鄭秀文x張敬軒拉闊音樂會全新造型閃亮登場 誠邀樂迷投選「Most Wanted」之作

叱咤903主辦《b.balance呈獻 拉闊音樂會Most Wanted 鄭秀文x張敬軒》將於11月1日（星期六）在亞洲國際博覽館ARENA隆重舉行。全城期待的重量級組合鄭秀文（Sammi）與張敬軒（Hins）首度攜手登上拉闊舞台，進行一夜限定的「時空約會」，穿越不同維度，以音樂對話，激發全城矚目、前所未有的拉闊火花。今次拉闊亦特意加入票選環節，讓樂迷親自決定演出內容，打造真正屬於樂迷的「Most Wanted」舞台。

《拉闊音樂會Most Wanted 鄭秀文x張敬軒》將於11月1日在亞洲國際博覽館ARENA舉行。

全新造型驚艷曝光 頂級製作團隊加持

拉闊音樂會第二款主題造型今日（9月28日）正式曝光，此款造型以「光」為概念，Sammi與Hins分別換上螢光粉紅及淺綠色型格西裝，展現出獨特的個人魅力，在拉闊舞台上散發耀眼光芒。是次拉闊更由頂尖製作團隊操刀，二人御用演唱會音樂總監Johnny Yim及梁基爵強強聯手，為當晚的音樂重新設計及編排。兩大樂隊班底亦將攜手演出，碰撞全新火花，呈現一加一大於二的效果，將拉闊舞台極致升級！

鄭秀文、張敬軒

樂迷掌舵參與互動 票選最渴望現場聆聽的經典

Sammi與Hins現正密鑼緊鼓為今次拉闊籌備之餘，亦準備了驚喜互動環節，由樂迷親自投選演出內容，打造真正屬於樂迷的「Most Wanted」舞台。二人各自揀選五首經典作品，讓樂迷投選出心目中的「Most Wanted」歌曲。獲得最高票數的兩首作品，將由二人在拉闊音樂會現場傾情演繹，實現樂迷心願。投票活動由今日（9 月 29 日）中午 12 時起至星期五（10 月 3 日）中午 12 時，Sammi的五首作品包括《親密關係》、《默契》、《隔著玻璃》、《男仕今天你很好》及《很愛很愛你》，張敬軒則揀選了《P.S. I Love You》、《披星戴月》、《留低鎖匙》、《明明他已離開你》及《形影不離》。

鄭秀文、張敬軒

互相欣賞惺惺相惜 音樂會幕前幕後火花不斷

Hins坦言揀選歌單時面對不少難度，因為二人擁有豐富的音樂作品，實在難以取捨，所以邀請樂迷一齊投選心目中的「Most Wanted」歌曲。Hins同時大讚Sammi十分專業：「Sammi從未畀我哋任何前輩嘅壓力，而佢嘅前瞻性讓我哋睇得更遠。佢唔係將難度或技巧放喺第一位，而係著重嗰件事handle得好唔好，效果出到嚟點樣，同埋好唔好玩。大家一有新嘅idea，佢就會表現得好雀躍。」

張敬軒、鄭秀文

Sammi亦大讚Hins對樂壇有使命感：「見證住佢喺樂壇不斷蛻變同成長，我知道佢一定付出咗好多努力。我唔相信僥倖就能走到今日，只相信持續努力同堅持先會有呢個成績。佢平時對樂壇、對新人嘅關心，已經超越咗歌手嘅身份同責任，所有人都睇得到佢身上係有一份使命感。」Hins則十分感激Sammi的提攜：「我覺得好多嘢都喺Sammi度嚟，我第一次出埠做演唱會嘉賓，就係去Sammi喺馬來西亞雲頂舉行嘅演唱會。Sammi一直關顧樂壇，提攜後輩同埋新人，我希望這份傳承嘅精神一代一代傳落去。」

張敬軒、鄭秀文

有關詳情，敬請密切留意叱咤903電台宣傳廣播、商業電台網站www.881903.com、my903.com、「my903.com 商業電台」Facebook及「cr881903」Instagram之最新消息。「Most Wanted」歌曲投票連結：https://forms.gle/YDvtu3qPW1rTEWv18

「Most Wanted」歌曲投票

叱咤903主辦《b.balance呈獻 拉闊音樂會Most Wanted 鄭秀文x張敬軒》：
日期：2025年11月1日（星期六）
時間：晚上7時
地點：亞洲國際博覽館 ARENA

為慶祝香港樂壇搖籃「華星唱片」成立55周年，大型音樂企劃「星塵55」正式啟動。透過Remaster（重新製作）經典作品推出黑膠唱片及深情專訪，讓樂迷重新認識「華星」的音樂歷史與文化遺產。深情專訪頭炮，由16歲參加「第七屆新秀歌唱大賽」，贏得銅獎的天后鄭秀文（Sammi）揭開序幕。

Sammi接受「星塵55」專訪。

今年7月10-12日，Sammi將於啟德主場館舉行一連三場「You & Mi 鄭秀文演唱會2026亞洲巡迴終點站」，在這特別的好日子，「華星」推出「Sammi 初」黑膠唱片，當中Side A的《不來的季節》及Side B的《Chotto等等》都是Remastered，提升音色質素，讓這些珍貴的音樂以最好的狀態重現，非常值得珍藏。

鄭秀文Sammi

Sammi說：「對於我個人同埋『華星』呢個label，都係一件好有意義嘅事。參加『新秀』係我人生好重要嘅一步，好細個嘅時候，大約10歲11歲左右，我已經決定當夠年紀16歲就要去參加新秀，其實我好細個內心已有呢個plan。踏出呢個里程碑，參加呢個比賽入咗行，係我音樂旅程一個非常重要嘅起點。」

鄭秀文Sammi

當時年紀輕輕的Sammi表現淡定，她笑笑說：「我而家睇返都覺得自己當時幾淡定，屋企人俾我好大嘅支持到，我爸爸嘅參與度好高，佢幫我揀歌，佢比我好大嘅自由度，喺我背後支持我。」勝出後，Sammi一口答應與「華星」簽8年合約：「當時我計數，8年後都係20幾歲啫！有啲同學為咗未來諗緊點算嘅時候，但我冇壓力，考完會考即刻有份工，前面有條路等我去行，而且係我自己去揀。」

鄭秀文Sammi

「華星」黑膠碟收錄了Sammi人生第一首派台歌《思念》、第一次三台冠軍《不來的季節》，還有經典作品《娃娃看天下》。她說：「《娃娃看天下》當時唔係大Hit作品，但對我嚟講係一個timeless 作品。我以前唱呢首歌真係『娃娃』，依家用大人嘅視覺去睇呢個世界嘅成功、失望、挫折。」長大後越來越難感到興奮？Sammi否定：「唔會。有時諗到啲點子或者接到一啲好有趣嘅job，我就會好興奮。源於呢個Passion，嚟到而家呢個年紀仲可以繼續run。」

鄭秀文Sammi

永不言休？Sammi坦言有幻想過退休，但不會設立時間點：「如果天父要我停就停，做就做。我自己內心知道，好多嘢令我會澎湃，尤其是舞台上嘅創作，一諗到啲好玩嘅嘢就會好興奮。喺演唱會上，我會傾向藝術成份較高，例如《裸體早餐》嘗試結合藝術元素放喺演唱會。又例如去年『拉闊音樂』《浮雕》嗰part藝術成份好高，我覺得啲觀眾好接受。我好鍾意呢啲嘢，好想介紹畀觀眾，嚟緊傾向藝術性高啲嘅表演方式。」

觀看相關影片按連結：https://youtu.be/751vdCXUKjw