寰亞4GenZ生日開趴玩遊戲 江博熙打甩劉俊亨眼鏡

「羽毛球王子」江博熙（Hei）、參加選秀節目仿GD唱《BANG BANG BANG》為人認識的楊煜謙（Nicolas）、唱作界新人成基哲（Blues）和「田徑小子」劉俊亨（Matthew），四個千禧後出生的GenZ男生，齊齊簽到寰亞旗下。雖然四子性格不同，Nicolas、Hei和Matthew較內斂偏「I」型，但因為Blues典型「E」人，活潑開朗，初次見面就主動打開話匣子，加上經常一齊工作，朝夕相對，四子火速成為老best。

寰亞4GenZ

寰亞4GenZ

日前Hei為同月生日的三子搞生日會，還準備六舊腹肌造型的生日蛋糕，互祝大紅大紫，追夢成功。暖男Nicolas說：「我願望係最重要嘅人同我慶祝，今日已達成！」而Matthew興奮表示心願超標達成，說：「剛剛去咗澳門睇王嘉爾（Jackson Wang)演唱會，好開心同佢影到合照，佢係我偶像，啟發我好多。我諗住扮鎮定，點知一見到佢我就stone咗，淨係講咗『我好鍾意你』！」超可愛。

開party當然要玩遊戲，他們各準備一個遊戲跟大家較量。齊齊吹波波布置場地後，開始「我係人，我唔係豬」遊戲熱身賽鬥嘴。Hei和Matthew口齒伶俐順利過關，Nicolas和Blues第一回合就敗陣。熱身賽都有大懲罰，輸家被蒙眼餵食加料wasabi薯片，Hei和Matthew非常重手，Nicolas和Blues食一啖就慘叫。之後玩考反應遊戲「接網球」，兩個專心比賽，另外兩個故意騷擾對手，多個回合之後，結果打和。

寰亞4GenZ

寰亞4GenZ

第三個是網紅game「估排位」，更加入「獎金」增添刺激，他們先以包剪揼決定出賽次序，Matthew猜赢，更先拔頭籌第一支就估中兼獲得最高獎金，更得心應手估中最多成贏家攞大獎：「一百萬円」魷魚絲，他領獎時無奈表情勁搞笑。壓軸遊戲「蒙眼包剪揼+扑傻瓜」考運氣又考反應，Hei當打羽毛球殺波出盡全力，吹氣鎚仔被他打到漏氣變形，Matthew的眼鏡慘被打甩。Hei更被選為「是日遊戲王」，因為他全力以赴。Matthew、Nicolas和Blues聯手向Hei下戰書：「12月Hei生日再開party，我哋要報仇！」

寰亞4GenZ

寰亞4GenZ

「羽毛球王子」江博熙（Hei）近日迎來了一次非常特別的工作體驗，首次與16歲的親弟弟江柏熙（Tony）「合體」為UNIQLO拍攝宣傳片。兩兄弟同框亮相擦出不少搞笑火花，更為拍攝現場添上溫馨歡樂的氣氛。Hei有兩位弟弟，柏熙年紀最細，所以稱他「細細佬」。Hei 豪言與Tony 平分酬勞，適逢媽媽生日在即，兄弟將合送新iPhone做生日禮物，貼心又實用，孝心滿分。

「羽毛球王子」江博熙（Hei）首度與16歲親弟江柏熙（Tony）合體為UNIQLO拍宣傳片。

「細細佬」Tony 是位中學生，同時亦是排球運動員，初次面對鏡頭拍宣傳片，坦言心情難免有些緊張，他說：「阿哥經驗較豐富，拍攝前夕叫我早啲瞓覺休息，同埋教我影相擺Pose，展現自信。」鏡頭前互餵薯片，又復刻童年照，非常有趣又溫馨。

兩兄弟同框擦出搞笑火花，更復刻童年照，場面溫馨。

有哥哥貼心帶領，他很快便放鬆下來，拍攝過程也越來越投入。對於這次難得的合作，Hei 笑說：「真係從來無諗過會一齊拍廣告，感覺好得意，佢好叻、好淡定。10滿分有7分。（你自己呢？）7.5分，高佢少少！」促成今次兄弟檔演出，是因為Hei希望廣告呈現溫馨又舒適的親密感，於是靈機一觸，主動提議拉埋Tony 一齊拍攝，大玩「兄弟情」。不過，要成事絕對少不了家長的批准，Hei說：「第一時間問媽咪，佢好爽快就答應，大家都覺得難得有呢個機會，製造一個特別嘅回憶。」拍攝當日，父母亦在場遠支持兩位囝囝。

兄弟將平分酬勞，適逢媽媽生日，會合送新iPhone作禮物。

問Hei 會否帶Tony 正式入行？他說：「佢年紀仲細，現階段最重要任務係專心讀書，同時好好發展排球運動員生涯。」兄弟倆平日最多互動就是一齊做運動和跑步，Hei 透露入行後，也會大方地跟Tony 分享靚衫，他展望未來有機會再兄弟檔接拍家庭用品廣告。

Tony首度面對鏡頭坦言緊張，獲哥哥教路擺甫士。

Hei指弟弟年紀尚小，現階段專注學業及排球，暫未考慮帶他入行。