10月23日有網民社交平台分享，指留意到觀塘apm商場附近的天橋出現怪現像，橋的兩旁均出現人龍，不少人更自備露營椅面向着橋外的風景呆坐，影片引起不少人好奇猜測，更有人想起「可能是政府請人統計交通流量」，但孰知是與一個商場活動有關。
網上圖片
apm 商場天橋兩側驚現排隊人龍
由網民分享到threads的影片及照片所見，天橋兩側均有人龍，大家都有備而來，櫈仔、露營椅、水及零食樣樣齊，似乎準備進入長期作戰狀態。有人正望緊手機，有人則在休息，即使入夜，排隊的人仍未離去。網友對面前景象不禁引發了好奇心，問到「我係咪錯過啲咩？睇馬路景？」
網上圖片
網測：數車呀！以前做過part time
有網友就猜測，這些排隊的人士可能正在工作，他留言「數車呀！以前做過part time」即是統計不同車流方向、車輛種類及數量、行車線等。有人更認真分析「可能是中九龍幹線快開通，開通前同開通後都要做交通流量統計。點解會見到數數下就去咗玩手機？因為通常係兩個輪流數，15-30分鐘一輪，俾時間休息去廁所同防止用神過度數錯數。 點解咁多人一齊數？係因為要分唔同車種、唔同行車方向。 」
網上圖片
有人質疑： 又話無處不AI
留言引來不少網民分享曾做過類似的工作，「已好耐㗎啦！多數在天橋位置」、「以前我都做過，通常會揀天橋呢類視野好嘅位置，已經係常見操作啦！」、「早幾年都見過類似陣仗，多數係交通統計，唔使大驚小怪」，不過就有網民就提出質疑，指現時科技發達，大規模統計車流應不再需要出動大量人力，「點解唔set 個cam 用電腦數... 又話無處不AI」、 「同埋啲櫈咁大張有得挨咁舒服，唔多似返工統計啲人」。
網上圖片
真正原因揭曉：商場有特別活動?
正當大家都以為是「數車流」的工作而議論紛紛時，一位網民卻指這些人擔櫈仔排隊會因為apm商場將於星期六(10月25日)下午舉行ViuTV特別活動，據說人氣組合MIRROR全部隊員都會出席，所以吸引了不少紛絲前來罷定位，「排隊呀，數咩車呀......數車洗x咁多人咩」、「次次 MIRROR 有公開活動，都會有粉絲提前排隊霸位，通宵留守都好常見！」、「apm呢個活動係全員出席，吸引力特別大，粉絲提前幾日排隊都不奇怪」、「唔使懷疑，一定係追星！之前 MIRROR 去其他商場活動，都有粉絲帶露營椅排隊，今次只係換咗個地點」。
網上圖片
