霍汶希細談32年來經理人生涯 爆容祖兒入行最大樽頸位 公開英皇藝人不跳槽原因

英皇娛樂集團營運總裁霍汶希（Mani）作為金牌經理人，成功捧紅過不少歌手，而且與每位歌手感情都非常好！近日Mani接受周國豐YouTube節目「國豐百科」訪問，細談32年來的經理人生涯，除提到自己一手捧紅的天后容祖兒外，還大讚楊受成是一位好老闆，對旗下藝人不離不棄，更令「霍汶希曝英皇藝人不跳槽真實原因」登上微博熱搜，有逾千萬閱讀量！

霍汶希近日接受周國豐YouTube節目「國豐百科」訪問。

觀看相關影片按連結：https://youtu.be/FbYOorZHGJI

Mani與容祖兒合作多年，形容二人的感情如同家人，雖然祖兒現在已成熟不少，但內心依然童心未泯，還大爆對方不少烏龍事。不過，講到當初要簽祖兒做旗下藝人，可以說是乘風破浪、披荊斬棘，因祖兒當時的唱片公司撤離，但仍與卡啦OK老闆娘有經理人合約，Mani要想盡辦法將她羅致旗下：「你要有個信念佢一定紅！佢一定掂！」

影片截圖

影片截圖

影片截圖

問到為何會覺得祖兒會紅？Mani真言：「直覺！第一個性格非常好，同埋我一直覺得佢唱歌真係好好，佢一到唱live嘅爆發力，係我見過嘅新人裏面，冇乜幾個，同埋我好相信觀眾緣，我都同任何人講，佢初初入嚟真係唔係靚，我搵唔到邊度有個藝人擺喺度俾我睇，我搵唔到，但係佢嗰種感覺就係佢係一個鄰家小女孩，但係當佢日漸發展越來越好嘅時候，其實佢隻眼好有靈氣，好有光彩，慢慢自信心一變，啲星味就出晒嚟。」

霍汶希IG圖片

霍汶希IG圖片

霍汶希IG圖片

霍汶希IG圖片

Mani指她與祖兒一直互相信任，「好多時人與人之間嘅信任，你會減少咗好多溝通嘅成本，亦都係因為一個信任，令到大家有一個能量，同我哋自己講『一定得嘅！』」講到祖兒入行以來最大樽頸，Mani指必然是聲帶生繭，令祖兒非常絕望，「最慘最慘，我係要陪佢瞓，因為佢好慘，我希望喺佢屋企陪佢瞓同佢傾吓偈陪吓佢，佢情緒好低落。當一個人覺得人生裏面剩係得把聲，呢個係我嘅資本，亦都係我天生能力裏面唯一一個我最叻嘅嘢，我都冇埋啦，我都完結啦，嗰種絕望係明嘅。」幸好最在經過針灸、醫治，祖兒的聲帶慢慢好起來。Mani更指祖兒對自己的要求和努力，直至今天的成就，絕對是值得擁有。

影片截圖

影片截圖

英皇有很多藝人對公司都非常忠心，甚至加入後無轉過會，Mani認為原因就是老闆楊受成博士，大讚對方像個精神領袖、大家的家長一樣，「我哋就好似家人，我成日都講一樣嘢，我親身經歷咗好多唔同嘅轉變，佢話唔係靠藝人去搵錢，而係啲藝人有能力做一啲衍生品，或者生一啲project出嚟搵錢，唔係靠抽藝人嘅佣金。總之個藝人會覺得，公司唔係抽我好多佣金，但係全面嘅所有service又好、保障又好，好多嘢都係好到位，同埋藝人亦都會感受到公司係點樣用心去培養佢或者幫佢護航。」

Mani指老闆楊受成博士像個精神領袖、大家的家長一樣。

影片截圖

影片截圖

Mani又指就算藝人「出事」，楊老闆都一樣不離不棄去支持，「一樣諗方法點樣教佢，點樣解決事情！老實講娛樂圈係好現實嘅，你一沉就百踩，你一出事就劃清界線啦，同你冇朋友做啦，你估我見得少咩？我都見好多，但你諗吓如果藝人出事都要攬上身繼續同佢並肩作戰，呢間公司點會留唔到人？」

影片截圖

霍汶希IG圖片

而Mani自己都一樣，32年來任職同一間公司，她覺得自己心態就跟藝人們一樣，覺得公司不離不棄，更爆楊老闆會自動加人工，「當一個新人入去做一個行業，好需要有人去培養你，俾機會你，我覺得老闆真係花咗好多精力培育我之餘，仲介紹好多人脈俾我，我喺呢間公司亦都好開心，我好記得我有幾次嘅加薪，我冇要求過自己加薪，係佢自己加俾我，佢覺得你應該有咁嘅人工，我真係冇講過要加薪。」

影片截圖

影片截圖

英皇娛樂金牌經理人霍汶希（Mani）於2011年秘密誕下女兒Hanni，雖然工作繁忙，但對愛女一直疼愛有加！近日Hanni 15歲生日，Mani就與天后容祖兒（Joey）一同為愛女慶祝！

Mani去年與愛女Hanni一同拍攝雜誌封面。

兩母女感情好好！

Hanni完美遺傳媽咪基因，越大越靚女。

Mani在IG晒出合照，並留言：「祝我Honey生日快樂！」祖兒亦有送上祝福：「happy birthday 越大越靚嘅hanni」，Hanni則以三個心心Emoji乖巧回覆，足見兩人感情深厚！而相中可見，15歲的Hanni完美遺傳媽媽的優良基因，長得亭亭玉立，五官非常標緻，而且臉尖尖，再配上淡妝，面對鏡頭時展現出自信的笑容，靚女又星味十足！

霍汶希IG圖片

不少英皇藝人和網民都紛紛留言為Hanni送上生日祝福，又大讚她越大越靚女，「靚女到可以原地出道了」、「遺傳晒媽媽Mani嘅良好基因」、「嘩！同媽咪一樣咁靚」、「明星基因」、「嘩～～～咁靚女嘅，會唔會出道做藝人？」