家傳之「保」｜ 譚俊彥體驗父親昔日裁縫學師生涯 狄龍年輕時裁縫型英帥工作照曝光

一共三集的真人騷《渣打夥拍保誠攜手傳承：家傳之「保」》，請來譚俊彥、黃翠如、胡定欣親身體驗一次爸爸媽媽昔日從事的行業，以行動感受上一代如何在工作上努力打拼、為家人提供生活保障，並透過走入上一代的職場，啟發他們了解父母最值得保護和傳承的精神，結合歡笑與感動，節目將於本周日（10月12日）9時30分翡翠台播出第二集。

狄龍講親阿仔都好開心。

今集嘅「父子傳承度測試」總共玩咗十條問答題。

都係孖住阿仔！狄龍相隔7年再度亮相TVB綜藝節目
第二集《家傳之「保」》接黃翠如棒參與拍攝的是視帝譚俊彥（Shaun），阿Shaun今集將走入裁縫店、體驗狄龍昔日學師點滴。為了支持阿Shaun、年屆79歲的狄龍大哥相隔7年再度亮相TVB綜藝節目，與仔仔大玩「父子傳承度測試」之餘、還應製作組安排做「背後軍師」，為兒子是次學習點評及打分。對上一次狄龍現身的TVB綜藝節目是2018年的父親節特備訪談節目《爸爸的告白》，當時狄龍也是孖住阿仔阿Shaun齊齊亮相，痛錫仔仔之情不言而喻。

阿Shaun跟阮師傅學做裁縫，呢位阮師傅笑容好親切喎。

狄龍昔日靚仔裁縫樣曝光。

狄龍昔日靚仔裁縫樣曝光。

狄龍昔日靚仔裁縫樣曝光。

超強！狄龍裁縫級畫直線功力50年不變
今日官方發布預告宣傳照，「由零開始」的阿Shaun從度身、Mark尺寸、畫紙樣、縫紉、試穿等一條龍全部學齊；據知，阿Shaun除度尺寸時不斷出現「小差池」，就連畫弧形線亦令他大為頭痛，足見裁縫工作有多難。令人驚歎的是，狄龍雖已放下裁縫工作超過半世紀，但除了對所有步驟依然倒背如流，就連徒手畫直線都未有半點退步、足證他當年學師時何等認真、所有手藝均已熟練至入血程度。雖然阿仔的起步與專業仍有大段距離，但狄龍卻坦言阿Shaun在自己心目中超越滿分：「如果有十分，我畀佢十分多一啲啲，因為我錫佢。」並笑言看著兒子重操自己故業、勾起了昔日不少難忘點滴。

到底狄龍點睇阿Shaun嘅表現呢？

阿Shaun每個步驟都做得好仔細好認真，但一樣都有唔少蝦碌位，到時記住睇節目。

阿Shaun親手為爸爸狄龍度身訂造西裝，呢個畫面好感人。

兩父子互送禮物表心意場面感人
節目還曝光了狄龍後生做裁縫時的超英偉照片、穿上恤衫、繫了黑領呔的狄龍一表人才。其實狄龍當年投考邵氏演員訓練班前曾做過數年裁縫，並專門負責度身訂造女裝衣服；狄龍師承上海師傅，並曾於美麗華酒店、半島酒店等提供度身訂造洋服服務。談到對爸爸昔日做裁縫的印象，阿Shaun坦言只有一張照片：「我對於爸爸做裁縫嘅印象係一張相入面，我見到一個好靚仔、好後生嘅我爸爸，攞住條裙，佢個表情係好自豪自己設計咗一條裙。」為了回饋爸爸辛苦養育自己長大成才、阿Shaun預備了一份相當特別的禮物送給狄龍、而狄龍亦有禮尚往來，配以二人作為大男人平時「講不出聲的真心話」，場面煞是感人！

狄龍對上一次同阿仔阿Shaun同框拍綜藝節目，係2018年嘅父親節特備訪談節目《爸爸的告白》。

一共三集的真人騷《渣打夥拍保誠攜手傳承：家傳之「保」》，請來譚俊彥、黃翠如、胡定欣親身體驗爸爸媽媽昔日從事的行業，以行動感受上一代如何在工作上努力打拼、為家人提供生活保障，並透過走入上一代的職場，啟發他們了解父母最值得保護和傳承的精神，結合歡笑與感動，昨晚（10月19日）播出最後一集。

胡媽媽當年曾豪煮價值一萬蚊的花膠給定欣吃，好捨得！

海味舖員工更教胡定欣「發海參」，定欣表示：「你今日教完我可以返去整返畀我媽咪食。」

胡定欣回到父母家中，胡媽媽亦為她準備了愛心花膠湯。

胡定欣品嚐後亦不禁想起胡媽媽的愛，並坦言：「我入咗行之後其實已經冇同屋企人住，佢都會有時問：我要唔要拎湯畀你啊，好擔心我係唔夠湯水，驚我捱壞身體，花膠湯成為咗佢對我嘅一份愛嘅表示。」

