二胡才子朱芸編首進軍西九大盒辦音樂會 《BETWEEN WORLDS》探討生命與生死之間的好奇

由Chez V Creation、英皇娛樂及WANPIN MUSIC主辦、大豆天地農業科技冠名贊助，二胡音樂家朱芸編首個西九大盒個人音樂會《BETWEEN WORLDS》原定於下月29日舉行一場演出，然而音樂會門票開售後反應空前熱烈，旋即宣佈加開10月28日一場，讓更多樂迷親歷這場以二胡為主軸、跨越多個面向與維度的音樂旅程，從音樂探討生命與生死之間的好奇。

朱芸編首個個人音樂會《BETWEEN WORLDS》將於下月28及29日舉行。

音樂會以探討生死為題「死亡亦可能係連結唔同世界嘅橋樑」

這次的音樂會，邀來多位香港優秀音樂家與藝術家合作，朱芸編說：「我有好強嘅陣容，無論服裝定視覺藝術都有好好嘅藝術家幫忙，我會寫新曲，就算唔係新嘅，都會重新編過。」亦透露會邀請嘉賓助陣演出。提到音樂會的構思，他期待以自己的音樂，帶觀眾走進不同的世界：「今次我用咗四幅畫做靈感去引發四個世界。我相信唔同世界有它本身嘅規則同文化，形成唔同嘅價值觀，『BETWEEN WORLDS』就係想探討生命與生死之間，究竟咩係起點？死亡又係咪終結呢？我覺得死亡只係一種狀態，亦可能係連結唔同世界嘅橋樑，尤其係唔同宗教，好似基督教嘅世界，死後會去天堂或者地獄，所以死亡甚至整個生命，會唔會係為下一個目的地做準備嘅過程？」

朱芸編

朱芸編

視二胡為命 感激《破．地獄》拉近大眾與二胡的距離

七歲開始學習二胡、高胡及板胡的朱芸編，認同大眾對二胡有刻板印象：「由粵語殘片到而家，可能都係（劇情）死人冧樓先有二胡，好悲好悲咁，我冇特別要打破大家嘅印象，我就係好想表達自己係咩人。我都認同二胡同大眾有距離感，所以就希望用呢個音樂會去拉近距離，但首先就係我同觀眾唔好有太大距離先。」

朱芸編

朱芸編早已視二胡為自己的生命，是他抒發情緒的媒介，藉着這次的音樂會，透過二胡去表達自己的生命起伏。他表示自己亦有很多情緒，無論是感動、浪漫、興奮還是傷心：「其實唔係咁表面，有好多唔同嘅感覺，我覺得呢啲好難用言語表達。講出嚟反而唔係嗰樣嘢，對屋企人又好、女友都好，我一向鍾意用音樂去表達。電影嘅語言都一樣，如果所有嘢都畫公仔畫出腸就唔好睇，亦都表達唔到人本身好虛無嘅情緒，我喜歡音樂表達上唔係咁直接。」

朱芸編

提到電影配樂，憑電影《破．地獄》榮獲亞洲電影大獎原創音樂獎、金像獎最佳原創電影音樂，以至近來的第20屆中國長春電影節金鹿獎及第二屆金熊貓獎電影單元最佳音樂獎，朱芸編感激電影《破．地獄》讓他加入二胡的元素：「我諗好多香港人都睇過《破．地獄》，我相信佢哋唔會有距離感，甚至可能覺得好好聽，其實我已經好開心啦。」

第2屆《金熊貓》最佳音樂獎

第18屆亞洲電影大獎頒獎典禮 最佳原創音樂-《破‧地獄》

第20屆中國長春電影節《金鹿獎》最佳音樂獎

第43屆香港電影金像獎 最佳原創電影音樂《破‧地獄》

第二屆金熊貓獎電影單元最佳音樂獎

事業愛情兼得 為張艾嘉新片《他年她日》操刀全片配樂 與林俊傑合寫主題曲

在監製張艾嘉的賞識下，朱芸編最近為即將上映的奇幻愛情電影《他年她日》操刀全片配樂，更令人驚喜的是，首次與華語樂壇天王林俊傑合作，共同創作並深情演唱電影主題曲《瞬間的瞬間》！

