家傳之「保」｜黃翠如街市賣魚難忘父親當年默默付出 胡定欣冒大雨做搬運工傳承父母親力親為精神

一共三集的全新真人騷綜藝節目《渣打夥拍保誠攜手傳承：家傳之「保」》，請來譚俊彥、黃翠如、胡定欣落手落腳體驗爸爸／媽媽昔日的打工生活，以實際行動體驗上一代打工血與汗的同時、同時用心體會父母昔日打工最值得保護和傳承的精神。這個結合歡笑與感動的真人騷，將於10月5日起、逢周日晚9點半翡翠台播出。

黃翠如街市賣魚難忘父親當年默默付出。

蕭正楠輕輕一句「唔好喊喇」，真係好暖心。

雖然呢格相得個鼻尖同少少部份嘅眼睛，但都感受到阿蕭對老婆濃濃嘅愛意。

三位藝人感觸落淚
官方今日釋出節目宣傳照及重點內容，三位藝人除了不約而同在節目中流下感性又感恩的眼淚，三人打工期間亦各有「伴侶」，陪伴譚俊彥及胡定欣的，是譚爸爸狄龍及胡媽媽；而陪伴翠如的，則是廿四孝老公蕭正楠。

現年79歲的狄龍大哥、原來當演員前曾任裁縫，故譚俊彥在節目中便走入洋服店學做裁縫，並由度尺、畫線剪布、穿針車衣等基本功做起，剪布期間更一度被貴價布料考起。阿譚提到父親當年以任裁縫為榮，而觀乎宣傳片，狄龍親眼目睹兒子從事自己的老本行上，臉上亦不其然泛起自豪笑容，場面溫馨。談到與父親之間的傳承，阿譚認為是盡力做好所有事的精神：「我做任何一件事，我就係將佢做到最好，我覺得呢個性格同我阿爸有啲似。」而在狄龍心目中，父子二人的傳承竟與一碗公仔麵有關：「我記得Shaun去加拿大讀書時，我好擔心佢喺宿舍冇嘢食，我當時整咗公仔麵加蛋畀佢，佢好滿意，我話要教識佢；之後佢依家就整畀佢個仔食。」譚俊彥笑言全靠公仔麵，最終成功娶得太太，一碗公仔麵就這樣造就了三代人的緣份。

欣呢個搬貨嘅畫面好震撼。

定欣獻出第一次「發海參」。

個表情咩意思先。

定欣和「媽媽的手」偶遇。

胡定欣與胡媽媽

定欣感觸落淚。

蕭正楠一句安撫愛妻說話盡顯暖男精神
到魚檔體驗的黃翠如，雖然自小經常出入魚檔，但以「地獄廚神」馳名的她、面對劏魚這個基本功時雞手鴨腳、更被老闆娘負評：「睇你揸刀應該都好少煮飯喇」，翠如聞言則展現「尷尬而又不失禮貌的微笑；就連「叫賣能力」，翠如亦比不上攜帶愛心便當前往探班的老公蕭正楠，相當搞笑。談及父親昔日在魚檔工作，翠如除了最難忘其身上滿滿的魚味、亦感恩父親默默地為全家人努力，翠如落淚謂：「以前我爸爸喺魚檔，每賣一條魚都要好努力，養活我哋一家到底係賣咗幾多幾多條魚？」而全程陪伴翠如做Green Room的蕭正楠，則安撫謂：「唔好喊喇」，盡顯暖男老公面。蕭正楠還透露拍攝節目其中一個任務，是要將外父的手寫信送給太太，翠如指這是其屋企傳統：「每次屋企有啲經歷，爸爸都會寫封信，我哋叫做家書，我每次睇都好感動。」
至於承傳父母手藝、到海味店打工的胡定欣，由發海參、Pack冬菇到搬搬抬抬均親力親為，其中一幕定欣冒著大雨、一人獨抬兩大紙箱的畫面更是相當震撼。談到傳承，定欣感觸自己遺傳了母親女強人性格之餘，亦遺傳了她的親力親為。笑言小時候從未到過父母海味舖幫手的定欣，今次到海味店打工，竟有緣遇上「媽媽的手」，場面極度感人。

