聲秀｜穎喬嚴重失聲仍唱出超驚人感染力蕭凱恩首嘗法式Jazz曲風獲譚耀文伴舞打氣

娛圈事

聲秀｜穎喬嚴重失聲仍唱出超驚人感染力蕭凱恩首嘗法式Jazz曲風獲譚耀文伴舞打氣

2025年10月19日 13:00 最後更新：13:48

今年7月首播的《AlipayHK呈獻：聲秀》，轉眼來到準決賽階段、並分上、下兩個回合進行！合共兩集的《聲秀》準決賽，將在今晚（10月19日）及下周日（10月26日）晚上8點翡翠台播映。

成功躋身準決賽舞台的9位學員，在第一個回合面對的挑戰主題為「突破」，每位學員必須跳出Comfort Zone、選擇平時較少呈現的風格或演繹方式演出，第一回合最高分學員可直接晉級決賽；其餘8位學員則要進行第二回合的「必殺歌」一對一Battle。兩個回合結束後，將有4位學員落入危險區；之後5位評審、製作組特邀的KOL及DJ評審團將投票選出心水學員，最終得票最低的1位學員將離開《聲秀》舞台、無緣決賽。

點擊看圖輯

焦點圖片

Ziva

導師胡鴻鈞

Miss Chan Chan

雷有輝

周錫漢

Michelle

阿譚落場伴舞打氣

畫面好有愛！

Michelle

譚耀文

Miss Chan Chan

今集五位評審陣容（排名不分先後）是：陳潔靈（Miss Chan Chan）、陳奐仁（Hanjin）、郭偉亮（Eric Kwok）、雷有輝（Patrick Lui）及周錫漢（Randy）；演唱歌單則為（排名不分先後）：甄敏芳Jenny《空港》、蕭凱恩Michelle《粉紅色的一生》、胡子貝Matt《老派約會之必要》、周智敏Emily《烈女》；林潔心Bibi《等一個他》、穎喬 Ziva《驗傷》、馮熙燮Ryan《伸縮自如的愛》、柯雨霏 Ophelia《沙門》、布子殷（布子）《潛龍勿用》。

今集驚喜位絕對是浪接浪！第一位值得重點推介的驚喜，絕對是病到失晒聲但依然狀態大勇、兼且唱出與平時截然不同曲風的胡鴻鈞（Hubert）組穎喬Ziva。予人感覺Rock到爆的Ziva，今個回合轉玩深情Tone獻唱《驗傷》，卻出乎意料地爆出了驚人的感染力，獲Miss Chan Chan連說兩次「我好鍾意你」：「一聽你把聲，我就聽到你把聲係病咗，通常歌手遇到呢啲問題，我係會更加欣賞佢，呢個反而會Enhance咗你唱歌嘅經歷。」雷有輝：「直情穿透咗我個心」周錫漢：「你嘅Low Range好吸引，可以繼續Explore。」而DJ團對於Ziva在近乎徹底失聲的情況下、仍能唱出這樣的水平大表驚訝：「你第一粒音已好入到我個心，唱完之後我先知你係失咗聲，我覺得你好厲害。」

同樣備受病患困擾的學員、還有向來表現穩定、譚耀文組的Michelle，據Michelle台上透露，她在正式演出前一日、仍發燒至103度，但難得阿譚依然對她充滿信任及信心：「我唔擔心，佢鬥志好強。」Michelle選擇的突破是以Jazz Tone唱出充滿法國風情的《粉紅色的一生》，期間更獲阿譚落場伴舞打氣，畫面充滿愛。Miss Chan Chan事後笑言阿譚是其中一樣加分重要元素：「其中有一分我係畀譚耀文嘅，佢頂帽同長褸好係法國浪子。」之後再大讚Michelle：「聲音做得好好」、「你好聰明、好Artistic，前途無可限量。」Randy :「佢真係突破到，我覺得個設計好有趣。」

往下看更多文章

一周星星｜佘詩曼難忘拍《宮心計》壓力爆煲致失眠半年親揭22吋蛇腰之謎

TVB娛樂訪談節目《一周星星》、逢周日晚10點05分翡翠台播映，今晚（4月12日）一集嘉賓，是《正義女神》主演佘詩曼及譚耀文，主持是區永權（Albert）。今集負責向兩位主角問問題的嘉賓，則分別有黃宗澤、草蜢、陶大宇、黎耀祥、文頌嫻、何廣沛，及與阿譚合作無間的梁小冰。

向來快人快語的阿佘，今次將先後回應「高超落淚技巧」、「立定遺囑」、「7日時間背100頁對白」及「食極唔肥」等多個傳聞及熱話。談到喊功，阿譚大嘆阿佘落淚Timing超精準：「佢真係可以去到邊一秒要喊，就撳掣可以喊架喇。」區永權聞言即打蛇隨棍上追問，指曾有《宮心計》幕後指出，阿佘對劇本時不但主動問工作人員「邊一句要喊，更會問埋「要左眼還是右眼（落淚）。」到底阿佘會點回應？而談到《宮心計》，阿佘坦言由於監製要求高壓力爆煲、故拍畢後依然因壓力關係失眠長達半年，後求診中醫的答案是「好似跑車開咗turbo唔識停」。

至於被閨密文頌嫻「指控」為何食極都能擁有「千年佘腰」，阿佘忍不住開心謂：「我真係食極都唔肥，同埋我一定要食宵夜！」之後阿佘更細述，如果不吃宵夜，她會如何跌入「為食地獄」，而且更會有後遺症：「如果我唔食宵夜就瞓覺多過兩、三日，我係會瘦架。」而當阿佘說出吃過「最Heavy的宵夜」是甚麼時，全場更陷入瘋狂尖叫，阿譚又忍不住：「可唔可以借啲DNA嚟驗吓？」阿佘最終還會親揭之所以擁有這樣體質，全因一次極致的拍劇經歷，想知是甚麼？就要密切留意節目。

一分對白背默五、六次極認真

阿佘還應何廣沛要求，開心Share「超認真劇本背默大法」：「我坐車係唔講嘢架，咁我前面有一疊通告單，我就會反轉佢嚟係咁寫係咁寫，寫完一次背完喇，再寫一次、再寫一次、再寫一次。即係一段（對白）我寫五次、六次，咁就一定記得喇。」

另外，製作組還找到了阿譚當日參加《新秀》時，所表演的超精彩後空翻，以及阿佘當年拍攝《無名天使3D》時的超高難度飛天遁地動作場面。想聽阿佘親口講述相關動作場口如何令她「成個人打晒交叉」，以及阿佘當年忙到冇覺瞓的拍劇辛酸史，就要今晚收睇《一周星星》。另外節目結尾，《正義女神》總監製鍾澍佳更會預告《正義》之後15集的必睇位，當中包括「惡魔少女」陳若思。