TVB節目巡禮｜高海寧全黑素服現身憶許紹雄泣不成聲 馬國明神情哀傷：佢係好好的前輩

 TVB星期二晚（10月28日）舉行年度盛事節目巡禮，公布2026年重點劇集及綜藝節目製作。而許紹雄（Benz雄）因癌症引發身體機能衰竭離世的消息亦震驚娛樂圈， 入行49年的許紹雄在圈中人緣極佳，廣結好友，其離世消息證實後，圈中好友紛紛發文悼念前輩，而出席TVB年度盛事節目巡禮的不少藝人，特別選擇黑色素服，向這位前輩致敬。

藝人高海寧（高Ling ）及馬國明均以黑色素服現身。巴士的報記者攝

藝人高海寧（高Ling ）及馬國明均以黑色禮服現身，提及許紹雄逝世，2人神情哀傷。馬國明形容整件事好突然，星期一朝早在去深圳拍戲的途中收到Benz雄病危的消息，到星期二凌晨2點幾結束拍攝返回香港，他指很可惜未能趕得及去醫院探望他。

巴士的報記者攝

巴士的報記者攝

高海寧指星期一正在拍攝無綫劇集《飛常日誌》，在機場收到消息，最後有趕到醫院探望Benz雄。馬國明回憶當年自己剛剛由訓練班出來，接到一個古裝劇扮演敗家子的角色，而Benz雄剛好扮演阿爸，他指自己當年演技尚未成熟，Benz雄都會整日鬧自己，有一次在公司聚餐，Benz雄細細聲同馬國明講，「你寧願我依家鬧你，還是第二日套喜出街俾觀眾鬧呢？」馬國明指自己一世都會記得這句說話，「佢真係一個好好的前輩」，之後咁多年，他有好幸運能多次與Benz雄合作，「佢一路以來都有繼續教我點樣揣摩角色和睇劇本」，馬國明指突然有一個咁好的前輩離開了，是很大的損失。

巴士的報記者攝

提到Benz雄離世高Ling 坦言太突然，一度哽咽需轉身平復心情。巴士的報記者攝

巴士的報記者攝

高Ling談到Benz雄時難掩哀傷，數度泣不成聲，顫抖著說到：「昨日去咗見佢，係好突然。我好感恩我呢一世可以遇到佢。我成日演佢個女，佢對女同對仔係唔同的，佢從來無鬧過我，佢永遠都同我講要放輕鬆，演戲應該要開心要享受」，高Ling指在拍攝現場，Benz雄帶給她好多安全感，「所以私底下我都會叫佢老竇」，高Ling指，就好似Benz雄女兒Charmaine所講，「佢係想大家記得佢既歡樂同笑臉」，希望大家永遠講佢開心的形象，記在心中。

提到Benz雄離世高Ling 坦言太突然，一度哽咽需轉身平復心情。巴士的報記者攝

提到Benz雄離世高Ling 坦言太突然，一度哽咽需轉身平復心情。巴士的報記者攝

另外，高Ling亦在個人IG賬號撰文，分享多張同Benz雄的合照，並寫到「老豆，你永遠活在我心中」，送別這位熒幕阿爸。

sammkoling IG圖片

sammkoling IG圖片

sammkoling IG圖片

sammkoling IG圖片

sammkoling IG圖片

sammkoling IG圖片

sammkoling IG圖片

sammkoling IG圖片

sammkoling IG圖片

sammkoling IG圖片

sammkoling IG圖片

由陳耀全（Andy）監製、黃偉強編審的航空實感專業劇《飛常日誌II》，逢星期一至五晚八點半翡翠台播映。主要演員有馬國明、高海寧、朱敏瀚、洪永城、劉穎鏇、周嘉洛、郭柏妍、戴祖儀、吳偉豪、徐榮、張馳豪、鍾柔美等。

呢個15秒女神視覺勁有Feel。

第二集繼續有Tiffany長腿大放送。

昨晚（6月16日）播出的第二集，劇情講述系統恢復後，機場回復正常運作，楊尚偉（馬國明飾）在記者會上強調「無論科技點發達都好，人先係最可靠，先係最重要資源」…另邊廂，尚偉徒弟程日飛（周嘉洛飾）被安排參與「經珠港飛」統籌項目，遇上銀川突發沙塵暴，因而與尚偉前度Carmen（劉穎鏇飾）碰頭，日飛第一眼已被Carmen的氣質深深吸引！

