藝人海俊傑(Gabriel)日前拍片聲淚俱下求助,為患上「急性肝硬化」的太太莫家慈眾籌換肝手術費,隨即惹來各界關注!他今日(11月11日)凌晨再在社交平台更新太太的情況,並詳述需要百萬醫療費及到廣州治療的原因。
海俊傑太太莫家慈患上「急性肝硬化」急需換肝。
日前拍片聲淚俱下求助。
海俊傑在IG貼出緊握太太手,為太太集氣的照片,並撰長文交代的情況,「各位,我係藝人海俊傑,首先好感謝大家對我同家人嘅關心,我太太因為身體狀況,早前被緊急送入瑪麗醫院,被確診為急性肝衰竭,經過同醫生嘅了解,佢個情況並唔樂觀 … 而我們一家一直住在內地,同屋企人商量後決定轉到廣州中山大學醫院附屬第一院醫治。」
View this post on Instagram
海俊傑續指:「廣州院方亦以專業嘅方法處理及各方檢查治療,由於太太嘅情況比較嚴重,就响佢留院入住後大概五天左右,病況出現好多未能預料嘅變化,需要轉到ICU作出緊急治療。由於可能有機會配對,我亦都需要了解手術建議及醫療費用。醫院嘅收費透明度高,醫生認為太太的病情嚴重,醫院方面估算手術費50萬,但除手術費外其實亦都會繼續衍生不同嘅醫療項目費用,經初部計算前後至少要過佰萬。由於我哋一家原有儲備已在耗損情況下,難以承擔持續增生嘅醫療費用,所以响心情好徬徨不安嘅情況下,好抱歉拍咗條片令到大家擔心。」
海俊傑與太太莫家慈
海俊傑指他求助的影片引來很大的迴響,亦收到好很多人的支持和關心,「特別感激公司天盟娛樂培哥,演藝人協會,會長古天樂先生,曾志偉先生,以及好多圈內外好友的幫忙,感激不盡。太太嘅狀況每日需要同醫護團隊緊密去協調同部署,所以呢段時間確實需要同屋企人守候及陪伴太太,恕我未能逐一回覆大家,希望見諒。」
海俊傑與太太莫家慈
最後,海俊傑希望,「以上係到目前為止嘅大概狀況,相信可以釐清一啲誤解。响度再次感謝各位對呢件事嘅關注,多謝幫助過我哋嘅人,希望大家可以繼續為我太太禱告,所有人都要身體健康。」