梁嘉琪受訪鄭重否認告別廣播界 自爆「魚雷轟頂」黑歷史 因森美一句話爆喊

人氣爆燈的商台節目《早霸王》已成歷史，森美夥拍阿正與Elsie合作新節目《Bad Girl 大過佬》，小儀則開設個人YouTube 頻道重新出發，梁嘉琪同樣在YouTube亮相，接受翟浩然主持的《浩然正戲》訪問，大爆初入《早霸王》有個「不可能的任務」，又自揭「魚雷轟頂」黑歷史，嘉琪更首度公開當日森美在閉門會議交代《早霸王》即將完結的一段對話，「我本身忍住，但都係控制唔到爆喊！」嘉琪回想依然眼泛淚光。

梁嘉琪

梁嘉琪接受翟浩然主持的《浩然正戲》訪問。

正式擔任《早霸王》主持之前，嘉琪與森美早已相識，感覺對方是個十分照顧拍檔的好前輩，直到兩年多前的某一天，森美突然向嘉琪提出一個令她意想不到的要求，嘉琪憶述：「佢話節目好急需要搵一個人返嚟，因為對上一個主持Marco要離開，佢諗咗好耐，覺得我應該可以，雖然我曾經做過《早霸王》同《公子會》代班，但我知道代班同做真正主持係兩回事，我同大哥（森美）講，我唔知自己有冇咁嘅能力，大哥話放心，佢會睇住我，我就話，如果你信得過我，咁我就做啦！」

影片截圖

森美做節目向來強勢，小儀已慣做多年「下把位」，嘉琪最初怎樣為自己定位？她狂笑爆出一個「不可能的任務」：「初初入商台，有人同我講：『靠你食住森美！』而且係唔止一個咁講！佢哋認為我可以，真係令佢哋失望！」

影片截圖

殘酷的現實卻是，嘉琪不但未能「食住」森美，主持《早霸王》初期，自信心更跌至新低點，她說：「有次大哥講魚雷，我突然間load唔到，印象中係一啲類似子彈嘅嘢，點知我咁樣答，大哥就問我知唔知係乜嘢，同我玩咗好耐，我個人好怯、面皮又薄，只係諗錯咗啲乜嘢，去到開始唔識得對答！呢段成為咗我嘅黑歷史，超挫敗感！」她想過請辭，但倔強個性使她留下：「我唔係一個咁易認輸嘅人，如果因為人哋嘅批評說話而走，我覺得係逃避，我同自己講，就算要走，起碼到有一日，改變到某啲人嘅睇法，先可以離開！」

影片截圖

跌跌碰碰，嘉琪憑努力爭取到一班聽眾認同，更留守到《早霸王》最後一刻，當森美在閉門會議向嘉琪交代節目去向，竟觸發淚崩場面，嘉琪首度剖白：「佢話想繼續同我做節目，但冇辦法，嚟緊有個大變動，我係佢呢十年嚟最嚴厲嘅一個人，佢話見到我嘅努力同進步，我本身忍住，同自己講唔可以喊，佢最尾問我有咩講，我話我好開心得到佢嘅認同，跟住就控制唔到爆喊！」

影片截圖

森美對嘉琪一直非常嚴苛，從開咪到收工無間斷疲勞轟炸，兩年多來從未有讚賞半句，嘉琪哽咽道：「我知道自己追唔上佢嘅程度，我不斷用努力希望追多少少，然後聽到佢話『見到我嘅努力』，我一路爆喊話，有佢呢一句，對我係一個好好嘅總結！」有報道指她告別廣播界，嘉琪鄭重澄清：「我冇宣佈告別廣播界，從來都係never say never，覺得所有嘢都有可能性！」