最後一集《家傳之「保」》的主角是胡定欣，及激罕出鏡的胡媽媽。胡定欣走入昔日爸爸媽媽努力打拼的海味舖，體驗二人當年的工作點滴。定欣之前受訪時曾透露，為了遊說胡媽媽上《家傳之「保」》費盡唇舌，而胡媽媽為了阿女最後亦願意「跳出低調框框」上節目，證明了胡媽媽有多疼女兒。昨晚節目，胡媽媽愛女之情隨處可見，當資深店員萬叔向定欣展示胡媽媽當年拍下的「玉手與花膠」特寫時，提及胡媽媽數年前煮的花膠、是價錢高達1萬港元的30年敏魚肚花膠，胡媽媽見到即時回憶返晒嚟：「呢個品種依家已經冇架喇，係我珍藏嚟架，所以我會整畀定欣食。」對於胡媽媽豪煮1萬港元花膠給自己吃，定欣大感受寵若驚及愕然，並坦言今時今日才知道真相。

胡定欣還激罕談及自覺對父母的遺憾時不禁流淚：「我初入行頭十零年，你成日問我：『返唔返嚟食飯啊？』又或者：『屋企人食飯你嚟唔嚟啊？』我成日都會講：『我唔知啊。』但係嗰個嘅唔知其實係好愧疚。」

胡定欣還激罕談及自覺對父母的遺憾時不禁流淚：「我初入行頭十零年，你成日問我：『返唔返嚟食飯啊？』又或者：『屋企人食飯你嚟唔嚟啊？』我成日都會講：『我唔知啊。』但係嗰個嘅唔知其實係好愧疚。」

胡媽媽亦在鏡頭前寫下十年願望清單。

胡定欣真誠承諾：「我應承你，我會同你一齊做。」

正如無綫劇集《麻雀樂團》主旨，很多時將一家人連在一起的，就是一餐「家常便飯」；對於香港人，愛心靚湯在家常便飯扮演著很重要角色。節目第二部分，定欣回家探胡媽媽，胡媽媽則準備了愛心花膠湯迎接女兒，定欣因而勾起不少昔日與吃飯有關的回憶：「其實我入咗行之後已經冇同屋企人住，媽咪都會有時問：『我要唔要拎湯畀你啊？』好擔心我唔夠湯水，驚我捱壞身體，花膠湯成為咗佢對我嘅一份愛嘅表示。」定欣續指初入行時，因工作關係，很多時連能否回家吃飯也說不準，她亦趁此向胡媽媽坦言當時的心情其實很愧疚，定欣邊落淚邊說：「我初入行頭十零年，你（胡媽媽）成日問我：『返唔返嚟食飯啊？』我成日都會講：『我唔知啊。』但其實嗰句『唔知』係好愧疚嘅，點解我阿媽成日問親我，我都要話唔得呢？」定欣續指當事業穩定下來後，她有馬上作出平衡，盡量抽時間陪伴家人。

無綫官方社交網事後上載「胡定欣與媽媽的回憶」加長版。

無綫官方社交網事後上載「胡定欣與媽媽的回憶」加長版。

其實這次胡媽媽與定欣上節目，確是共創了不少美好回憶，二人除了大玩「傳承度測試」，又應製作組要求齊齊寫下「十年願望清單」，列出十年內想大家一起完成的事情，以及在鏡頭前，一起見證定欣的成長重要片段，感性的定欣因而想起胡媽媽當年如何將青春獻給這個家：「我媽咪20歲就生我，其實我會諗其實佢都會好想同朋友去玩，但係佢嘅時間就奉獻咗畀家庭…即係我入行時係22歲，30歲時，我就係每一日喺個電視台度拼搏，但你嘅30歲就係為咗家庭拼搏，大家嘅世界唔同，我哋嘅年代亦都唔同。」

定欣埋位前為媽咪細心整理頭髮。

兩母女飲個湯都笑得咁開心。

定欣細細個原來將乾瑤柱當零食。

海味店帶畀定欣好多美好童年回憶。

另定欣拍攝節目時，接受娛樂新聞台訪問時坦言拍攝地點和店舖充滿了她的童年回憶，並自揭三代都是經營海味店：「自己屋企、太公、爺爺、爸爸、叔叔，三代都係經營海味店，雖然佢哋已經退休冇再做，但係海味店嘅一事一物（都係我嘅童年回憶）…呢個元貝送畀你（主持賴彥妤）食吖，都係我嘅童年回憶嚟，細個嗰時，好鍾意叫叔叔喺啲樽度拎元貝畀我當零食。」、「海味舖嘅從業員，佢哋真係一輩子花咗好多心機去經營呢個行業，因為一份情。」娛樂新聞台還曝光了定欣埋位前，為媽咪細心整理頭髮的溫馨畫面。對於定欣與胡媽媽難得合體，網民大為驚喜，大讚胡媽媽So Pretty之餘，又指定欣婚後更靚女、笑容甜美。