帶阿姐看世界｜羅家英汪明荃結婚16年一直未影婚照感遺憾 製作組安排「不丹婚照之旅」圓心願

汪明荃（阿姐）與羅家英（家英哥）早前（11月10日）出發往不丹拍攝全新綜藝節目《帶阿姐看世界》，原來二人在當地其中一站行程，是穿上不丹傳統民族服裝拍攝婚紗照！根據阿姐及節目官方發布的照片，穿上不丹傳統民族服的阿姐與家英哥，雖然相愛足足36年（拍拖20年），但二人依然恍如初戀甜蜜，阿姐在埋位前為老公細心整理衣衫、家英哥在埋位後，情不自禁親了阿姐一吓額頭，加上二人不時甜蜜對望及幸福甜笑，一切感覺盡在不言中。

阿姐同家英哥啲婚照係咪好甜蜜呢？

阿姐同家英哥啲婚照係咪好甜蜜呢？

阿姐同家英哥啲婚照係咪好甜蜜呢？

阿姐同家英哥啲婚照係咪好甜蜜呢？

阿姐同家英哥啲婚照係咪好甜蜜呢？

將由11月24日起，逢周一至五晚10點半翡翠台播映的《帶阿姐看世界》絕對驚喜多多，原來阿姐與家英哥自2009年結婚後一直沒有拍過婚紗照，家英哥對這件事一直耿耿於懷，多年來也有想過飛其他地方拍攝，想不到最後在《帶阿姐看世界》中夢想成真，家英哥笑言一切全是貼心節目監製炮製給二人的驚喜，家英哥難掩開心謂：「影結婚相我覺得都係要趁我哋仲後生、靚靚哋嘅時候影番張紀念吓嘅。（說畢自己也忍不住笑）嗰時有諗過不如去韓國影婚紗啦、西式啲啦，我有係咁諗過吓嘅，估唔到嚟到不丹突然間…可能我同製作組約略講過吓，咁佢就暗中安排咗。」

阿姐好靚呀！

阿姐同家英哥著嘅，係不丹人大時大節著嘅傳統服飾，係用好靚嘅織錦嚟整。

阿姐同家英哥著嘅，係不丹人大時大節著嘅傳統服飾，係用好靚嘅織錦嚟整。

阿姐同家英哥著嘅，係不丹人大時大節著嘅傳統服飾，係用好靚嘅織錦嚟整。

著呢件衫望落都大陣仗。

阿姐好細心咁幫家英哥整理個衫袖。

家英哥受訪期間突然要阿姐呵番勁Sweet 

阿姐補充謂：「因為我哋嗰時喺美國結婚，冇著到傳統婚紗/裙褂，佢（指家英哥）就成日話我哋幾時影番輯結婚相。但（今次）我都未同佢講實嘅，因為我要嚟到呢度先知啱唔啱，最後估唔到我哋會著上不丹嘅傳統服裝，仲要有大師祝福，又有好多村民同我哋跳舞慶祝，都幾難忘，佢哋煮啲嘢都好好食架。」家英哥聽畢在旁開心補充：「有大師加持我哋嘅婚姻，等我哋白首和諧。跟住佢哋召集咗七、八個村婦女代表，佢哋著到好靚嘅歡迎我哋，唱歌畀我哋聽，又邀請我哋一齊跳土風舞，好簡單嘅舞嚟嘅。」

阿姐同家英哥仲獲得當地大師加持。

阿姐同家英哥事後大談喺不丹影結婚相感受。

阿姐同家英哥事後大談喺不丹影結婚相感受。

訪問尾聲，家英哥突然開心又感慨地表示：「我就還咗個心願嚟喇係咪呀？」說畢還突然向阿姐撒嬌要求「握手仔」；阿姐雖然怕醜唔知點反應好，但亦算是第一時間伸手回應老公，並「係係係」與家英哥不斷係咁握手，相當搞笑。

家英哥做做吓訪問突然撒嬌要阿姐畀手仔。

阿姐無奈之下只能照畀手，梗係啦，阿姐怕醜架嘛，但其實佢有忍唔住甜笑架。

圍繞汪明荃（阿姐）出發看世界為主題的台慶綜藝節目《中國建設銀行(亞洲)呈獻：帶阿姐看世界》，本周二起晚上十點半翡翠台繼續熱播。

阿姐和Nicholas到訪哈辛二世清真寺。這座耗時7年興建的清真寺於1993年正式落成，除了是世界上第三大清真寺外，入面210米高的宣禮塔更是世界上最高的宣禮塔。

