運派對，於是堅持信念不再猶豫，懶理現時市場主流旋律，衝開一切以充滿90年代Indie Rock風格創作《二樓後續》，以紀念Nowhere Boys在「二樓後座」用「小妖」最後一次在錄音室的灰色軌跡。
拍攝花絮
Ken更點名要由鍾說（鍾雪瑩筆名）填詞，他說：「睇佢做戲，啲內心戲好強，年紀輕輕但對世事有好深感受、好細膩。」他更寫了千字文，向鍾說細緻描述「小妖」的故事、「二樓後座」的燈光、器材等，希望她能為這首歌譜上Nowhere Boys與「二樓後座」這次無聲的告別，他說：「最重要係呢度嘅『精神』，就算呢度要拆，Beyond嘅精神永永遠遠都喺度，透過歌詞傳達呢個訊息。好難相信，原來我細細個聽Beyond、去學結他、組band、喺度錄音，感覺好似無幾耐之前發生，原來已經30年，好amazing！每次嚟呢度錄嘢都有好強嘅感覺，可能acoustic好好，每次都可以好集中精神，好易諗到，好快作出決定。」
拍攝花絮
拍攝花絮
鼓手Nate非常認同，「我哋嚟到呢度好易『撻著』，呢度嘅engineer輝哥（鄧衍輝）好犀利，佢好集中用耳仔聽住我哋做咩，好順利錄到好好嘅作品。」低音結他手Hansun笑說：「喺度錄音，肯定好過喺我哋Band房！我好鍾意呢度個鼓聲，配合埋Nate，啲聲夠punch，錄音好有feel！」
鼓手Nate
Nate說：「任何藝術都一樣，一定要學習之前嘅嘢，先至知道依家要做啲咩，熟悉Beyond好重要，喺香港彈音樂走唔甩，好多機會去彈Beyond嘅作品，我每次睇到香港市民嘅反應，就知道呢啲音樂對呢班人有幾重要。」他表示有一次戶外表演，因同場另一隊band缺了鼓手，他被臨時拉夫上場，而當晚這場俾面派對，表演全是Beyond 的歌，圍觀者由零到爆棚，全賴高溫製造氣氛，即使已上年紀的觀眾亦變得活躍起來，他說：「可想而知Beyond做咗啲好重要嘅音樂，留低咗好嘅影響畀其他人，Beyond嘅影響係無限大，可能香港彈結他嘅人有一半因為佢哋，我覺得Beyond喺本地嘅影響力相等於Beatles，一樣係最高嘅Level！」
拍攝花絮
Nowhere Boys
雖然「二座後座」已成為舊日的足跡，但Beyond的打不死音樂精神就像東方寶藏，過去與今天，抗戰二十年、四十年，依然活在Nowhere Boys和廣大樂迷的心內。
「二座後座」
「二座後座」
「二座後座」
「二座後座」
「二座後座」
「二座後座」
「二座後座」
「二座後座」
「二座後座」
「二座後座」
「二座後座」
「二座後座」