影片截圖

更精彩、最詳細訪問內容，請鎖定YouTube 頻道《浩然正戲》！

觀看相關影片按連結：https://youtu.be/7bb-8sf2pWk

由Why Show Serious主辦，鄧智堅編劇及執導的舞台喜劇《辦公室劇后》，以貼地幽默方式呈現 OL 的職場生存亂象。今次邀得舞台劇后劉雅麗、演藝學院高材生梁嘉琪、HOY一姐盧頌恩（妹頭）、香城一姐張錦霞（阿霞），以及搞笑能手張翼東、蘇育輝，一同打造全新喜劇《辦公室劇后》。作品以共鳴化為笑聲、以淚水化為幽默，將於今年10月23-25日、27-31日，晚上8時假香港藝術中心壽臣劇院開心上演共8場。門票將於7月13日正午12時起於KLOOK售票平台公開發售。

由鄧智堅編劇及執導的舞台喜劇《辦公室劇后》，將於10月23日起在香港藝術中心壽臣劇院上演8場。

劇后劉雅麗聯同梁嘉琪、HOY一姐妹頭（盧頌恩）及「香城一姐」阿霞（張錦霞），以貼地幽默方式呈現OL的職場生存亂象

導演兼編劇鄧智堅表示，故事表面描寫辦公室現象，其實是每位女主角的內心小劇場。他說：「無論返工定係生活，用劇場去呈現內心嘅小劇場，係最切合主題、亦最好玩嘅地方。今次所有演員都好有幽默感。」

導演鄧智堅指故事表面寫辦公室，實為女主角們的內心小劇場。

劉雅麗在劇中飾演勁mean高層主管，正是導演口中的「老屎忽」。她笑言：「角色有啲似我，鱷魚頭、老襯底，平時啲人睇我個樣以為我好惡。今次同呢班人合作好新鮮，我最大挑戰係我好少做喜劇，今次係輕喜劇，希望俾大家見到我另一面。」

劉雅麗演「勁mean」高層。

梁嘉琪演過氣名星轉行。

梁嘉琪坦言舞台劇演出經驗不多，今次飾演一名過氣名星，轉跑道到辦公室工作的內耗低層，她說：「自己一直都好期待演舞台劇，同鄧智堅導演認識 30 年，但未正式合作過。我畢業後參與舞台劇嘅機會唔多，所以好期待今次班底，自己都好緊張。對我嚟講，我係舞台劇新人，角色係一個轉換跑道搵人生目標嘅人，我都有問導演係咪就住我寫呢個角色。」她笑言自己一定唔適合喺辦公室同人相處，但今次可以喺劇中一試。

妹頭首演舞台劇。

阿霞圓夢與偶像同台。

首次演出舞台劇的妹頭，今次飾演雙面助理兼單親媽咪角色，她說：「現實中我唔係婆媽嘅人，我係會直接講。」她驚喜透露：「導演搵我真係喜出望外，本身我同佢唔認識，但嗰刻我好想做舞台劇，結果一拍即合。我一直都有舞台劇夢想，細個已經係戲劇學會，攞過學校獎項，但出嚟之後冇試過做舞台劇。今次同所有演員都未合作過，淨係有時同霞姐撞吓樣，好期待今次演出。」

搞笑擔當阿霞飾演扮工使者，演出叫人期待。她說：「今次有前輩搵我，真係好開心。我以前細個喺 CD 舖做 part-time 嘅時候已經睇佢哋嘅舞台劇 DVD，知道可以一齊演真係好興奮，期待大於緊張。之前喺演藝課堂認識咗梁嘉琪，好期待同大家合作，特別係劉雅麗姐姐。我返去同阿媽講，佢都勁開心。」

門票7月13日起KLOOK發售。

KLOOK訂票連結：https://s.klook.com/traumaqueen

故事簡介
過氣女星轉型到辦公室工作，遇上Free Rider 同事及Mean爆上司，尋找自我價值時，發現大家不只是職場雙面人，而是千面Drama Queen。玩轉職場女性「講不出聲」的話，以「劇場」展現她們的「內心小劇場」。 假如「職場」是宮鬥劇；「成長」便是恐怖片，讓我們成為Trauma Queen！