馮允謙因英文新歌一句歌詞引發靈感 與Fans的士單獨唱歌傾心事

「唱作王子」馮允謙（Jay）早前推出英文新歌《Close to the Edge》，歌詞第一句「Sitting in the back seat of a yellow taxi」引發靈感，舉辦「Sitting in the back seat of a taxi with Jay Fung」活動。透過抽籤獲得機會的三位幸運「追風」（Jay粉絲暱稱），與Jay單獨搭的士，沿途彈結他唱歌、聊天交流。事後Jay感動地說：「我覺得自己好幸運，我嘅歌可以鼓勵別人，令佢哋開心或者啟發。」

Jay舉辦「Sitting in the back seat of a taxi with Jay Fung」活動。

與三位幸運「追風」單獨搭的士，沿途彈結他唱歌、聊天交流。

觀看相關影片按連結：https://youtu.be/G7GbsG99aVo

首位上車的「追風」表示正準備考飛機師牌，Jay大力支持，Jay說：「佢跟咗我好耐，我認得佢，成日嚟活動同演唱會。佢話要考機師，我希望佢成功，到時請我搭飛機，哈哈，講笑！佢仲提議我同fans喺飛機艙搞聚會唱歌，呢個主意超正，我好想喺私人飛機唱歌，希望公司幫忙安排！」

首位「追風」表示正準備考飛機師牌。

第二位「追風」非常熱愛Jay歌曲《Keep On Fight On》，甚至將歌詞其中一句紋身於手臂。Jay分享：「我喺TG群見過佢張相，今日佢親自show畀我睇。佢講呢首歌助佢捱過低潮，特別揀咗歌詞做紀念。能夠寫出有力量嘅歌，真係令我好surprise，我好感恩可以用音樂回應佢哋的支持。」

第二位「追風」將Jay《Keep On Fight On》的其中一句歌詞紋身於手臂。

第三位粉絲是一名學生，Jay說：「佢同我講好多低潮經歷同心情，話我啲歌幫佢渡過艱難時刻。我哋喺的士裡即興哼咗段旋律，成為我哋嘅回憶同紀念。多謝佢哋讓我知道，用音樂扶持人真係好難得，做音樂嘅動力就係想觸動人心，畀到力量。」Jay亦透露想與追風一齊合力創作歌曲：「我好鍾意寫歌，但又唔想逼大家，創作需要時間，唔知道大家有冇興趣？」

第三位「追風」與Jay分享低潮經歷同心情。

Jay經常乘搭的士，有時會遇到司機播放他的歌曲。他笑說：「我通常會戴住口罩，但司機認得我，仲會特登播我啲歌。我就讚佢話：『好聽，有品味喎！』」整個活動讓Jay與追風近距離接觸，而且選在當日拍攝MV的街道，別具意義。

歌手馮允謙（Jay）日前到新城廣播接受黎莉主持的《勁爆樂勢力》訪問，宣傳他與孿生弟弟馮重謙（Tim）創作的英文歌《See Through Ya》，Jay在節目中分享了兩兄弟之間深厚的手足之情，以及他們在音樂創作上的默契。

馮允謙接受新城知訊台《勁爆樂勢力》訪問

Jay透露新歌《See Through Ya》以及早前的《Close to the Edge》，歌詞都是與弟弟Tim共同創作，「過往都係同細佬一齊寫歌詞，我先寫咗個草稿，之後一齊修改。」兩兄弟的合作充滿默契，二人無需過多解釋，便能心神領會，「我哋絕對冇傾過首歌講關於『反差感』呢件事，因為我同佢太熟，佢一聽到個旋律覺得好正就做。」

馮允謙接受新城知訊台《勁爆樂勢力》訪問

馮允謙接受新城知訊台《勁爆樂勢力》訪問

Jay強調弟弟在他生命中是無可取代，又形容Tim是他的「Soulmate」(靈魂伴侶)和最好的朋友，「我們基本上係一齊長大，直到依家感情都好好，佢係一個我可以信任嘅人，而且好明白我嘅性格，佢會好清楚點安慰我。」尤其今年經歷一些不容易過的時期，弟弟的陪伴與理解成為他重要的支持力量，「佢好明白我嘅心情，我一講一啲說話，佢就立即會接到。」