老友記｜二子延續父輩情攜手打理粉麵店 楊尚友重遊小店「同太太拍拖食到而家」

「廚壇魔術師」楊尚友（Christian）主持全新飲食資訊節目《東方表行 Take Your Time 呈獻︰老友記》，逢周四晚九點三十五分及周五晚九點半TVB Plus（82台）播映。今次Christian摒棄紅酒與香檳，走入香港大街小巷，尋覓終將逝去黎民美食，細味人間餘溫。

Roy（左一）及細卓（左二）各自傳承父親的職務。

（左起）鄭先生及卓先生相知相交逾30年。

Christian跟太太拍拖時已經常幫襯。

昨晚（11月13日）楊尚友（Christian）來到銅鑼灣一間粉麵店，香港粉麵店買少見少，主因是年青一代不願接手的緣故。今次Christian推介的麵店剛好相反，見證了兩代傳承的美事︰「呢間店特別之處，除咗係兩位好朋友，一齊合作咗超過30年之外，仲有兩位嘅囝囝接手，名乎其實嘅父子檔，繼續傳承餐廳。」Christian還自爆跟太太拍拖時已經常光顧此店，留下不少美好回憶，他補充說︰「太太由細食到大，到我哋拍拖佢就帶我嚟食。」中廚出身的Christian直言做好味的魚蛋難，做出色好味的魚蛋難上加難，他對小店食物的評價是魚蛋粉湯底肉味重，魚蛋彈牙有肉汁，牛腩軟糯得來有咬口，接住補充說︰「呢度嘅食物可以用smooth嚟形容。」

細卓跟老父主力負責工場的生產。

Christian試食即炸的魚片頭。

工場的壓肉機機齡已逾30年。

麵店的水準保持不變，靠的是卓先生的執着。

兩位接手的太子爺Roy跟細卓負責不同崗位，各自傳承老父的職責。Roy主打行政營銷，他是近一年才開始回店幫手，原因是父親一席話，他笑說︰「老竇有日忽然同我講都60幾歲，唔知點做落去。佢都咁講，好在我份正職有彈性，可以返嚟幫手。」Roy自言小時候只喜歡吃街邊的咖喱魚蛋，到年紀漸長才懂欣賞自家出品，更認為魚蛋粉配上辣椒油是人間美味。另一位太子爺細卓原本從事銀行工作，2017年應父親卓先生要求，辭工幫手打理新店做開荒牛。除此之外他還落手落腳到生產工場幫手，他說︰「雖然主力睇店，但都要知每一個部門崗位運作，知難處就可以改善。」

兩位老拍檔鄭先生跟卓先生相知相交逾30年，兩人合作基於信任，鄭先生說︰「冇信任根本好難做，30年前同佢做同事，睇到佢係好執着嘅人，佢唔會因為你一句（說話）改變，有種匠人精神。所以點解佢啲魚蛋幾十年都咁好質素，我負責行政，佢負責控制出品。」卓先生補充表示拍檔之間包容亦很重要。

（2025年12月04日）「廚壇魔術師」楊尚友（Christian）主持全新飲食資訊節目《東方表行 Take Your Time 呈獻︰老友記》，周四晚及周五晚九點半TVB Plus（82台）播映。今次Christian摒棄紅酒與香檳，走入香港大街小巷，尋覓終將逝去黎民美食，細味人間餘溫。

Christian笑言食打冷好似享受巴黎海鮮拼盤一樣。

潮州菜煮食方法保留食物原味。

Felix接手老店有三樣要求要遵守。

Felix跟一班伙計相處如一家人。

今晚（12月4日）楊尚友（Christian）介紹一間位於油麻地的潮州菜館，他形容每次食打冷仿如享受法國海鮮拼盤，他笑說︰「兩樣嘢都有同一精神，就係要食海鮮最原始嘅味道，連煮食方法都差不多，只係輕微煮熟，然後過冷河，可以食到最鮮甜嘅美味。潮州菜最好係款式多，成日食都唔悶。」單是店內一味冰鎮芥辣墨魚片，已吸引不少老饕回頭，生醃瀨尿蝦、白灼凍蝦、潮州凍蟹差不多是每枱必點，被喻為潮州菜靈魂的春菜，差不多每道菜都有它的身影。

大眼雞

生醃瀨尿蝦

潮州凍蟹

薄殼

滷水鵝掌翼

潮州春菜

今集介紹的打冷店曾停業一年，跟住覓地在油麻地營業至今，少東Felix說︰「爸爸嗰時都做咗20、30年，之後退休停業一年，之後我接手再開業。」Felix話見到不少熟客老饕在舊店摸門釘，因此決意重開，當時老父提出開新店的三樣要求，他說︰「首先要保留舊菜，對食物要有堅持。餸大家都咁煮，點解有啲好食、有啲無咁好食？問題就喺食材上。」他記得當年父親一早便到街市，花幾小時揀最新鮮、最靚的食材饗客。Felix接手後堅持不賣隔夜海鮮，餸菜不達標準要再煮，務求客人吃到最好的潮州菜。另一樣老父要求是新店要夠大，Felix爸爸說︰「舊舖細搞到啲人客要等成個幾兩個鐘，所以我同佢講要開就要搵間店夠大，唔好畀啲客人等咁耐。」現在幫襯的不少都是舊店的客人，Felix笑言不少都是看着自己長大的叔伯輩。