【2025.11.13娛圈熱點】盧淑儀弟弟捲債務風波汪明荃羅家英甜蜜不丹之旅瘋狂晒情侶裝襯到絕

娛圈事

【2025.11.13娛圈熱點】盧淑儀弟弟捲債務風波汪明荃羅家英甜蜜不丹之旅瘋狂晒情侶裝襯到絕

2025年11月13日 18:00 最後更新：18:38

關注一下過去24小時娛圈事Top 5熱話。

盧淑儀弟弟捲債務風波家人已竭盡所能父親發聲明與兒子正式脫離關係

點擊看圖輯

更多相片

1992年前港姐冠軍盧淑儀與李克勤於2006年拉埋天窗，婚後育有大仔李立仁（Ryan）與細仔李力司（Rex），一家四口生湩幸福美滿。盧淑儀婚後便淡出幕前專心相夫教子，閒時就會陪伴老公旅行、打波、睇球賽，生活相當低調。不過，盧淑儀弟弟盧煜培近日捲入債務風波，據知家人前後已替對方還了過千萬債務，但情況未見改善，盧爸爸今日（11月12日）無預警下發聲明與兒子正式脫離關係！

▼詳情點擊圖片查看或按連結

帶阿姐看世界｜汪明荃羅家英甜蜜不丹之旅瘋狂晒情侶裝襯到絕到埗即派「大心心」恩愛到爆炸

汪明荃（阿姐）與羅家英（家英哥）前晚（11月10日）身穿粉紅色情侶裝，現身機場出發到不丹拍攝全新綜藝節目《帶阿姐看世界》，最後一站神秘嘉賓身份正式揭盅。《帶阿姐看世界》將由11月24日起，逢周一至五晚10點半翡翠台播映。

▼詳情點擊圖片查看或按連結

炎明熹12月舉行音樂會與粉絲共度平安夜透過音樂讓大家知進化中的自己

炎明熹（Gigi）將於12月24日假亞洲國際博覽館，舉行一場《風之旅 MyVoyage Goes On Live》音樂會，今日（11月12日）開始公售，歌迷可以留意訂飛啦！

▼詳情點擊圖片查看或按連結

鍾欣潼即興遊日吃喝玩樂露臍裝上陣大晒小蠻腰

現年44歲的鍾欣潼（阿嬌）是圈中公認的零死角女神，雖然近年受賀爾蒙困擾身材時肥時瘦，但近期已回復最佳狀態！近年阿嬌就來了一場說走就走的旅行，飛到日本行街睇靚景，還大嘆當地美食，過了一個滿足的假期！

▼詳情點擊圖片查看或按連結

黃翠如放低老公囝囝赴內地工作大嘆武漢美食食得滋味

黃翠如與蕭正楠於今年3月迎來愛情結晶「簫哈哈」，組成幸福的三口之家。黃翠如近日暫時放底老公和囝囝，去到內地工作，並在社交平台分享工作點滴！

▼詳情點擊圖片查看或按連結

往下看更多文章

帶阿姐看世界｜羅家英分享「床頭打交床尾和」真諦與汪明荃相擁共舞為不丹之旅劃上圓滿句號

圍繞汪明荃（阿姐）出發看世界為主題的台慶綜藝節目《中國建設銀行(亞洲)呈獻：帶阿姐看世界》，昨晚（12月13日）播出不丹篇最後一集。最後一站不丹搵得老公羅家英做旅伴，尾聲的訴心聲內容自然更到肉更溫馨！

先接上回宣傳提及阿姐直問家英哥：「你話你同我講嘢對牛彈琴，我唔夠關心你定咩？」雖然家英哥再三迴避，但因經不起阿姐「哀求」：「我想改善吖嘛」、「我聽咗好唔安樂」，終把心一橫和盤托出：「幾十年入面哩，你係唔聽我講嘢架！」阿姐聽完搞笑扁嘴，之後二人對話如下。

阿姐：咁習慣咗吖嘛。

家英哥：所以咪對牛彈琴咯。

阿姐：你冇耐性呀。

家英哥：我有耐性架，冇耐性唔會對得你咁耐啦！

阿姐：我覺得你冇耐性呀。

家英哥：呢個又唔可以咁講嘅，其實我真係好有耐性、好有忍耐力，胸懷好大姐阿姐：你話架，返去睇吓你係咪喇！

眼見阿姐一再扁嘴又有啲委屈，家英哥即鬆口謂：「陰公！飲啖先，我講錯嘢。」然後更大談夫妻為何應該「床頭打交床尾和」：「對得多一定有嗌譖，嗌嚟做咩啫，聽日又對番架喇」、「習慣咗之後，大家明白互相嘅包涵咯。」值得留意的是，被話的阿姐雖然有啲頭耷耷，但全程表現心平氣和，且難得流露「聽教聽話小女孩」一面，足證家英哥在其心目中地位。

阿姐自爆氹家英哥開心事件簿

未知是否想上訴，阿姐主動提及當年家英哥染疫時、如何出盡法寶氹他開心，包括預備「一人邊爐」及「隔住玻璃陪練歌」：「你冇心機呀！然後你練歌哩，我就喺玻璃另一邊，係氹你開心架」，之後又像小女孩般問家英哥：「咁我為你做呢啲嘢你開唔開心呀？」當聽到家英哥表示開心後，阿姐即露出滿足甜笑，畫面相當甜蜜溫馨。

之後，二人又分享覺得阿姐拍攝這個節目後的改變—「大膽咗」、「好相與咗」、「願意嘗試新事物」、「個人開朗咗」及「幽默咗」，家英哥亦認同阿姐本身很有幽默感：「我發覺你其實好幽默，你窒我哩，你好開心架！」想不到最後依然是乘機耍花槍的招數。

最後，家英哥向阿姐送上「個人專屬郵票」及婚照相架，搞笑的是，二人為了婚照的光暗問題又鬥了一輪嘴，先是阿姐「搞事」：「啲光喺晒你度喎，唉！蝕咗底添」，家英哥則借題發揮：「我特登遮住你，等你唔晒掁住」，阿姐亦不甘示弱：「我就你咋，等你威啲。」很快家英哥便宣布投降：「你係權威，你所講嘅嘢，都係有道理嘅。」完全寵妻完美示範。