VIVA宿舍變貓貓托兒所 半夜慘成「人肉嘔吐兜」 Ada獲隊友認證係「好媽媽」

為了測試VIVA愛心，冤枉團隊主理人枉阿姐早前特別找來一名「混血B」到宿舍，讓她們照顧一天，結過成功通過測試。繼照顧混血B合格之後，VIVA又要接受新挑戰。今次並非湊B，而是要做「貓奴」，由於主人要出外公幹，所以便將緬因貓女Yoji交託到VIVA宿舍暫住。「小公主」駕到，四位成員嚴陣以待，成間宿舍翻天覆地大清潔，認真巴閉。

VIVA幫手暫托貓貓。

觀看相關影片按連結：https://youtu.be/2Px0x4W1kXE

Yoji入住之前，VIVA四個女仔已經做足準備，拖地、吸塵、倒垃圾、抹枱、抹梳化等，務求令Yoji住得舒舒服服。等到Yoji大駕光臨，四個「貓奴」即刻分工合作：Carina負責安裝水兜、Macy跟VALC就專心砌籠、擺貓糧及安置貓砂盤，至於Ada呢？她使出冧貓絕招，一來就在梳化幫Yoji按摩！之後四個女仔又拿出貓玩具跟Yoji玩，又該牠於宿舍四圍探索，希望令牠慢慢熟悉新環境。

影片截圖

影片截圖

影片截圖

影片截圖

到了晚上，Ada、Carina跟Macy外出夜跑，VALC留在宿舍溫書。誰知三人一回來，第一時間便大叫Yoji，又四圍望尋找貓蹤，愛貓之情滿瀉。跟Yoji玩了一輪後，便到睡覺時間，Yoji選擇留在Ada跟Carina間房，之後更跳上Ada床睡覺，看來對Ada特別有好感。

影片截圖

影片截圖

經過一晚，VIVA工作完後，四人即到寵物店幫Yoji買牠鍾意的貓糧及玩具。不過在選購零食時，Ada表示買少量已經足夠，原來背後有段古，「好似琴晚咁，佢嘔咗落我枕頭度。我諗住接住佢啲嘔吐物（其實係吐毛），但係因為間房太黑，我乜嘢都睇唔到，我唔知係我接咗定未接嘅時候已經嘔咗定係點，哈哈。」Macy即刻抵死地說：「佢真係好適合做阿媽。但Carina瞓喺佢隔離床係全晚都冇醒過。」

影片截圖

影片截圖

影片截圖

影片截圖

轉眼間，Yoji已入住宿舍五日，冤枉團隊再次到宿舍拍攝。三位隊員即爆響口，指Yoji特別鍾意Ada：「Ada負責鏟屎，佢屙好多㗎，不過佢一屙完，Ada就會即刻鏟走。」果然係盡責媽咪。不過隊員們就提出一個疑問：「其實我哋應該有一個實測，究竟佢係鍾意Ada？定係Ada床鋪嘅位置？佢係鍾意啲角置，同埋Ada張床係拍到埋牆角。」為了找出真相，枉阿姐提議測試誰可以抱Yoji最耐。不過當三位成員輪流抱貓時，VALC竟然拎出逗貓棒「擾敵」，搞到實測最後無疾而終，隊員大叫不公平，十分搞笑。

影片截圖

影片截圖

影片截圖

今次Yoji的「托兒」之旅暫告一段落，節目尾聲播出下集預告，原來團隊將會對VIVA舉行「隊長選舉」！四個女仔各自談及對方的優點及缺點，冤枉團隊更找來公司藝人一齊投票，看來又有好戲上演。

影片截圖

女團VIVA昨日（3月23日）推出本年度首支派台作品《BABY Savage》，繼續以跳唱風格帶來一場溫柔又危險的聽覺衝擊。

VIVA推出本年度首支派台作品《BABY Savage》。

新歌由T-Ma與JONO作曲、T-Rexx填詞、JONO編曲、T-Ma監製，延續上年《FOMO》之後的可能性。今次VIVA不再局限於單一形象，大膽展現女生的多面性，甜美跟鋒利並不對立，溫柔與危險更加可以共存。

觀看相關影片按連結：https://youtu.be/aR01YyDSE2E

對於今次作品，VIVA坦言十分有共鳴，原來大家都有極大反差，都是「表裏不一」。Macy分享最近拍攝時的開心經歷，「最近拍攝其實有攝影師同我講：『平時睇你IG估唔到你都可以咁有活力，咁搞怪，俾咗好多驚喜我。』我聽完之後超級開心。因為其實我表面係鍾意公主look，平時sweet樣比較多，但其實我係man底，笑聲好低音，講嘢好豪放，唔只係大家平時睇到個一面！」而Ada同樣自爆外表跟內在有強烈反差，「我覺得我嘅外表俾人睇落有陣時有啲強勢，但其實私底下嘅我反而係一個比較柔弱嘅女仔。」

Macy

Macy

Macy

Ada

Ada

至於Carina跟VALC亦不遑多讓，VALC笑言：「我個樣成日被人話好有距離感，好似好難相處，但其實我係最鍾意攬住公仔瞓覺嗰個。」Carina則透露：「平時我好似好有氣勢，但反而係團隊入面最無殺傷力嗰個，哈哈。」

Carina

Carina

VALC

VALC

VALC

新歌推出後，隨即引來不少網民討論，大讚MV、曲風及造型出色，更有網民誤以為是韓國MV，盛讚香港製作水準足以媲美韓流頂級質素，「好少見香港MV咁有水準」、「以為是韓國MV」、「認真係幾型，VIVA好高汁（質）！加油」。隊長Carina看到網民的熱烈回響，感動表示：「雖然自己只是新人，但投身香港娛樂行業，成為其中一份子，好想本地嘅製作能夠追趕亞洲頂級水準，希望唔失禮。」

網民留言

網民留言

網民留言

網民留言

除此之外，VIVA透露五月將會加入Hyrox，已經報名玩接力賽，現時開始訓練，Carina談及參賽緣由：「我哋係一隊鍾意挑戰嘅女團，年頭我跑完馬拉松之後，就向大家提議挑戰Hyrox，因為今年係VIVA成軍兩周年，好想我哋四個一齊完成一件事，各自為自己定下一個目標去達成。」適逢五月亦是VIVA成軍兩周年，去年於麥當勞舉辦fans meeting，VIVA表示今年希望找一個更大的場地，與更多歌迷一同慶祝。