關曜儁與太太一同分享好消息，這對喜愛小朋友的夫婦再做父母，宣布即將迎接家中第五位成員。
關曜儁與太太分享家庭照
關曜儁與太太分享家庭照
關曜儁與太太分享家庭照
關曜儁與太太再做父母
關曜儁於IG分享家庭照及BB的超聲波照，並謂：「我哋又做爹哋媽咪啦 由未結婚開始已經同韻璇夾好咗要生3個 而家願望達成 *爸爸的心聲：我係咪要去結紮* 同咗身邊嘅朋友講呢個好消息之後 除咗收到好多祝福之外….. 而其次聽得最多嘅就係呢句 生3個好貴呀 生完之後我係咪要去結紮？ 大家知道就好啦 快啲介紹多啲學生嚟我公司做運動 同埋搵我做多啲演出工作 至於紮唔紮嗰度 我保持神秘先。」
關曜儁與太太再做父母
他又分享太太的想法：「*媽媽的心聲：一起並肩學習* 很感恩 真的心想事成 接下來一家五口 繼續在充滿愛與歡笑的家庭裏互相陪伴 爸爸媽媽將與你們三個細蚊仔一起長大， 一起並肩學習成為更好的人！ 多謝 @facehk 每次啲家庭相都幫我影到好靚 每次都好用心機捕捉到小朋友每個表情 #關曜儁 #家庭 #新成員 #正能量 #幸福」
兼任演員與健身教練的大隻仔關曜儁（Leo）接受李有毅（Ben）與兒子李國煒（Benson）主持的節目《Ben同Benson「Chur」到行》錄音訪問，大談由童年生活、三次投考藝訓班的經歷， Leo在訪問中分享了當年為張家輝擔任替身卻「齋剃頭」。
大隻仔關曜儁接受《Ben同Benson「Chur」到行》錄音訪問。
Leo在訪問中提到，自己在馬鞍山長大，小時候非常活躍，喜歡踢足球、跳街舞和玩獨木舟。他笑言因為太愛說話，經常被老師安排罰企，不過老師留意到他的表演慾，經常找他擔任校內活動的司儀，更對他說：「你讀書唔係好叻，不如你出來做自己鍾意做嘅事。」這句話讓他開始萌生成為演員的夢想。
左起：李有毅、關曜儁、李國煒
談到入行經過，Leo透露自己總共投考了三次TVB藝訓班。第一次入圍到最後階段，但最終落選；第二次自覺操fit身形，可惜依然失敗；第三次抱平常心，只穿短褲和普通T恤面試，反而成功獲取錄，他坦言：「頭兩次去又要整頭髮，又要諗吓點樣可以發揮自己，反而第三次著短褲、普通T恤反而就成功咗。」
Leo分享了一次難忘的拍攝經歷，當年他獲邀為電影《魔警》擔任張家輝的替身，條件是要剷青頭。他二話不說答應，到達現場後立即剷頭，但等了一整晚卻未有機會上陣，他表示：「我喺現場同智叔（廖啟智）傾咗好耐偈，本來諗住可以做張家輝背脊，但最後都係冇埋過位。」豈料翌日再收到電話邀請他做替身，但這次卻是要戴回假髮。Leo無奈表示：「呢個經歷好有趣，我有剃頭嘅相，因為我哋平時唔會剃頭，但突然剃咗頭又用唔到。」
關曜儁三度投考TVB藝訓班。
身兼演員與健身教練，Leo坦言多年來一直在兩者之間掙扎。他透露最難處理的是時間分配，有時拍劇收工要立即趕回公司睡一小時，然後早上七點又要教學生。「好感恩我嘅學生一直都體諒，知道我突然趕唔到嚟，佢哋都會話唔緊要。」他更指因為在《流行都市》擔任健身教練，令觀眾在街上看到他都會說：「你就係教運動嗰個。」
訪問尾聲，Leo選了Beyond的《真的愛你》送給母親，他感觸表示，當初入行時身邊很多人不看好，唯獨母親對他說：「我知道收入唔高，你去啦，唔使擔心我。」這份支持成為他堅持下去的動力。
關曜儁自爆曾為張家輝剃頭做替身卻「冇得埋位」！
詳細節目內容，請留意３月７日，晚上11時–凌晨1時，新城知訊台《Ben同Benson「Chur」到行》，網址：https://www.metroradio.com.hk/MetroInfo/
