一連兩集台慶綜藝節目《澳娛綜合呈獻：芷珊再約王嘉爾》，無綫最佳節目主持黎芷珊再度近距離直擊國際頂流歌手—王嘉爾 Jackson Wang個人第二次世界巡迴演唱會首兩站曼谷及澳門。香港出生、韓國出道的Jackson，全球各大社交媒體追蹤人數超過一億，2023年人生第一次世界巡迴演唱會足跡遠至巴西、智利、墨西哥、北美洲甚及歐洲等超過30個城市。
《澳娛綜合呈獻：芷珊再約王嘉爾》官方首發精彩預告。
王嘉爾親揭停工一年背後導火線。
當年事業正值黃金期的Jackson，突然宣布要休息一年。經過一年沉澱、療傷及調整，Jackson於今年強勢回歸，並已積極投入第二次個人世界巡唱。在首集的《芷珊再約王嘉爾》中，芷珊與製作組親赴曼谷直擊Jackson開騷盛況，以及再度深入探討Jackson內心世界。向來坦誠率直、無事不可對人言的Jackson，將首度在電視節目中親揭突然決定休息一年的爆發點、自己處於最低潮時的極端情緒狀況、以及如何靠家人及粉絲支持走過低谷。
點擊看圖輯
《澳娛綜合呈獻：芷珊再約王嘉爾》官方首發精彩預告。
王嘉爾親揭停工一年背後導火線。
王嘉爾演唱會資料圖片。
今次個節目，仲可以睇到好多Jackson嘅精彩演出架。
撞板當交學費：個問題係個心
談到突然決定休息一年的導火線，Jackson坦言並非單一事件，期間還流露了找不到擁有共同目標拍檔的那份無奈：「最重要唔係嗰件事，最重要係（啲事件）一齊360（意指所有不好的事一起發生）。對我嚟講，譬如話你呃咗（我）錢，呢啲係物質上嘅嘢，我覺得It’s ok，咁我賺得番咪得咯。同我工作嘅人，我覺得大家都係friend吖，但邊有得嚟咁多friend吖，你嘅夢想係你嘅夢想啫，人哋都有自己嘅夢想…我覺得人越大係真係要撞板，咪當交學費，但個問題係個心。」
王嘉爾演唱會資料圖片。
今次個節目，仲可以睇到好多Jackson嘅精彩演出架。
Jackson續指由於自己年紀很小便出道，故嚴格來說很多事情對每一個階段的他來說、都是不易應付的，Jackson：「我十歲練體操、之後再練劍擊，突然間天時地利人和遇到星探，之後就去韓國K-POP。我出道19歲，（嗰時）我係未ready社會，我連form 7都未畢業，你話咁嘅年紀我識鬼社會咩？！（然後）越嚟越多人見，我唔知點樣handle呢一切…」
「只係覺得我乜嘢都唔想做、自己都唔知自己係邊個」
談到最低潮時期，Jackson坦言有想過「唔想再活下去」：「最唔開心、最down嗰時，係乜嘢諗法都有諗過架…其實你冇時間去反應，只係覺得我乜嘢都唔想做，好似覺得自己都唔知自己係邊個…我係諗過我唔想再活落去。（芷珊：下？）係有架，我自己都Surprise，因為我由運動員、到練習生、再出道去海外，我覺得我係捱到嘅…」本周日首播的《芷珊再約王嘉爾》，還會360展現Jackson鏡頭背後，包括演出背後所花費的大量功夫、台下罕為人知的可愛活潑一面、以及作為國際頂流的搞笑又貼地的想法，萬勿錯過。