二人進行家訪，阿姐大讚當地人非常好客。

《帶阿姐看世界》第二站是摩洛哥，而摩洛哥站旅伴是「顏值擔當」阮浩棕（Nicholas）。在今晚（12月4日）及明晚（12月5日）播出的摩洛哥站頭兩集，阿姐與Nicholas可謂歎盡宏偉靚景！二人先後到訪了世界第三大清真寺—哈辛二世清真寺、「藍色城市」舍夫沙萬，及摩洛哥四大古城之一—菲斯；另外還深入了當地家訪，體驗當地人的特色「拉薄荷茶」，以及品嚐了地道私房茶＋大歎海景餐。上一站澳洲，周嘉洛以「口花花」＋「超級體貼」氹得阿姐勁開心；今站Nicholas則轉走知性男路線，與嘉洛仔一樣全程拖到阿姐實一實照顧周到之餘，Nicholas還以溫文tone，將大量摩洛哥的重要資訊自然又流暢地呈現到阿姐及觀眾眼前，難怪之前獲阿姐大讚勤力、做足功課，絕對實至名歸。

唔單止有口福品嚐當地出名的薄荷茶，Nicholas更有機會親自落手「拉薄荷茶」。

當地人非常熱情，仲邀請阿姐同Nicholas一齊跳舞，二人都樂在其中。

Nicholas非常貼心照顧阿姐，除咗拖住阿姐行，仲會搭住阿姐膊頭，仲預備埋「五色Liza遮」幫阿姐擔遮太陽，果然係暖男一名！

Nicholas非常貼心照顧阿姐，除咗拖住阿姐行，仲會搭住阿姐膊頭，仲預備埋「五色Liza遮」幫阿姐擔遮太陽，果然係暖男一名！

這兩集最特別是，是二人在有「歷史迷城」之稱的菲斯、體驗了極具當地特色的「大染缸」！原來皮革製品是摩洛哥最主要的輸出品之一，每年出口超過一億對手工皮拖鞋；當地人由16世紀開始，一直以古法人工染皮，亦是全球唯一保持用人手染皮的地方。除了歷史夠悠久兼Unique、當地人的染皮過程更相當大陣仗，一班染皮工人在一大堆排得整整齊齊的染缸上，不斷重覆上色、扭乾及曬乾等連串動作，加上古法的染皮顏料主要材料來自動物糞便，故染皮現場臭味難擋、要靠薄荷葉「擋味」。雖然如此，Nicholas還是鼓起勇氣、走落大染缸實地體驗「飛缸走隙」滋味，獲阿姐肉緊大叫：「小心呀真係」，還開心地為Nicholas拍照留念。事事錫住阿姐的Nicholas，知道摩洛哥太陽猛烈，更與製作組專誠為阿姐訂製「五色Liza遮」，幫阿姐貼身擋太陽之餘，還有不同顏色襯番阿姐拍攝當日衣著，細心度絕對爆燈！

Nicholas仲帶阿姐到「歷史迷城」菲斯體驗「大染缸」，由於臭味濃烈，二人要攞薄荷葉抵擋臭味。

Nicholas親身體驗「飛缸走隙」。

阿姐非常關心「孫仔」們的戀情，借啲意叫Nicholas買嘢送畀女朋友，嚇到Nicholas口窒窒。

今次Nicholas為阿姐獻出「第一次」——就係幫阿姐講價！

「Liza遮」果然係正嘅。

對於孫仔戀情寧舍關心的阿姐，繼上一站向嘉洛逼供與緋聞女友陳瀅的真實關係後，今集又逼供Nicholas招認與緋聞女友何沛珈戀情。事緣二人閒狂皮革製品時，阿姐突襲Nicholas：「你使唔使買啲嘢畀女友呀？」，隨即嚇到Nicholas口窒窒，之後工作人員再著Nicholas買「情侶銀包」，Nicholas即馬上拖阿姐落水，豈料卻慘遭阿姐大派檸檬，欲知詳情，就要留意今、明兩集節目！

駐顏有術的阿姐，在節目還將大談養生之道，並笑言不會學周潤發般跑山：「我同家英哥有時會行山」、「我行平路，唔係發仔嗰啲，發仔嗰啲跑到嚇死我」、「只要平平安安就得啦，唔使做咁多嘢，要睇自己身體條件吖嘛。」現年78歲的阿姐，還透露了直到今時今日，她都堅持每天會「返咗office先」，對工作熱愛度一百分。之後兩集，阿姐與Nicholas將瞄準撒哈拉沙漠出發，想親眼目睹二人變身沙漠裝後的有趣扮相，密切留意節目。