現年54歲嘅張智霖（Chilam）近年主攻內地市場，綜藝、戲劇同商演接到停唔到手，人氣依然高企。於最新一集真人騷《披荊斬棘的哥哥》中，Chilam除咗再度提到「感覺老咗、想退休」之外，更加罕有公開談及與袁詠儀（靚靚）的家庭趣事，笑言自己於屋企地位低得可憐，甚至同仔仔「魔童」張慕童變成「難兄難弟」。
張智霖同袁詠儀自1992年相識相戀
一家三口超高顏值
張智霖節目中爆料，袁詠儀一旦鬧仔，自己必定「無辜中槍」：「她每句話都像在影射我」搞到Chilam聽到都有衝動想反擊，不過最終當然照舊被靚靚「收服」，完全冇還手之力。
點擊看圖輯
更多相片
張智霖同袁詠儀自1992年相識相戀
一家三口超高顏值
袁詠儀一旦鬧仔，自己必定「無辜中槍」
「她每句話都像在影射我」
有衝動想反擊
袁詠儀一旦鬧仔，自己必定「無辜中槍」
「她每句話都像在影射我」
有衝動想反擊
佢更形容老婆長年坐鎮「嚴母」位置，每次發火時，自己就會同魔童臨時結盟，形成「父子同盟軍」。不過，雖然屋企大權一直於袁詠儀手上，但Chilam就走溫柔派，偏向用「心靈交流」方式同仔仔溝通。
網民睇完節目片段紛紛留言：「好真實嘅婚姻寫照！」、「原來Chilam喺屋企都咁慘？」、「靚靚果然係大佬級。」更有人笑言：「睇嚟張智霖喺外面係男神，返到屋企就變小跟班啦！」
張智霖同袁詠儀自1992年相識相戀，感情一直恩愛如初，兩人經常公開互寸互鬧，卻甜到出汁，呢種「真實夫妻互動」亦係CP fans最愛睇嘅位。
