長者坐港鐵關愛座全程Show 「樂悠咭」自保 目擊者：搭程車都好大壓力

經常都有乘客乘搭港鐵時，因「關愛座」而引起爭執。日前網上就流傳一張相片，相中一名女子坐在關愛座上，手上同時拎着「樂悠咭」，似乎是向周遭的乘客展示，證明自己真的已年滿60歲以上，有足夠資格使用，令目擊者不禁嘆息「香港人搭程車都好大壓力」。

資料圖片

疑似展示年滿60歲以免被「批鬥」

「關愛座」已成為港鐵車廂內避之則吉的坐位，即使老到有資格坐，都要小心翼翼，避免成為被攻擊的對像。有港女於社交平台Threads上載相片兼發文，寫到「而家連長者坐優先座都要show張樂悠咭出嚟！香港人搭程車都好大壓力」。相片所見一名坐在關愛座上的女子，手拿「樂悠咭」，並將正面朝上，疑似向周遭乘客展示自己已年滿60歲，以免成為被「批鬥」的對像。

女子坐在關愛座上，手上同時拎着「樂悠咭」，似乎是向周遭人證明自己真的已年滿60歲以上。網上圖片

Show埋骨科覆診紙都被逼讓座

網民睇帖後都紛紛留言，有人搞笑反問「大癲」、「下次M痛要show條M巾出嚟」。也有不少網民分享類似經歷，「我明呀，真係好大壓力。有段時間腰傷要睇骨科+物理治療，只有優先座，太痛只好坐。試過有個女士PUA話佢先生腳痛，我話腰痛，佢利用群眾壓力大大聲：你咁後生起身啦！就算我show咗骨科覆診紙，對方都是堅持要我起身，當時好多人望，我在壓力及尷尬之下，只好離開。之後，就算幾痛都好，我都唔敢坐，唔想再受氣」、「我前排做完手術，搭巴士坐關愛座，見到有老人家後面上車，好似望咗我幾眼，我個腦：死啦，如果佢問我係咪要畀條疤佢睇，刀口係小腹，要點畀佢睇，總之搞到我好焦慮」等。

網上圖片

個樣生得後生唔信年過65 要查身份證

亦有人分享，指有親人即使聲稱自己年過60，都要被人質疑話要查身份證「我屋企有個長輩個樣後生，但已經過65，而且以前做粗重嘢，腰，膊，膝都好多舊患，有1次坐巴士第1行，都有人鬧佢話佢唔應該坐，長輩話佢過65，嗰個人唔信仲話要睇身份證，癲人真係太多」。

為免爭執，有不少網民認為應取消關愛座。資料圖片

網民撐取消關愛座：浪費咗個位仲衰

為免爭執，有不少網民認為應取消關愛座，「根本就應該取消」、「取消啦，會讓（座）自然會讓，浪費咗個位仲衰」。不過有網民就認為大家似乎「諗多咗」指相中女子未必是在曬樂悠咭，「連埋張八達通方便拍卡啫」。

電影《La La Land 樂來越愛你》被不少人奉為無可取代的愛情經典， 2016 年上映時引起了極大的迴響，電影不只締造驚人的票房，更在第 89 屆奧斯卡上橫掃六項大獎。而近日，一對情侶被網友捕捉到在中環終審法院大樓外隨著現場音樂浪漫起舞，讓網友直呼場面猶如「港版La La Land」

threads影片截圖

最近有網民在Threads分享一段影片，一對穿正裝的情侶在皇后像廣場東側的終審法院外，隨住現場音樂翩翩起舞。當時大樓外牆剛好有聖誕燈飾投影，背景音樂襯托下，兩人完全沉浸在二人世界中，甜蜜到爆！

threads影片截圖

threads影片截圖

threads影片截圖

剛好拍下影片的事主指場面猶如「港版La La Land」：「香港人下班後的娛樂，喺中環見到呢對情侶好sweet，經過都被閃盲！」，而事主更向神通廣大的網民求助：「有冇辦法幫我搵返當事人出嚟，想send返條片畀佢哋做紀錄，20年後睇返一定好開心。」真係好有愛！

網上圖片

這段甜蜜影片曝光後掀起大批網民討論，不少人都大讚情侶夠膽做自己，浪漫滿分：「香港好少見到呢啲畫面，要唔理旁人嘅目光都唔易」、「香港人就係需要咁樣放鬆下，唔理人點睇做自己」