長者坐港鐵關愛座全程Show 「樂悠咭」自保 目擊者：搭程車都好大壓力

經常都有乘客乘搭港鐵時，因「關愛座」而引起爭執。日前網上就流傳一張相片，相中一名女子坐在關愛座上，手上同時拎着「樂悠咭」，似乎是向周遭的乘客展示，證明自己真的已年滿60歲以上，有足夠資格使用，令目擊者不禁嘆息「香港人搭程車都好大壓力」。

資料圖片

疑似展示年滿60歲以免被「批鬥」

「關愛座」已成為港鐵車廂內避之則吉的坐位，即使老到有資格坐，都要小心翼翼，避免成為被攻擊的對像。有港女於社交平台Threads上載相片兼發文，寫到「而家連長者坐優先座都要show張樂悠咭出嚟！香港人搭程車都好大壓力」。相片所見一名坐在關愛座上的女子，手拿「樂悠咭」，並將正面朝上，疑似向周遭乘客展示自己已年滿60歲，以免成為被「批鬥」的對像。

女子坐在關愛座上，手上同時拎着「樂悠咭」，似乎是向周遭人證明自己真的已年滿60歲以上。網上圖片

Show埋骨科覆診紙都被逼讓座

網民睇帖後都紛紛留言，有人搞笑反問「大癲」、「下次M痛要show條M巾出嚟」。也有不少網民分享類似經歷，「我明呀，真係好大壓力。有段時間腰傷要睇骨科+物理治療，只有優先座，太痛只好坐。試過有個女士PUA話佢先生腳痛，我話腰痛，佢利用群眾壓力大大聲：你咁後生起身啦！就算我show咗骨科覆診紙，對方都是堅持要我起身，當時好多人望，我在壓力及尷尬之下，只好離開。之後，就算幾痛都好，我都唔敢坐，唔想再受氣」、「我前排做完手術，搭巴士坐關愛座，見到有老人家後面上車，好似望咗我幾眼，我個腦：死啦，如果佢問我係咪要畀條疤佢睇，刀口係小腹，要點畀佢睇，總之搞到我好焦慮」等。

網上圖片

個樣生得後生唔信年過65 要查身份證

亦有人分享，指有親人即使聲稱自己年過60，都要被人質疑話要查身份證「我屋企有個長輩個樣後生，但已經過65，而且以前做粗重嘢，腰，膊，膝都好多舊患，有1次坐巴士第1行，都有人鬧佢話佢唔應該坐，長輩話佢過65，嗰個人唔信仲話要睇身份證，癲人真係太多」。

為免爭執，有不少網民認為應取消關愛座。資料圖片

網民撐取消關愛座：浪費咗個位仲衰

為免爭執，有不少網民認為應取消關愛座，「根本就應該取消」、「取消啦，會讓（座）自然會讓，浪費咗個位仲衰」。不過有網民就認為大家似乎「諗多咗」指相中女子未必是在曬樂悠咭，「連埋張八達通方便拍卡啫」。

人進入中老年便喜歡懷舊，日前一名68歲老伯在Facebook群組「似水流年」分享一張自己1971年的小學畢業證書，感嘆如果時光倒流，一定會更努力讀書。這份來自「攸潭美公立學校」的證書，本應充滿懷舊溫情，卻被眼利網民發現「穿崩位」，證書抬頭竟多了一個「業」字，變成「畢業業證書」。

fb圖片

老伯的分享引來網民熱議，最開始不少網民深情共鳴，紛紛留言回應：「花有重開日，人無再少年」、「想當年！」

《愛回家》劇照，示意圖片

fb圖片

不過有眼利網友則發現畢業證書竟然有錯字，紛紛笑指「搞咁多嘢做乜吖！ 証書上嗰業字仲搞到times 2，阿媽搞錯咗添！」面對質疑，事主亦現身為揭開謎底，原來這張證書是朋友好心用AI軟件幫其翻新修復，不過誰知道AI竟然「畫蛇添足」，多複製了一個「業」字，溫情分享瞬間淪為笑料。