朱芸編

除了在音樂上的成就，朱芸編與Winka的戀情同樣備受關注，自從兩人公開戀情後，不時大方分享甜蜜，他笑謂：「我哋兩個都多咗一個範疇嘅聽眾，而我哋嘅樂迷都好接受大家嘅音樂，所以都幾開心，係每次出街都姿整咗，個頭要梳好啲，哈。」

朱芸編與Winka的戀情同樣備受關注。

朱芸編《BETWEEN WORLDS》音樂會詳情：

演出日期：2025年10月28-29日
演出時間：晚上8時
地點：西九文化區自由空間大盒
票價：$880（VIP）*/ $480（*VIP門票包括音樂會後Meet & Greet環節）

門票現已公開發售
售票連結：https://www.popticket.hk/between-worlds

二胡才子朱芸編以突破傳統、勇於嘗試的音樂風格見稱，擅長以二胡為觀眾帶來意想不到的驚喜。繼早前他曾以二胡演繹《鬼滅之刃 — 紅蓮華》，震撼全場，更贏得觀眾及網民一致的讚歎。這次由Chez V Creation、英皇娛樂及WANPIN MUSIC主辦，大豆天地農業科技冠名贊助，朱芸編首個西九大盒個人音樂會〈BETWEEN WORLDS〉將於10月28及29日連演兩場，10月27日正式揭曉嘉賓陣容，更豪言：「總之一定會有驚喜！」

朱芸編

朱芸編

朱芸編

朱芸編

朱芸編

朱芸編早前透露，將邀請多位卓越音樂人與藝術家共同打造驚喜滿滿的曲目內容，包括全新創作及重新編曲之作，以立體聲響與舞台影像交織出視聽感官的盛宴。他表示：「今次會是一場融合唔同靈魂能量嘅演出，從聲音、服裝到視覺設計，每一部分都有極具想像力嘅藝術家參與。一定會有大家未諗過嘅moment！」

林志炫老師

林志炫老師

林志炫老師

黃妍

剛剛正式公布的嘉賓陣容更令人期待—— 華語樂壇殿堂級歌手林志炫，將於闊別三年後再度登上香港舞台，10月28日將現身為〈BETWEEN WORLDS〉帶來跨地域的生命對話。林志炫曾五度入圍金曲獎最佳國語男歌手，足跡遍佈亞洲舞台，代表作包括「優客李林」時期的《認錯》及個人作品《單身情歌》、《蒙娜麗莎的眼淚》等。談到與朱芸編的淵源，林志炫表示：「淵源係源自2017年，當時朱芸編為電影《悟空傳》創作插曲《空》，由我主唱。當時大家認識未算深，但那次機緣延續到數年後，讓朱芸編有機會為我嘅演出編曲，嗰次合作種下咗更多合作嘅種子。今次佢舉行第一次大型音樂會，佢話夢想能邀請我擔任嘉賓，結果夢想成真！」

綵排情況

綵排情況

綵排情況

至於久違重臨香港，他表示這次行程相當緊湊：「今次係專程嚟支持朱芸編首場（28號）嘅演出，完成後就要即刻趕赴另一個城市工作。雖然行程真係好趕，但仍然覺得呢趟非常值得！」與朱芸編於電影《白日之下》主題曲《日光漂白》合作而結緣的女歌手黃妍（Cath Wong），亦將登場續寫音樂緣分。她表示：「朱芸編喺音樂上嘅世界觀一直都令我覺得好amazing，可以再合作、一齊參與呢場以生命為題嘅音樂會，我自己都好期待！忍咗好耐，終於可以同大家講啦～我哋到時見！」朱芸編則表示：「好感謝林志炫同黃妍願意加入呢次演出。林志炫嘅聲音真係有一種超越時間嘅力量，而我同黃妍由電影到舞台嘅交流，都令我對生命有更多思考。希望〈BETWEEN WORLDS〉可以帶觀眾走入自己內心嘅世界，搵到屬於每個人嘅共鳴。」