周嘉洛似乎對Tiffany一見鍾情。

昨晚，劉穎鏇Tiffany大晒長腿、甜美笑容再加飄逸秀髮，大玩時長約15秒、靚到爆晒鏡的「女神視覺」，相當吸引。談到拍攝「女神視覺」幕後點滴，經常穿高跟鞋示人的Tiffany笑言原來最大困難，原來是要克服「著住高踭鞋」落樓梯的心理陰影：「落樓梯其實我覺得係成場戲最大嘅挑戰，主要係點樣可以望住個攝影機好有自信咁笑、但同時又要小心落樓梯級呢？因為我有啲位好似係唔可以掂住欄杆去行，而我一向對於著住高踭鞋行樓梯都特別會驚、同會特別注意小心，而我嗰刻係唔可以望住地下去行落個樓梯，所以開頭拍嘅時候係要克服呢個心理關口，驚跌親。」談到片段效果唯美，Tiffany謙稱要歸功幕後：「當然要歸番啲功勞畀我哋嘅幕後同事，無論係我哋監製Andy或者攝影組、燈光組，大家都非常之配合，個畫面先可以有依家個效果。」

高海寧身形同笑容都係咁完美。

高海寧身形同笑容都係咁完美。

除了Tiffany，另一位女主角高海寧（高Ling）亦大晒完美S身形，在其中一個場口，穿上純白色超窄身運動外套、加黑色貼身瑜伽褲的高Ling，全身零贅肉的她完美Carry了這個極蝦人著的造型，難怪獲封「身材管理天花板」。

呢種講bye bye方法，係咪好sweet先

呢種講bye bye方法，係咪好sweet先

之後啲同事笑佢同吳偉豪好肉麻呢幕都好好笑。

郭柏妍做24孝女友勁晒完美。

翻查資料，高Ling之所以能保持「沙漏型」S形曲線全靠內外兼修。她近年熱衷高難度瑜伽，透過深度伸展與拉筋鍛鍊深層肌肉，拉長全身線條；又會定期出入健身房進行重訓，並會特別針對核心與臀部，打造緊緻腰線與蜜桃臀。飲食方面，高Ling堅拒盲目節食，主打高蛋白質與大量蔬菜之餘，並堅持「少油少鹽」提防水腫。高Ling曾表示內外兼修、保持自信，才是最健康的瘦身王道。至於向來以可愛出名的郭柏妍（Rosita），昨晚為男友安仔（吳偉豪飾）使出「窩心女友3招」，包括護住男友唔畀人嘈住佢瞓覺、幫男人買定外賣，以及超甜蜜的「拜拜手無限Loop」，均相當gfable，加上甜美嬌俏樣大發放，難怪獲網民熱捧成「完美女友」。

咩造型都難佢唔到。

除了「女神大激鬥」，第二集劇情還加插了不少笑料，當中最搞笑的，非張馳豪（Aska）飾演的前頂流男團成員車成軒。話說決心脫離娛樂圈的車成軒，轉職機場保安後為免樣子「曝光」引發混亂，以黑超及鴨嘴帽將自己包到「這個殺手」咁款，但因遭上司陳杰（洪永城飾）狠批，焗住以真面目在機場巡邏，最終引發嚴重混亂！搞笑劇情，配以Aska喜感十足的「呆萌表情」，相當吸引。身高185cm、擁44吋逆天長腿的「長腿男神」Aska，昨晚完美Carry型格黑超及機場制服Look，堪稱「人肉衣架」。網民留言：「有冇咁靚仔嘅保安先？」、「呢個身高著制服真係無敵，簡直係人肉衣架！」

徐榮呢吓「三秒舞步」向Aska致敬好好笑。

談到著起機場保安制服入型入格，Aska受訪時笑言拍攝時最搞笑是有不少旅客向他問路：「最多遇到就係問路， 都有試過着住制服幫旅客，例如佢哋行李箱跌咗，我就幫手去執番起，嗰吓真係覺得好似有幫到件事、成為咗一份子咁。」