第38屆金雞獎｜24歲易烊千璽《小小的我》挑戰演腦麻痹患者 刷新紀錄成金雞最年輕影帝

內地影壇盛事「第38屆金雞獎」頒獎禮昨晚（11月15日）於福建廈門海峽大劇院舉行，易烊千璽憑《小小的我》擊敗《志願軍：存亡之戰》朱一龍、《解密》劉昊然、《陽光俱樂部》黃曉明及《長安的荔枝》大鵬，奪得影帝殊榮，更刷新劉燁於2004年以26歲之齡奪得影帝的紀錄，成為金雞史上最年輕影帝！

易烊千璽憑《小小的我》奪得「第38屆金雞獎」影帝殊榮。

《小小的我》

易烊千璽雖然年僅24歲，但今次是第4次入圍金雞獎，他在電影《小小的我》中挑戰飾演腦麻痹患者，細膩的演出獲評審一致肯定，並獲得全場掌聲及歡呼聲！他在得獎感言中表示《小小的我》是家庭式經營的劇組，一起經歷了很多難關，「我12歲被選中出道，至今已經12年，很榮幸進入演員這個行業，未來會透過努力及作品，繼續打動觀眾。」他又搞笑表示日內將有新戲上映，並呼籲觀眾入場支持。

易烊千璽工作室微博圖片

易烊千璽工作室微博圖片

易烊千璽工作室微博圖片

易烊千璽工作室微博圖片

易烊千璽

至方最佳男配角就由袁富華憑《水餃皇后》奪得，他上台領獎時一臉愕然，之後語帶激動表示：「我61歲了，想不到會這樣激動，對不起！感謝評委們，糖水伯（片中角色）以幫助他人為本分，這個信念打動了我，要盡量演好每個角色。今次得獎不單是對糖水伯的認可，更是對我的肯定及鼓勵！」他又感謝感謝《水餃皇后》的台前幕後，以及惠英紅，「我想與台下所有藝術家繼續演好每個動人的故事。」

袁富華憑《水餃皇后》奪得最佳男配角。

《水餃皇后》

袁富華

洪卓立（Ken）今日（5月28日）推出全新作品《一次一次提自己》，今次新歌由張繼聰作曲，歌詞跟陳耀森不斷琢磨，MV則找來曾獲金像獎最佳男配角的袁富華老師擔任男主角，Ken自爆袁富華老師的演技，差點令他現場爆喊。

洪卓立推出全新作品《一次一次提自己》。

觀看相關影片按連結：https://youtu.be/pAw389cYWkI

提到MV，Ken語氣感激，他連講三次「非常之榮幸」可以請到袁富華老師幫手。拍攝當日天氣炎熱，袁富華老師更要做出大量舞獅動作，十分辛苦。而Ken因為有工作在身，留在現場時間不多，但他一見到袁富華老師，對方已經很nice跟他打招呼傾偈，又跟工作人員及醒獅團隊師傅有講有笑。不過最震撼的是埋位一刻，「一嗌Action，佢係一秒就入戲，我諗我都真係第一次喺現場睇一個專業嘅演員演戲而睇到喊。」

袁富華、洪卓立

MV圖片

MV圖片

Ken特別提到採青那場戲，袁富華老師演到成功採到青、完成年輕時夢想那份感動，真的哭了出來。Ken話：「我亦都係側邊係忍住喊，因為要拍我，所以係要忍住，唔好俾自己流眼淚，唔好俾自己個樣腫。」

MV圖片

MV圖片

Ken直認今次錄音過程一點都不簡單，「因為曾經爛咗聲，而家嘅聲音質地配落去呢啲Pop rock度，會係點樣呢？以前曾經試過，但效果唔係咁好，好似一個小朋友去講一個大人嘅故仔咁樣。」幸好現在聲線比過往成熟厚實，兩位監製聽完都覺得「好啱數」，更一直將編曲改得越來越勁、越來越行，不過Ken就話：「我自己因為少去聽到呢把自己嘅聲音，所以唔係好慣。」

MV圖片

MV圖片

至於歌詞方面，Ken坦言跟填詞人陳耀森談了很多自己的想法，「有好多嘢大家想做係興趣，但係生活上可能有好多困阻或者好多掣肘、或者好多失敗，會令到你想放棄，但係我又覺得無論乜嘢時候都係適合嘅時候，都係最適合嘅時候去追夢，因為只要你嗰團火唔熄，其實任何時間都係一個最好嘅時間。」他更用香港首位女太空人做例子，「大家都可以諗吓其實大家嘅夢想究竟有幾遠或者有幾高？就好似個天一樣，只要你想嘅話，努力嘅話，其實你係會掂到，就好似香港首位女太空人一樣。」

MV圖片

MV圖片

最後Ken想跟大家說：「如果大家有一啲夢想或者想做嘅嘢，可能冇動力、可能各種原因冇去做，真係暫時做唔到，唔緊要，我覺得可以做住一啲其他嘢先，慢慢等自己儲夠能量、慢慢儲夠勇氣再去衝，再去做返自己想做嘅嘢，將嗰團熱血攞返出嚟，再重新去追夢，無論咩年紀、無論咩時候都係最適合嘅時候。」

MV圖片

MV圖片