林子祥生日撞正開show連環收驚喜 見仔女孫女齊現身感動落淚 陳奕迅上台合唱《數字人生》

昨日（10月12日）是林子祥（阿Lam）78歲生日，跟葉蒨文（Sally）的《白頭到老WE ARE ONE世界巡迴演唱會》香港站第四場演出瞬間變成生日派對。全場8000觀眾齊齊跟阿Lam賀壽，更有連環驚喜兼笑料百出。

《白頭到老WE ARE ONE世界巡迴演唱會》香港站來到第四場演出，同時是阿Lam的78歲生日。

演唱會每晚唱完《零時十分》例牌有生日環節，而今次壽星公是台上的阿Lam！當Sally問觀眾今晚有邊個生日時，「我好似識一個人生日⋯⋯係你！」隨即爆出故仔，「我嗰陣第一次唱《零時十分》，問佢乜嘢意思，佢話：『林振強咁寫嘅，我唔知喎。』跟住佢唱《十分十二吋》，我又問乜嘢意思，佢又話唔知！你講啦！」阿Lam即謂：「總之我而家個車牌都係1012！」全場即刻爆笑。

Sally繼續大爆阿Lam生日上午的搞笑對話：「我同佢講Happy birthday，佢竟然問『我今年幾多歲？係咪77？』我話No！It was last year！」全場笑到碌地。阿Lam尷尬叫停：「唔使講咁多啦！」但Sally堅持要講：「你有冇試過生日有咁多人同你唱生日歌？」隨即帶領全場大合唱。接着台上大屏幕播出重量級祝賀片，包括劉德華、郭富城、楊千嬅、李克勤、容祖兒、許冠傑、洪金寶，連運動員林丹同導演賈樟柯等，絕對是粒粒巨星。

兒子林德信同太太抱住孫女林明上台，女兒林德懿更專程從美國回港。

正當以為驚喜完，Sally話：「仲有你識嘅人！」兒子林德信同太太即刻抱住孫女林明上台，孫女仲錫錫爺爺，甜到漏！Sally哽咽透露更大驚喜：「個女April啱啱喺美國飛返嚟！」原來阿Lam完全被蒙在鼓裏，父女相擁場面感動到爆，流下男兒淚。切蛋糕時Sally問要不要再唱生日歌，阿Lam搞笑耍手：「唔使啦，咁樣樣仲點唱歌啊？」最後神來一筆：「最大嘅surprise就係生日我可以放假！我唔使再唱啦係咪？」引得全場觀眾再次爆笑。

一家六口樂也融融！

一家六口樂也融融！

驚喜一浪接一浪，演唱會尾段，前來觀賞的陳奕迅（Eason）突然驚喜現身舞台，令阿Lam及Sally驚喜萬分！三人更於台上合唱《數字人生》，由於歌曲節奏是愈唱愈快，唱完後，Eason五體投地、甘拜下風問二人：「你哋點做到？」十分搞笑。完show後，阿Lam跟Sally返到後台，主辦及工作人員送上幾個蛋糕，為阿Lam慶祝生日，這個12點前的驚喜，阿Lam照單全收，多謝大家的祝福。

前來觀賞的陳奕迅在尾段突然驚喜現身舞台。

一齊合唱《數字人生》。

而昨晚捧場的嘉賓有張艾嘉、洪金寶及太太高麗虹、陳奕迅及母親、曾志偉、周國豐、黃博、張王幼倫，以及導演劉偉強。

（左二）周國豐、（右二）黃博

洪金寶及太太高麗虹

張王幼倫、導演劉偉強

張艾嘉

曾志偉

金像獎提名美術指導張蚊首次執導劇情長片《不得不好死》(暫名) ，由廖婉虹監製、卓亦謙編劇，香港電影發展局及文創產業發展處舉辦的第八屆「首部劇情電影計劃」專業組獲獎項目，並由電影發展基金撥款資助。繼早前於冰島外景拍攝完成後，日前在香港舉行開鏡禮。本片演員陣容鼎盛，除了有在香港大銀幕久未露面的陳奕迅、朱茵及林熙蕾外，更邀得金像獎得主白只、新生代女星陳書昕（Sheena）聯合主演，男主角由MIRROR成員柳應廷（Jer）破格演出，探討如何面對死亡、活出「好死」的生命課題。

