盧淑儀弟弟捲債務風波 家人已竭盡所能 父親發聲明與兒子正式脫離關係

1992年前港姐冠軍盧淑儀與李克勤於2006年拉埋天窗，婚後育有大仔李立仁（Ryan）與細仔李力司（Rex），一家四口生湩幸福美滿。盧淑儀婚後便淡出幕前專心相夫教子，閒時就會陪伴老公旅行、打波、睇球賽，生活相當低調。不過，盧淑儀弟弟盧煜培近日捲入債務風波，據知家人前後已替對方還了過千萬債務，但情況未見改善，盧爸爸今日（11月12日）無預警下發聲明與兒子正式脫離關係！

盧淑儀與李克勤

一家四口

盧淑儀在社交平台公開盧爸爸聲明，聲明中寫道：「本人盧國輝特此聲明，本人自2025年11月12日即日起與兒子盧煜培Lo Yuk Pui身份證號碼Z418XXX（2）正式斷絕父子關係。此後有關盧煜培之一切行為及金錢糾紛，均與我本人、我的家人一概無關。」而盧淑儀亦罕有地回應事件，「因為弟弟之債務問題，目睹年邁的父母晚年仍因事件而備受煎熬，十分心痛。多年以來，我哋全家已竭盡所能，多次為其處理債務，幾乎傾盡所有，但情況未見改善。與家人慎重商議，才作出這個艱難的決定。希望傳媒朋友能夠體諒作為家人的處境及心情，不要再就此事向本人、父母或我們的其他家庭成員查詢，此後我們亦不會再為此事作出任何回應，謝謝。」

與家人合照

與家人合照

而李克勤則透露霍汶希（Mani）代為回應回：「對於家人因為這件事所受到的困擾，我感到非常心痛。我完全支持及尊重外父、外母及太太的決定。此事我們不會再作任何其他回應，希望大家能給予我們家人空間。」

李克勤與盧淑儀

TVB音樂選秀節目《中年好聲音4登峯之戰》於8月23日晚上假啟德體藝館隆重舉行，評審之一的李克勤於賽後接受傳媒訪問，大讚今屆參賽者的水平非常高，並鼓勵失準的參賽者。

李克勤

李克勤

李克勤

李克勤

李克勤

李克勤

李克勤

對於成為今屆的評審之一，李克勤表示：「緣份嚟㗎嘛呢啲嘢係。其實我一直都有睇呢個節目嘅，不過喺屋企睇呢，同喺呢度做評判個感覺又完全唔一樣啦。我今晚係好享受嘅，因為水平非常之高啦，呢個亦都唔需要我再講，因為今年《中4》嘅參賽者嘅水平都真係好高嘅。睇到觀眾嘅反應亦都知道其實賽果都應該係眾望所歸，其實唔使我哋嚟評，都應該......如果大家有睇嘅，都應該同意嗰個三甲嘅賽果。」

李克勤大讚今屆參賽者的水平非常高

大讚今屆參賽者的水平非常高

被問到三甲是否其心水？李克勤回答：「係，絕對係，絕對係。不過就覺得有啲可惜囉，真係一個令到人哋好懵憎嘅錯誤囉，嗰個唔記得戴耳機係佢好唔好彩嘅係，嗰隻歌開頭係冇鼓嘅，咁如果開頭佢係有一啲節奏畀佢嘅，咁可能佢會 handle 得比較好啲。佢嗰隻歌本身全隻歌都好難唱，由頭到尾佢都要聽得好清楚去表達，就算佢後尾戴返嘅時候好明顯已經打亂咗成個部署。我冇辦法畀到好高分佢，所以呢個係可惜，係一個低級錯誤，我唔想用低級呢個字眼，但係點解要決賽先......呢個係可以避免嘅錯誤啦，應該係咁講。」

他鼓勵失準的參加者：「即係可能係佢人生中其實係得一次嘅啫，但係就偏偏係今日發生囉，但係都唔緊要嘅，因為米已成炊啦，咁就塵埃落定啦，好似我哋以前啲頒獎都係嘅，佢係其中一個唱得好嘅，咁頒獎禮都係啦即係贏，攞咗獎之後都係威水過一晚，第二日開始，大家重新又再嚟過。佢哋仲有漫漫長路可以畀佢繼續每日戴住個耳機，所以唔好氣餒囉，千祈唔好氣餒。」