港人呻移民英國後面對9大問題 慨嘆：「住得舒服」不等於「生活好」

英國是香港人移民的熱門國家，但是要適應一個新環境新生活方式談何容易。有自稱已移民英國數年的港人於網上發文慨嘆，指在英國生活要面對如薪金低、開支大、治安差等9大問題，更坦言僅一項比香港好，並呻「英國真係俾香港人吹噓得好誇張」！

樓主指英國冬天長期無陽光，成日「陰沉濕冷」。AP資料圖片

日前有已移英數年的香港人在連登討論區，以「老老豆豆，英國真係俾香港人吹噓得好誇張」為題發文，列出生活在英國要面對的9大問題，如薪金低、開支大、治安差等，更強調自己「唔係唱衰，只係現實」。

水、電、煤氣等基本開支比香港高

首先面對的是昂貴的水電煤費。樓主指，英國水、電、煤氣等基本開支比香港高，「能源、供暖、用水全部高過香港好多，冬天開暖氣仲要小心荷包」。第二，膳食開支貴。「近幾年超市價錢開始都唔平，出去食更加貴。有啲人硬係話『自己煮平啲』，但實際好多調味料、燃氣、時間成本唔計落去」。

樓主表示，英國稅務負擔較香港重，「（稅）畀咗政府一大截先剩生活費」。AP資料圖片

英國治安比香港差 人工低工資增長慢

第三，人工低工資增長慢。樓主指「好多行業薪金追唔上通脹，實際可支配收入比香港少」。 第四，稅務繁多。樓主表示，英國稅務負擔較香港重，「（稅）畀咗政府一大截先剩生活費」。第五，英國治安比香港差，樓主坦言「治安唔似講咁好：偷車、爆格、刀仔搶劫、吸毒街友唔少見，唔係所有區都安全」。第六，英國天氣不好。樓主指英國冬天長期無陽光，成日「陰沉濕冷」並話「好多人精神都會受影響，唔係話『習慣咗就得』」。

樓主坦言「治安唔似講咁好：偷車、爆格、刀仔搶劫、吸毒街友唔少見，唔係所有區都安全」。設計圖片

中產財政壓力大 機構行政效率超慢

第七，政治方面，他認為英國政治兩黨都存問題。「唔掂，工黨政策偏向『劫富濟貧』，中產成日被加稅，保守黨又多年內耗，缺乏實幹」第八，中產財政壓力大。他指「中產、富人成為提款機：加稅、縮免額、削津貼，補貼窮人福利，財政壓力愈嚟愈大」第九，亦是很多移英港人提過，英國機構行政效率超慢。「銀行開戶、地址證明、轉賬、政府部門處理文件，樣樣都可以拖幾個星期」。

住屋方面英國是勝過香港

但有一點英國是勝過香港的。樓主稱住屋方面「喺香港，樓價極高、租金負擔沉重，連中產都未必買到像樣單位。但喺英國，用相對合理價錢就可以租或買到大屋，仲有花園、車位，住得闊落舒服」。

但樓主表示住屋這一點英國是勝過香港的。AI生成圖片

不要混淆「住得舒服」和「生活好」

但是樓主提醒不應將「住得舒服」和「英國生活好」混淆。他解釋「唔少香港人移民英國後覺得生活好，其實主因係住屋環境大幅改善。但事實上，除咗樓價相對平之外，英國其他方面如能源、食物、交通、稅務、效率、治安，其實未必好過香港。有啲人甚至會吹到好誇張，但本質只係香港買唔到樓 → 英國終於買到」。

網民有共鳴：sad but true

帖文得到不少網民的共鳴，大家紛紛留言，「sad but true」、「呢啲就係取捨」、「倫敦樓價唔平得過香港幾多，仲要治安差過香港」、「好多人忽視咗，因為香港陽光充足，一年都係得兩、三個月叫做少啲陽光，去到外國更加難適應無陽光嘅生活，好多人無留意長期無陽光引起嘅情緒問題」、「英國無咩娛樂」、「經濟差、物價高，移英唔係我選擇之一」。

不過就有網民質疑樓主是否真的在英國居住過，「又係呢啲唱衰POST」

一提到家務，相信除非是落手落腳、身體力行去做的家庭主婦，大部分人大概很難想象一個普通的家庭，日常生活中究竟有幾多不計其數的家務要完成，除了買餸煮飯、打掃衛生和洗衫收衫疊山衫這些大型家務，還有無窮無盡的「無名家務」：在客廳里清除電視上的灰塵、撿起室內植物的落葉、在浴室裡從浴室鏡子上的鱗片、在廁所幫消耗完無人更換的廁紙換新，等等。

《愛回家》劇照，示意圖片

不過主婦們有無發覺，家中的廁紙消耗速度有時候異常快？日前就有一位港媽發起「磅廁紙」實測行動，她感嘆日常採購家品的辛酸，更親自出動電子磅，將家中不同品牌的卷裝廁紙逐一量重，以最原始的重量數據，踢爆大眾購買廁紙時常忽略的三大盲點，令不少網民驚覺「原來一直買錯晒！」

threads圖片

threads圖片

threads圖片

該位港媽飆至自己負責家中廁紙及清潔用品的採購，發現某些品牌消耗得特別快，經常需要補貨。為了解開迷思，她決定進行小實驗：「等我拎個磅去磅吓，唔怪得某品牌金裝用得咁快，我就嚟可以做廁紙達人，買過好多牌子」。事主清楚記錄了用家用電子磅量度幾款未拆膠套包裝的卷裝廁紙的過程。照片顯示，不同品牌廁紙放上磅後，電子屏幕顯示的克數數值差異顯著，有些明顯較輕，有些則份量十足。

threads圖片

threads圖片

threads圖片

「磅廁紙」行動引來大批同樣負責家務採購的主婦共鳴，大家紛紛留言，揭開三大常見誤區。許多網民習慣看廁紙卷的直徑，認為越闊就越抵買。但事主踢爆這是超市的「掩眼法」。她指出，購買時一條條看直徑並不實際，而且「有啲廁紙佢係包得鬆啲，你覺得個直徑係闊啲，但係返到嚟磅其實佢係輕啲」，有精明網友教路，購買時要靠「撳」，「撳得入咪鬆，撳唔郁咪緊」，單靠肉眼很容易「中伏」。

《愛回家》劇照，示意圖片

另一盲點，是對廁紙層數的迷思。網民普遍以為三層、四層越厚就越耐用，不過就有網民指出，使用習慣才是關鍵：「人嘅習慣係用開幾多格就用返差唔多格數，所以四層好快用完」

《愛回家》劇照，示意圖片

最後一個陷阱，是包裝卷數的優惠。超市經常推出「買十卷送兩卷」的十二卷裝特價，令人以為執到寶。但有網民提醒，這類優惠裝的廁紙，每卷的重量隨時會「大縮水」，計算下來可能更不划算。