金像獎提名美術指導張蚊首次執導劇情長片《不得不好死》，日前在香港舉行開鏡禮。

電影獲陳奕迅（Eason）、朱茵及林熙蕾三位久未亮相大銀幕的重量級演員參演，身體力行支持香港電影。

陳奕迅與朱茵這對組合，對上一部在大銀幕跟觀眾見面作品分別為2018年《臥底巨星》及《古宅》，今次二人在片中飾演Jer的父母。而自2009年韋家輝執導的《再生號》後，林熙蕾亦相隔多年未有演出香港電影，所以製作團隊特別感恩，這次獲得這三位重量級演員參演，身體力行支持港產片。

在《不得不好死》中，Jer迎來大突破，挑戰飾演患有罕見黑色素瘤皮膚癌的威廉。為了完美呈現角色全身與面部均長滿密麻黑斑的特徵，Jer放下偶像包袱，每日接受長時間的特技化妝，演繹一位自小被宣告早逝、長期與癌症共存的抗癌傳奇人物。

陳奕迅（Eason）

朱茵

林熙蕾

日前電影開鏡，Jer談及今次演出會否有壓力時，坦言雖然角色改編自真人真事，但原型人物提供了很多參考，讓他揣摩角色時更容易，所以不算太大壓力。他又感謝導演動用大量「人情卡」，說：「導演係用咗好多人情卡，請到咁多位又靚又犀利嘅前輩喺呢套電影度演繹。每一個都非常好戲，喺佢哋身上面學到好多嘢。」

Jer又特別開心終於圓夢與偶像陳奕迅的合作，說：「可以同Eason合作到非常開心，喺音樂上面期待咗好耐，……但今次就喺電影上面，終於有第一次嘅合作。今次佢做到我戲裡面嘅爸爸。」Jer亦感謝拍檔白只與Sheena ，形容所有演員都很厲害，作品水準極高。

柳應廷（Jer）挑戰全身特技化妝。

白只

陳書昕

《不得不好死》改編真實人物，這份不畏面對死亡的人生理念，與導演張蚊的價值觀不謀而合。先天患有脊椎側彎的張蚊，人生經歷過三次大手術、將幾十顆螺絲釘入脊椎，但她從未消極頹廢，反而堅持追尋電影夢，曾六度獲得香港電影金像獎提名最佳美術指導及最佳造型設計獎，電影包括《殭屍》《翠絲》及《年少日記》等。

張蚊分享為何揀選這個題材時表示：「因為我自己由細到大都成日做手術，所以好早就會諗人點樣正面面對死亡好呢？其實我哋有好多選擇。劇本有一句『我哋冇得㨂點樣出世，但係我哋可以選擇點樣面對死亡』，我就好想用影像去記錄呢件好唯美嘅事，希望電影可以俾大家一齊正視同積極 面對呢個生命嘅課題。」這次張蚊首次執導，將自己的抗病經歷與真實人物故事完美融合，用鏡頭探討我們無法控制死亡，但可以選擇如何 正面面對死亡。

Eason與朱茵飾演Jer的父母。

《不得不好死》故事簡介
威廉（柳應廷 飾）天生患黑色素瘤，全身與面部滿佈密麻黑斑，自小被宣告必會早逝。父母（陳奕迅、朱茵 飾）盡力照顧之餘亦放任他做喜歡的事，長期與癌症共存，活成玩世不恭的四十歲頑童。威廉與死亡一同成長，行為看似輕浮暴躁，實則口賤心善。他設立慈善機構「死嘢」，接下度身訂造喪禮、舉辦生前葬，協助求助者完成死前心願、輔導輕生者等無數死亡個案。由於自己「死極都死唔去」，處理個案時反而更有說服力。然而，一直幫助他人的威廉，卻在父親離世後消失無蹤。關心他的人Faye(林熙蕾 飾）、阿耀(白只 飾) 及阿桐(陳書昕 飾）執意追尋到遙遠的冰島找他。一直幫助他人完成心願的威廉，最後又有誰能為他圓滿最後的願望？