譚俊彥不愧出名有禮。

就係呢塊布令譚仔有壓力呀。

睇吓狄龍個樣幾咁欣慰。

但佢主要係偏向保持威嚴一面嘅。

兩仔爺齊齊同狄龍孫仔視像。

兩仔爺齊齊同狄龍孫仔視像。

由洪永城（Tony）和黃翠如（Priscilla）主持的旅遊資訊綜藝節目《中國建設銀行(亞洲)呈獻：走過歷史大地》，一連兩星期逢周一至周五晚九點半翡翠台播映。

呢兩位教官好兇神惡煞。

齋睇呢個Flip，都感覺好好玩咁。

熱身訓練碌地沙好精彩。

洪永城被要求鞭打黃翠如，咁咪正中佢下懷？

黃翠如個樣雖然好兇狠，但絕對只係得個勢。

因為多口，黃翠如被教官勒令Shut Up。

今晚（6月19日）一集，Tony及翠如這對「歡喜冤家」將去到意大利羅馬，走訪羅馬鬥獸場，及探索如何將幾何美學發揮至極致的文藝復興神作。二人先後穿越到「公元80年羅馬鬥獸場」鬥獸場開幕盛典當日，以及1536年的梵蒂岡西斯汀教堂及卡比托利歐山，與「文藝復興三傑」之首的米高安哲羅並肩見證其晚年的偉大創建，親睹「視覺陷阱」及「視覺張力」的震撼。

仲要罰佢咁樣做掌上壓，陰公！

呢個對打，似乎係Tony最期待畫面。

呢個對打，似乎係Tony最期待畫面。

翠如打咗兩吓即刻逃命。

而佢唔單止鬥唔過Tony，仲連「小朋友兵團」都鬥唔過。

實地體驗方面，今集最有趣的是Tony與如翠如去了角鬥士學校「學師」，在兩名魔鬼教官訓練下，兩位恍如置身「密室逃脫」般「驚險」，皆因兩名教官不但望落孔武有力，還當正Tony及翠如奴隷咁「舞」。整個特訓過程分為熱身、劍術訓練及模擬對戰三部分，翠如由頭輸到落尾。正式開戰前，Tony以英文「我等咗（打翠如）呢個機會好耐好耐喇」向翠如挑機，翠如則全程狠樣迎戰，可惜原來翠如完全冇實際，除了「碌地沙」熱身時「得把聲嗌到拆天」，在劍術及模擬對戰環節也是節節敗退，唔單止打唔過Tony，就連現場的「小朋友兵團」也能嚇到她雞飛狗走，最終更慘變滾地葫蘆，場面混亂又搞笑。除了戰鬥力弱，翠如更因上堂時「衰多口」，遭教官罰做掌上壓；期間教官不但著Tony坐在翠如背上增加其負擔，又將皮鞭遞給Tony著他教訓翠如，想一睇Tony盡情「虐待」翠如搞笑過程，密切留意今晚一集。

黃翠如個樣好為食。

佢哋食個包食到大細路咁。

今集仲有好多翠如同Tony嘅花式精彩互動。

今集仲有好多翠如同Tony嘅花式精彩互動。

仲有資訊嘅分享。

今集AI穿越畫面。

今集AI穿越畫面。

另一個特別位，是二人品嚐了米高安哲羅生前最愛的「生乳包」及「聖生乳包」；童心未泯的二人，還因為一個傳說，刻意將鼻子埋在生乳中進食，結果搞到成鼻成面都係Cream，十分可愛！期間有香港遊客經過見到二人食個包都咁肉緊，亦忍不住說一句：「使唔使咁逼真。」至於資訊部分，二人除實地介紹了羅馬鬥獸場的三個世界第一，還會親自拆解羅馬皇帝於觀賽期間所給出的「2大手勢」真正意思，萬勿錯過。