「香港音樂劇節 2026」即將啟動 黃劍文再次演出依然緊張 胡鴻鈞愛上新興趣 Lyman繼續被中文考起 Sinnie@LY未落實新公司

由 MQ Musical Theatre 主辦，香港首個大型音樂劇盛事「香港音樂劇節 2026」將於 2026 年 1 月 11 日至 2 月 8 日在香港西九文化區隆重舉行，呢日邀請胡鴻鈞、黃劍文、香胤宅、雷深如 (J.Arie)、吳倩怡 (Sinnie@Lolly Talk)等出席「香港音樂劇節2026」粉絲見面會，數百Fans包圍會場，非常熱鬧！

「香港音樂劇節 2026」即將啟動

香胤宅

「香港音樂劇節 2026」即將啟動

雷深如 (J.Arie)

黃劍文

黃劍文

胡鴻鈞

胡鴻鈞

黃劍文表示再演《為你鍾情》「既興奮、又緊張」，自言稍加排練就會進入狀態：「上次記者會見返大家，感覺已經返晒嚟，所以好期待快啲綵排！記得第一次係壓力大到喊，原來成Team人係大家比力量大家，呢部劇係講張國榮粉絲嘅故事，唱好多張國榮哥哥嘅歌曲，2026年係哥哥嘅70歲冥壽，令到呢個題材更有意思！」

呢日粉絲見面會公佈胡鴻鈞加盟參演《白孃孃：一朶遲桂花》電影音樂會，佢就表示演繹潘迪華前輩作品有壓力：「希望可以為經典作品注入啲新元素，嚟緊要日日排練，好享受呢啲充實嘅感覺，電影音樂會係好特別嘅演出方法，因為有紀錄片欣賞、又有管弦樂團一齊演出、要唱經典嘅歌曲，係一個好好嘅學習機會。」

「香港音樂劇節 2026」即將啟動

而香胤宅、雷深如在音樂劇《愛登士家庭》中飾演夫妻，Sinnie 則為二人女兒。近日有傳Sinnie@Lolly Talk 將加盟新唱片公司，以解財困壓力：「其實都係未確定，我哋8個人都覺得要啲時間去討論下大家嘅方向、想做啲咩，咩嘢offer係對我哋最好。其實都唔止一間公司接洽，所以我哋都想諗清楚，我覺得唔係急就可以做到一個好好嘅決定。」Sinnie希望可以找到一間公司能滿足8個人的心思，雖然有一定難度，但有信心可以等到。

而Lyman台上笑言未有「小Lyman」，唯有透過音樂劇發揮父愛，他接受訪問時笑言可以率先經歷老婆與女兒之間的爭竉。Lyman 透露將在兩星期後開始正式綵排，現階段各自做功課，Lyman 早在美國時已有舞台劇經驗，但他表示今次演出仍有一定難度。「因為要兼顧粵語版本，所以係難嘅，同埋我又無唱歌經驗，我見J.Arie佢哋綵排時，音樂一起就入到覺得好犀利。」

本屆音樂劇節帶來逾20個精彩節目、超過60場演出及活動、由近100位優秀國際及本地藝術家，為超過20,000名音樂劇愛好者帶來匯集百老匯劇目、本地傑出製作、亞洲巡迴音樂劇、音樂劇演唱會、音樂劇比賽及大師班系列等，展現音樂劇藝術的多元魅力。

樂壇人氣實力派歌手胡鴻鈞（Hubert）與吳若希（Jinny）將於7月17日強勢登陸廣州，合體舉行《Double Shot雙響2026巡迴演唱會》的演唱會！日前兩人特別抽空親赴廣州，展開為期全日的「馬拉松式」瘋狂宣傳行程。兩人不僅深入鬧市與廣州街坊零距離互動，更突襲街頭 Busking，吸引大批市民及粉絲包圍十分墟冚！

胡鴻鈞（Hubert）與吳若希（Jinny）日前為7月17日廣州演唱會跑全日宣傳。

當日Hubert與Jinny現身廣州街頭派發宣傳單張及與市民玩遊戲。兩人一亮相即掀起轟動，瞬間被熱情的街坊及粉絲層層包圍，大家紛紛拿出手機瘋狂拍照，更有不少市民即場與他們大合唱，氣氛熱烈。

落區派傳單引來大批粉絲包圍，場面墟冚。

事後Hubert笑言這次體驗簡直是「受寵若驚」：「同Jinny去廣州跑全日宣傳，其實就唔辛苦嘅，雖然佢好嘈，哈…..，但係我覺得好充實！真係好耐冇試過跑足一日宣傳，好開心見返好多老朋友。去到街頭嘅時候，其實真係冇諗過有咁多市民圍觀，嗰下一刻真係有啲驚喜同受寵若驚！起碼見到大家都好熱烈歡迎我同Jinny，大家又識唱我哋啲歌，令到我哋對嚟緊嘅Show多咗好大信心同期待！」

VIP門票秒殺後即場加推少量，兩人興奮感謝歌迷支持。

除了鬧市互動，兩人更突襲街頭 Busking。對於甚少參與街頭表演的Jinny來說，這次絕對是新鮮感十足的初體驗。Jinny坦言：「好耐未試過全日跑宣傳，感覺好似去敘舊多啲。至於喺街頭Busking，我不嬲都冇玩開，初頭真心覺得好驚！但原來同觀眾咁近距離，嗰種感覺好Close，真係好似同屋企人去咗唱K咁！雖然只係唱咗一小段，但見到大家反應超好，希望未來可以多啲同大家咁樣見面。」

Jinny首次街頭演出勁驚，但大讚近距離互動有趣。

而Hubert也表示感觸良多：「對上一次Busking已經係疫情宣傳嗰陣，今次再同Jinny一齊唱，有種好陌生又好熟悉嘅感覺。見到畫面咁多人圍住、可以即時唱歌畀大家聽，真係好開心。」

由於這是兩人近年首度在廣州合體開騷，演唱會的VIP門票在開售初期已全數秒殺，不少未能買到心水門票的歌迷紛紛「全網求飛」。主辦單位有見及此，經過多方協調後，終於在宣傳當日宣布加推最後少量VIP門票！

Hubert對觀眾反應驚喜。

得知加推消息後，兩位主角都興奮不已。Jinny透露：「好多人都同我講話買唔到飛，所以我哋好努力同主辦爭取，最後爭取到加推多百零張VIP飛！雖然Show後要同大家影相（福利）可能會辛苦少少，但只要見到大家，我哋就非常高興！」Hubert亦表示：「非常之多謝所有歌迷支持！主辦因應群眾反應加推，希望當晚可以同更多人一齊玩、一齊盡興，過一個好開心嘅晚上！」