婆婆排櫃員機求幫忙「撳錢」港男堅拒：為阻止多一個受害人！

大家在行善時，都要時刻警剔，不要一心想幫人卻令對方成為受害者。日前有網民在社交平台分享，指在銀行櫃員機排隊提款時，突然排在前面的長者問他可否幫手「撳錢」，他怕事件有詐，一口拒絕，更奉勸各位網民如遇類似情況，「一定要say No」！

銀行櫃員機排隊提款時，突然排在前面的長者問他可否幫手「撳錢」。 AI生成圖片

樓主擔心被「拖落水」當刻拒絕

網民出帖分享，表示日前在銀行櫃員機排隊提款時，排在前面的一位婆婆「喺部機度擾攘」，之後更開聲問他「可唔可以幫佢撳」。樓主當時即刻拒絕了，更向對方解釋：「如果我幫你撳，閉路電視影到我幫你撳，拖埋我落水，依家呢度嘅人冇一個會幫你撳，你搵銀行職員啦。」當樓主要求婆婆找銀行職員幫手時，對方「清醒嘅」，還回應到：「今日冇銀行職員。」樓主問：「冇咪等聽日先過囉，依家好急咩？」

AI生成圖片

要求長者找銀行職員幫手

隨後樓主回應網民留言時，解釋自己當時憂慮，他表示如果當刻幫婆婆撳機轉數，萬一對方是受騙徒指示轉賬，他就會變成幫兇：「就係當我幫咗佢，佢就話我令佢有損失......」「做錯又會賴你。」所以他呼籲其他網民，如遇到同樣的情況，應要長者找銀行職員幫手，而不是自己來，「目的都係揾銀行職員分析返件事。」

樓主當時即刻拒絕了，更向對方解釋。AI生成圖片

網嘆：騙徒會叫長者唔好去櫃枱

認同樓主做法的網民都指出，即使是銀行職員亦只「會教，但唔會出手，同市民一樣，避免有麻煩」，所以現在騙徒「會叫佢哋（長者）唔好去櫃枱」，樓主即慨嘆到「道高一尺，魔高一丈，唉，長者真係（騙徒）正嘅目標。」  

港男要求婆婆找銀行職員幫手。AI生成圖片

遇到類似情況「一定要say no」

最後樓主還語重心長地奉勸各位網民「如果大家見到有長者都係咁樣，好心急想喺櫃員機過數，搵人幫手，一定要say no」，「拒絕，為阻止多一個受害人」，「保障自己之餘，都幫到潛在被騙嘅人」，「幫得就幫」。  

近年香港人都喜歡北上消費，除了貪其價廉物美，用餐時還不會限時限刻催三催四，可以慢慢享用。但反觀香港，很多餐廳老闆為了做多幾枱客生意，在繁忙時段都會限時用餐，近日就有網民指九龍城一間酒樓於繁忙時間指明4位或以下要限1小時交枱，入座時她並沒有為意，及後被「態度好差」催交枱，十分激氣，大呻「就算食物正常都無下次了，好趕客」。

threads圖片

繁忙時段會設特別交枱時限

女網民在社交平台Threads有發帖表示，「估唔到依家一個人一盅兩件，都唔可以坐太耐了」，並上載一張顯示了某間酒樓門口「溫馨提示」告示牌，牌上寫著由於檯位有限，繁忙時段會設有特別的交枱時限，4位或以下只限1小時、5至7位限1小時15分，8位以上限1小時30分交檯，客人需有一半人數到場，方可入座。

示意圖。AI生成圖片

樓主大呻：食得仲趕過茶記！

有網民認出相中是位於九龍城的一間酒樓，樓主表示當時門口已有幾個人等候緊，但她入座時卻未留意到此限時安排，「入座無留意，到一個鐘多少少個知客態度好差咁話要走，我先知，下次係門口要望清楚有無限時先入」，但大呻「真心，就算食物正常都無下次了，好趕客」，又坦言時間好短，食得好趕「老實講，飯茶1個鐘真係有太短，啲水又熱，點心入紙蒸都要20分鐘，食得仲趕過茶記，90-120分鐘合理啲」。

threads截圖

網嘆：所以點解個個都北上消費

有其他網民都遇到相同經歷，「我都試過，聽到話個半鐘要交檯立即掉頭走」，「去飲茶就係想同朋友家人慢慢傾下計，限我時間甘我咪去第二間囉」、「所以點解個個都北上消費」、「咁好生意唔好入去阻住佢了」、「香港垃圾餐飲業，規矩多多，見到一定不消費」、「講真佢唔寫出黎，可能我都係呢啲時間走，但你寫出黎我就唔去食，因為覺得你係到計緊。」

近年香港人都喜歡北上消費。資料圖片