港人呻移民英國後面對9大問題 慨嘆：「住得舒服」不等於「生活好」

英國是香港人移民的熱門國家，但是要適應一個新環境新生活方式談何容易。有自稱已移民英國數年的港人於網上發文慨嘆，指在英國生活要面對如薪金低、開支大、治安差等9大問題，更坦言僅一項比香港好，並呻「英國真係俾香港人吹噓得好誇張」！

樓主指英國冬天長期無陽光，成日「陰沉濕冷」。AP資料圖片

日前有已移英數年的香港人在連登討論區，以「老老豆豆，英國真係俾香港人吹噓得好誇張」為題發文，列出生活在英國要面對的9大問題，如薪金低、開支大、治安差等，更強調自己「唔係唱衰，只係現實」。

水、電、煤氣等基本開支比香港高

首先面對的是昂貴的水電煤費。樓主指，英國水、電、煤氣等基本開支比香港高，「能源、供暖、用水全部高過香港好多，冬天開暖氣仲要小心荷包」。第二，膳食開支貴。「近幾年超市價錢開始都唔平，出去食更加貴。有啲人硬係話『自己煮平啲』，但實際好多調味料、燃氣、時間成本唔計落去」。

樓主表示，英國稅務負擔較香港重，「（稅）畀咗政府一大截先剩生活費」。AP資料圖片

英國治安比香港差 人工低工資增長慢

第三，人工低工資增長慢。樓主指「好多行業薪金追唔上通脹，實際可支配收入比香港少」。 第四，稅務繁多。樓主表示，英國稅務負擔較香港重，「（稅）畀咗政府一大截先剩生活費」。第五，英國治安比香港差，樓主坦言「治安唔似講咁好：偷車、爆格、刀仔搶劫、吸毒街友唔少見，唔係所有區都安全」。第六，英國天氣不好。樓主指英國冬天長期無陽光，成日「陰沉濕冷」並話「好多人精神都會受影響，唔係話『習慣咗就得』」。

樓主坦言「治安唔似講咁好：偷車、爆格、刀仔搶劫、吸毒街友唔少見，唔係所有區都安全」。設計圖片

中產財政壓力大 機構行政效率超慢

第七，政治方面，他認為英國政治兩黨都存問題。「唔掂，工黨政策偏向『劫富濟貧』，中產成日被加稅，保守黨又多年內耗，缺乏實幹」第八，中產財政壓力大。他指「中產、富人成為提款機：加稅、縮免額、削津貼，補貼窮人福利，財政壓力愈嚟愈大」第九，亦是很多移英港人提過，英國機構行政效率超慢。「銀行開戶、地址證明、轉賬、政府部門處理文件，樣樣都可以拖幾個星期」。

住屋方面英國是勝過香港

但有一點英國是勝過香港的。樓主稱住屋方面「喺香港，樓價極高、租金負擔沉重，連中產都未必買到像樣單位。但喺英國，用相對合理價錢就可以租或買到大屋，仲有花園、車位，住得闊落舒服」。

但樓主表示住屋這一點英國是勝過香港的。AI生成圖片

不要混淆「住得舒服」和「生活好」

但是樓主提醒不應將「住得舒服」和「英國生活好」混淆。他解釋「唔少香港人移民英國後覺得生活好，其實主因係住屋環境大幅改善。但事實上，除咗樓價相對平之外，英國其他方面如能源、食物、交通、稅務、效率、治安，其實未必好過香港。有啲人甚至會吹到好誇張，但本質只係香港買唔到樓 → 英國終於買到」。

網民有共鳴：sad but true

帖文得到不少網民的共鳴，大家紛紛留言，「sad but true」、「呢啲就係取捨」、「倫敦樓價唔平得過香港幾多，仲要治安差過香港」、「好多人忽視咗，因為香港陽光充足，一年都係得兩、三個月叫做少啲陽光，去到外國更加難適應無陽光嘅生活，好多人無留意長期無陽光引起嘅情緒問題」、「英國無咩娛樂」、「經濟差、物價高，移英唔係我選擇之一」。

不過就有網民質疑樓主是否真的在英國居住過，「又係呢啲唱衰POST」

馬鞍山一間商場內，一名女子在行走期間疑似遭遇人生重要抉擇，於是直接在垃圾桶旁蹲下，取出聖杯即場擲筊，祈求神明給予方向。此一幕被途人拍攝並上傳社交平台，迅速引起網民熱議。

樓主好奇詢問商場擲筊舉動

樓主在社交平台Threads分享相關相片及短片，並留言詢問：「喺商場擲聖杯係咩玩法？」照片顯示，女子將手推車置於身旁，無視周圍人流，專注進行擲筊儀式，場面相當罕見。

樓主好奇詢問商場擲筊舉動。影片截圖

網民反應兩極 有人誤認蹲姿為如廁行為

不少網民對此舉動感到驚奇，有人甚至因角度關係誤以為女子正在就地解決生理需求，直言「以為佢屙屎...」。此誤會令討論更添趣味，同時也反映出該行為在公共場合的突兀感。

網民反應兩極，有人誤認蹲姿為如廁行為。影片截圖

網民推測女子求問事項 

網民紛紛腦補女子擲筊的可能原因，有人認為她「一定有嘢諗唔通」或「夠晒聽天由命嘅感覺」。亦有人猜測是購物抉擇，「買嘢？定唔好買嘢 ？」、「買／不買」、「問下邊度買嘢好」、「問大神買邊間鋪好」、「選擇困難症，求解答」。亦有網民笑稱「行每一步都要問一問先，咪行叉踏錯」。

網民推測女子求問事項。影片截圖

傳統習俗現代詮釋 部分網民肯定其合理性

針對有人提及「睇吓直行定轉灣」、「向左走定向右走」等方向問題，有網民認真回應，「唔識路咪問吓神囉，以前冇GPS（「全球定位系統」）個個都係咁，叫做仙人指路，有咗Google maps（谷哥地圖）之後越來越少人咁做」。另有意見指出，此做法「好過用花瓣，起碼唔會周地垃圾」，認為擲筊比其他求籤方式更為環保與直接。

傳統習俗現代詮釋，部分網民肯定其合理性。影片截圖

擲筊的3種結果

根據華人廟宇委員會的介紹，擲筊問事時，「雙手合攏筊杯於胸前，虔誠向神明說明事由後，擲筊於地面。擲筊的3種結果，其實蘊含著神明的回應」：

聖杯（一凸一平）：代表「是」，神明同意你的提問或請求；

陰杯（兩片凸面）：代表「否」，神明不同意；

笑杯（兩片平面）：答案未明確，神明表示你的問題不清。