港女大呻拼多多買日式木屐慘變腳底按摩拖 引網爆笑留言

淘寶一直深受香港人愛戴，是網上購物首選，但其地位近年就逐漸被新興起的拼多多所取代，皆因後者不但價錢較便宜，更全部免運費，令一眾網購迷買不停手。不過日前就有港女在社交平台發文，指在拼多多以¥16.8購入木屐打算襯和服，點知發現木屐慘變功能性拖鞋！

港女指在拼多多以¥16.8購入木屐打算襯和服，點知發現木屐慘變功能性拖鞋！網上圖片

日式木屐變腳底按摩拖鞋

這位港女threads發文兼貼圖，大呻貨不對辦！她寫到「上拼多多買左對木屐，滿心歡喜諗住著去日本睇花火大會」但由上載的貨品圖片說明及收到的貨品圖示所見，完全是兩回事！港女一心訂購的是一對傳統的木屐，但卻收到貼滿凹凸穴位標貼並付有名稱圖示的功能性拖鞋！雖然都是她原先想要的紅色，但卻由日式木屐，變成富中國風的腳底按摩拖鞋。

網上圖片

網上圖片

網笑：可一路賞花火一路腳底按摩

女事主中伏後感到十分憤怒，更大呻「到貨打開佢俾對咁嘅嘢我！」但網民見帖卻覺得富娛樂性。有網民表示「好養生」、「呢件事好拼多多」、「講真一定唔會撞鞋」、「你仲可以一路欣賞花火一路腳底按摩」、「可以考慮去日本城時著」更有人笑稱「D粒粒好似14粒（臭屁蟲卵）」、「生殖腺幾隻字仲要咁搶眼」，還有人覺得更適合「去鵝頸橋花火大會」。

網上圖片

網民分享網購中伏經驗

亦有網民分享網購中伏經驗「我買手機殼，佢寄50個迷你zip袋」、「我以前喺淘寶買咗棵貓樹，諗住孝敬一下班主子。點知寄到嚟，棵貓樹係坐枱嘅，一把間尺咁高！」等。

網上圖片

港人熱愛旅遊，足跡遍及全球。早前，一位在冰島旅行的港人，在壯麗的冰天雪地自然美景中，突然發現了一個熟悉的藍色小袋—Tempo紙巾袋。該名網友隨即在社交平台撰文尋物主：「邊個香港人喺冰島漏低咗Tempo?」

網上圖片

帖文一出，隨即掀起網友熱議，不少人形容Tempo紙巾袋猶如「香港身份證」：「我嗰日都已經諗緊邊個香港人將香港身份證跌咗喺冰島」，而貼文曝光後竟然引來疑似Tempo物主現身「認領」，指自己就是紙巾袋的物主：「真係我架，喺衫袋拎手套嗰陣吹走咗執唔返」

網上圖片

網上圖片

Tempo冰島奇遇記事件引發網民熱議：「為何一見到Tempo就認定係香港人？」不少網民紛紛留言：「Tempo唔係得香港有㗎」、「Tempo唔係德國咩？幾時變咗香港特有？」。原來，Tempo雖然源自德國品牌，但在香港市場銷量長期佔據第一，而且香港出售的包裝設計與其他地方不同，極具辨識度，因此這個看似普通的藍色紙巾袋亦被大家稱為另類「香港身份證」。

網上圖片